សុខភាពល្អជាកត្តាចម្បងធ្វើឱ្យមនុស្សរស់នៅមានសុភមង្គលហើយមានអាយុវែង។ បើអ្នកមានបញ្ហាសុខភាពហើយ អាយុរបស់អ្នកក៏ខ្លីដែរ។ និយាយទៅ! ការរស់នៅរបស់មនុស្សម្នាក់ៗ ស្ថិតលើទម្លាប់ប្រចាំថ្ងៃនេះ បើអ្នកចង់រស់នៅមានអាយុវែង អ្នកត្រូវមានទម្លាប់ដូចជាមនុស្សចាស់ទាំង ៣នេះដែរ។
លោកយាយ Jeanne Calment ដែលធ្វើឱ្យគាត់រស់នៅបានអាយុ ១២២ ឆ្នាំ នៅប្រទេសបារាំង។ លោកយាយមានទម្លាប់ល្អបំផុតនាំឱ្យគាត់មានអាយុវែងនេះគឺថា ការធ្វើលំហាត់ប្រាណពេលព្រឹកដើម្បីបង្កើនភាពរីករាយ។ លោកយាយតែងភ្ញាក់ពីគេងនៅ ៦. ៤៥ នាទី មានទម្លាប់ធ្វើសមាធិ ដើម្បីពង្រឹងចិត្តគំនិតឱ្យរឹងមាំ និងបន្ទាប់មកធ្វើលំហាត់ប្រាណដៃ ជើង និងបត់បែងរាងកាយ។ ទោះបីលោកយាយមានអាយុ ១០០ជាង ក៏លោកអាចជិះកង់បានដែរ។ ហើយលោកយាយចូលងូតទឹកដោយគ្មានជំនួយពីនណាម្នាក់នោះទេ វាធ្វើឱ្យអារម្មណ៍គាត់កាន់តែល្អ នៅពេលព្រឹកនេះ។ លោកយាយមានសុខភាពល្អ និងមានការរស់នៅបានយូរ មកពីគាត់មិនលើសទម្ងន់នោះទេ មកពីគាត់ជាមនុស្សម្នាក់ដែលមានភាពសកម្មក្នុងការរស់នៅ ដូចជាជនជាតិជប៉ុនដែរ។
លោកយាយ Kane Tanaka ជនជាតិជប៉ុនដែលមានអាយុវែងបំផុតក្នុងពិភពលោកដែលមានអាយុ ១១៩ឆ្នាំ។ លោកយាយមានទម្លាប់សាមញ្ញមួយគឺថា រីករាយគ្រួសាររបស់ខ្ញុំ មានជំនឿលើព្រះនាំឱ្យបេះដូងគាត់មានក្តីសុខ។ ដោយសារជំនឿរីករាយបែបនេះហើយ ធ្វើឱ្យខ្ញុំតែងតែគេងលក់ស្រួល ខ្ញុំតែងតែមានភាពវិជ្ជមាន និងមានក្តីសង្ឃឹមជានិច្ចក្នុងជីវិតនេះ។ ហើយការញ៉ាំអាហារល្អ និងអនុវត្តគណិតវិទ្យា ដែលជួយឱ្យខ្ញុំមានអាយុវែង។
សម្រាប់លោកលោកយាយ Maria Capovilla កើតនៅឆ្នាំ ១៨៩០ បានរស់នៅដល់ឆ្នាំ ២០០៦ មានអាយុ ១១៦ ឆ្នាំ និង៣៤៧ ថ្ងៃ។ លោកយាយមានទម្លាប់ប្រចាំខ្លួនមួយថា នៅក្នុងបទសម្ភាសន៍មួយនៅឆ្នាំ ២០០៥ ជាមួយសារព័ត៌មានកាណាឌីយ៉ាកូនស្រីរបស់លោកយាយបាននិយាយថា ម៉ាក់(Maria Capovilla) តែងតែមានចរិតស្ងប់ស្ងាត់ (គាត់ចេះគ្រប់គ្រងលើចិត្តឱ្យស្ងប់ក្នុងបញ្ហា)។ ភាពចាស់ទុំផ្នែកអារម្មណ៍នាំឱ្យគាត់ក្លាយជាមនុស្សម្នាក់មានការរស់នៅស្ងប់ស្ងាត់ និងមានសេចក្តីសុខផ្លូវចិត្តណាស់។ នេះកត្តានាំគាត់អាយុវែងបែបនេះ៕អត្ថបទដោយ៖ ទ្រ សុភាព