អ្នកមានបញ្ហាតម្រងនោម និងថ្លើមធ្វើឱ្យអ្នកចាយលុយព្យាបាលអស់ច្រើនណាស់។ ព្រោះថ្លើមនិងតម្រងនោមជាសរីរាង្គខាងក្នុងដែលមានមុខងារចម្រោះកាកសំណល់ជាតិពុលចេញពីរាងកាយ។ រោគសញ្ញាបញ្ហាថ្លើមមានដូចជា ក្ដៅខ្លួន រាករូស ទឹកនោមក្រម៉ៅ និងឈឺក្បាល៖ ៤វិធីថែតម្រងនោមថែថ្លើមឱ្យនៅឆ្ងាយពីជាតិពុល។
១. ការបរិភោគអាហារសម្បូរស្ពាន់ធ័រ៖ សម្រាប់ខ្ទឹមស ខ្ទឹមបារាំង ផ្កាខាត់ណាខៀវ និងទឹកដោះគោជូរជាអាហារសម្បូរទៅដោយសមាសធាតុស្ពាន់ធ័រដែលជួយថ្លើមក្នុងការបន្សាបជាតិពុលក្នុងរាងកាយកាន់តែប្រសើរ។ អាហារទាំងនេះជួយកម្ចាត់សារធាតុជាតិពុលផ្សេងៗ ចេញពីរាងកាយជាពិសេសថែតម្រងនោមបានល្អដែរ។
២. ផឹកទឹកត្រសក់ និងជីអង្កាម៖ ជីអង្កាមនិងទឹកត្រសក់មានអត្ថប្រយោជន៍ដើម្បីបន្សាបជាតិពុលធ្វើឱ្យប្រសើរឡើងនូវមុខងាររំលាយអាហារ និងដុតខ្លាញ់ឱ្យអ្នកសម្រកគីឡូ។ គ្រឿងផ្សំទាំងពីរនេះមិនត្រឹមតែបន្ថែមរសជាតិឱ្យអារម្មណ៍ស្រស់ស្រាយណោះទេ វាថែមទាំងផ្តល់សារធាតុប្រឆាំងអុកស៊ីតកម្ម ពង្រឹងមុខងារតម្រងនោម និងកម្ចាត់ជាតិពុលក្នុងថ្លើម ខណៈពេលដែលវាជួយរក្សារាងកាយឱ្យមានជាតិទឹក និងថាមពលបានយូរ។
៣. ផ្លែឈើមានសារធាតុរ៉ែ៖ តម្រងនោមត្រូវការសារធាតុរ៉ែមួយចំនួនដូចជាប៉ូតាស្យូម និងផូស្វ័រដើម្បីដំណើរការបានត្រឹមត្រូវ។ អតុល្យភាពសារធាតុរ៉ែទាំងនេះអាចនាំឱ្យមានអារម្មណ៍ភាពតានតឹងក្នុងសរីរាង្គ។ ផ្លែឈដែលមានសារធាតុប៉ូតាស្យូម និងផូស្វ័រ មានដូចជាផ្លែឈើ៖ល្ហុង ម្នាស់ ខ្នុរ ស្វាយ ល្មុត ត្របែក ស្រកានាគ មានគ្រាប់ធញ្ញជាតិ និងទឹកដោះគោ វាអាចជួយរក្សាតុល្យភាពថ្លើមនិងតម្រងនោមបានយ៉ាងល្អផងដែរ។
៤. កាត់បន្ថយការប៉ះពាល់ជាតិពុលដោយការហាត់ប្រាណ៖ ការធ្វើលំហាត់ប្រាណជួយលាងជាតិពុលចេញពីថ្លើមរបស់អ្នកឱ្យមានសុខភាពល្អ។ ព្រោះថា ការធ្វើលំហាត់ប្រាណការពារសាច់ដុំ និងពង្រឹងមុខងារប្រព័ន្ធថ្លើមឱ្យមាំប្រយុទ្ធប្រឆាំងជាមួយមេរោគ កុំឱ្យកើតជំងឺក្រិនថ្លើម៕ អត្ថបទដោយ៖ ទ្រ សុភាព