២.ទម្លាប់ធ្វើចលនារាងកាយពេលព្រឹក៖ ទម្លាប់ហាត់ប្រាណពេកព្រឹកនេះ កើតចេញពីព្រះចៅអធិរាជហ្វីរ៉ូហ៊ីតូ​ “Taisou”​ នៅឆ្នាំ១៩២៨ ដើម្បីឱ្យសុខភាពរបស់ពលទាហាជប៉ុនរឹងមាំ។ រហូតមកដល់ពេលនេះ វាក្លាយជាទម្លាប់ប្រជជាជនជប៉ុនឱ្យហាត់ប្រាណហើយ។ តាមលោក Ken Mogi ជាអ្នកវិទ្យាសាស្រ្ត និងជាអ្នកនិពន្ធសៀវភៅឈ្មោះថា Awakening Your Ikigai បាននិយាយថា ការធ្វើលំហាត់ប្រាណពេលព្រឹកនេះ គឺធ្វើដោយក្តីស្រឡាញ់ ត្រឹមតែ ១០ ទៅ ១៥ នាទីជួយដុតជាតិខ្លាញ់ក្នុងរាងកាយ ឱ្យឈាមមានដំណើរការរត់ស្រួល ហើយជួយចង្វាក់បេះដូងលោតបានល្អក្នុងការផលិតឈាម។ សុខភាពរបស់មនុស្សជាទ្រព្យលេខមួយ។ នេះជាហេតុផលមួយដែលអ្នកគួរធ្វើលំហាត់ប្រាណពេលព្រឹកដើម្បីសម្រកគីឡូ និងអារម្មណ៍រីករាយ។

៣.ទម្លាប់អាហារពេលព្រឹក៖ អាហារពេលព្រឹកមានសារៈសំខាន់បំផុតសម្រាប់មនុស្សយើង។ ដូចជាជនជាតិជប៉ុន មានទម្លាប់ហូបអាហារពេលព្រឹកមានលក្ខណៈសាមញ្ញ ឱ្យស្រកគីឡូ ឱ្យមានអារម្មណ៍ស្រួល។ មានអាហារសាមញ្ញៗ ដូចជាមានអង្ករមួយចាន ត្រីអាំង ស៊ុប មីជប៉ុន ស៊ុត​ តៅហ៊ូ សារ៉ាយសមុទ្រ ដំឡូង និងបន្លែបៃតង ការ៉ុត ត្រសក់ល្វីង Goya និងតែផ្កាម្លិះ ហើយមានផ្លែឈើមួយចំនួននៅពេលព្រឹកដែរ។ អ្នកនឹងឃើញថា អាហារទាំងនេះមានសារធាតុចិញ្ចឹមរាងកាយ និងមានសារធាតុប្រឆាំងអ៊ុកស៊ីតកម្ម ហើយការពារជំងឺបេះដូង កាត់បន្ថយកូឡេស្តេរ៉ូល ជួយដល់អារម្មណ៍រីករាយផងដែរ។ ហើយវាបានផ្តល់ថាមពលឱ្យរាងកាយបានគ្រប់គ្រាន់ក្នុងសកម្មភាពពេញមួយថ្ងៃថែមទៀត។ តាមលោក Ken Mogi បាននិយាយថា បើអ្នកមានសេចក្តីរីករាយក្រោកពេលព្រឹក ដើម្បីទទួលទានអាហារក្នុងឋានៈជាមនុស្សមានគោលបំណង គឺអ្នកត្រូវបង្កើតទម្លាប់បញ្ជូនទៅកាន់ខួរក្បាលជាមុន(ផ្តល់ហេតុផល) ដើម្បីក្រោកពីដំណេកយ៉ាងរីករាយ។” អត្ថបទដោយ៖ ទ្រ ​សុភាព