ចំពោះជំងឺរលាកសន្លាក់ដោយសារអាយុច្រើន និងជំងឺសន្លាក់ទូទៅ។ លោកវេជ្ជបណ្ឌិត រតនៈ បានប្រាប់ថា បញ្ហាសន្លាក់គឺសំដៅទៅលើជំងឺទាំងឡាយណាដែលបង្កឱ្យកើតជំងឺរលាក ខូតខាត រិចរឹល និងឡើងជាតិអាស៊ីតក្នុងឆ្អឹង...។

បញ្ហាសន្លាក់នេះ ភាគច្រើនកើតលើវ័យមនុស្សចាស់ និងវ័យក្មេងតិចតួច មូលហេតុអាចបណ្តាលឱ្យកើតជំងឺនេះ តាមលោកវេជ្ជបណ្ឌិត កូយ រតនៈ មានប្រសាសន៍ថា ជំងឺសន្លាក់នេះ​បង្កឱ្យកើតមានដូចជា ចំណីអាហារមិនល្អ ញ៉ាំជាតិសាច់ច្រើន ពិសារស្រាច្រើនធ្វើឱ្យឡើងជាតិអាស៊ីត ហើយជំងឺនេះក៏មានកត្តាផ្សេងៗ មានដូចជា ការធ្វើសកម្មភាពខ្លាំងពេក ជាលេងកីឡាបាល់ទះពេក និងកីឡារត់ខ្លាំងពេក វាក៏ធ្វើសន្លាក់ជង្គង់មានបញ្ហា...។

ធ្វើលំហាត់ប្រាណ និងលេងកីឡាបែបណាត្រឹមត្រូវចំពោះសន្លាក់? តាមលោកវេជ្ជបណ្ឌិត កូយ រតនៈ បានណែនាំឱ្យធ្វើលំហាត់ប្រាណ និងលេងកីឡាឱ្យសមចំពោះរាងកាយ(កុំដាក់សម្ពាធលើសន្លាក់ខ្លាំង)មានដូចជា ការរត់លឿន និងលោតលេងបាល់ទះ(ចាយពេលច្រើន) និងការលើកទម្ងន់លើសកម្លាំង វាបង្កជាបញ្ហា​ដល់រាងកាយនាំប៉ះដល់ឆ្អឹងសន្លាក់ខ្លាំងពេក។ លោកវេជ្ជបណ្ឌិតបានបន្តថា ការហាត់ប្រាណជួយដល់សន្លាក់ អ្នកត្រូវពត់់ដៃ ពត់ជើង ហាត់យូរហ្គា ជិះកង់ និងការហែងទឹក... លំហាត់ប្រាណបែបនេះ វាមិនដាក់សម្ពាធលើសន្លាក់ខ្លាំងពេកទេ។” យើងបានឃើញអ្នកដែលលេងកីឡាពីវ័យក្មេងជាការលេងបាល់ទះខ្លាំងៗ ពេលដល់វ័យចំណាស់បន្តិច មានបញ្ហាឈឺសន្លាក់ដោយងាយ មកពីកីឡាបែបនេះដាក់សម្ពាធលើសន្លាក់ខ្លាំង។

តាមលោកវេជ្ជបណ្ឌិត Wendy Holden ជាអ្នកជំនាញឆ្អឹងសន្លាក់បានប្រាប់ BBC ថាមានមនុស្សភាគច្រើនគិតខុសថា ការហាត់ប្រាណធ្វើឱ្យរឹតតែមានការឈឺចាប់ដល់សន្លាក់ វាមិនអ្វីគិតនោះទេ បើអ្នកហាត់ប្រាណឱ្យត្រូវរាងកាយ និងអាយុរៀងៗ ខ្លួន។ បើអ្នកនៅវ័យក្មេងការលើកទម្ងន់សមនឹងកម្លាំងខ្លួន នាំឱ្យសុខភាពសន្លាក់ល្អ។ សម្រាប់មនុស្សចាស់ ការដើរតិចៗ និងហាត់យូហ្គាជួយសម្រួលសរសៃបានស្រួលហើយវាជាវិធីសាស្ដ្រសកម្មភាពរាងកាយព្យាបាលជំងឺឈឺចុករួយសន្លក់និងជួយផ្លាស់ប្ដូរទម្លាប់រស់នៅប្រចាំថ្ងៃឱ្យអាយុវែងផងដែរ៕អត្ថបទដោយ៖ ទ្រ សុភាព