១. ពាក្យជប៉ុនថា ‘Ko-ko-ro-ga-mae’វាមានន័យថា អាកប្បកិរិយា វិធីសាស្រ្ត និងចេតនាពិត។ តាមគេហទំព័រ Forbes បានបញ្ជាក់ថា ពាក្យមួយនេះ ធ្វើឱ្យអ្នកប្រជាជន និងជំនួញជនជាតិជប៉ុនមានអាកប្បកិរិយាសុចរិត នាំឱ្យជនជាតិដទៃរកស៊ីជាមួយគ្នាមានទំនុកចិត្ត គ្មានការបោកប្រាស់នោះទេ។ ហើយវាក៏ជាសិល្បៈប្រពៃណីរបស់ជប៉ុនឱ្យរស់នៅមានក្តីសុខផងដែរ។ តើអ្នកមានមានអត្តចរិតភាពស្មោះត្រង់ ដើម្បីកសាងទំនុកចិត្តដល់អ្នកដទៃ? អាចនិយាយថា ភាពស្មោះត្រង់ធ្វើឱ្យមនុស្សមានអាយុវែង ព្រោះវាបង្កប់នៅពាក្យមួយក្នុងហ្នឹងគឺក្តីស្រឡាញ់។

២. ការអាននាំចិត្តរីករាយ។ តាមការសិក្សាមួយធ្វើឡើងដោយសាកលវិទ្យាល័យ Yaleបានបង្ហាញថា ការអានសៀវភៅ ជារឿងទាក់ទងដោយផ្ទាល់ទៅនឹងការរស់នៅបានយូរ។ តាមការពិសោធន៍ពីអ្នកអានសៀវភៅដែលមានអ្នកចូលរួម ៣.៥៣៦នាក់ មានអាយុលើសពី ៥០ឆ្នាំ បែងចែកជា ២ក្រុម៖ មានអ្នកអានសៀវភៅ ៣ម៉ោងក្នុង១សប្តាហ៍ និក្រុមទី ២ អានលើស ៣ម៉ោងក្នុង១សប្តាហ៍។ ការស្រាវជ្រាវរយៈពេល ១២ឆ្នាំនេះ បញ្ជាក់ថា អ្នកអានសៀវភៅក្រុមទី២នេះ រស់នៅបានយូរជាងក្រុមទី១ ចំនួន ២៣ខែឯណោះ និងគ្មានជំងឺវង្វេងថែមទៀត។

២. ញុំា៨០%នាំឱ្យស្រួលខ្លួនមានអាយុវែង។ ការហូបអាហារចំនួននេះជាហេតុនាំជនជាតិជប៉ុនមានអាយុវែងធ្វើឱ្យក្រពះរំលាយស្រួល។ ពេលអ្នកញុំាអាហារ៨០%តាមជប៉ុន អ្នកនឹងមានអាយុវែងជាមិនខានទេ។ យោងតាមច្បាប់៨០% ដើម្បីថែសុខភាពឱ្យបានរស់យូរ អ្នកគួរតែញុំាតិចៗជាជាងញុំាតាមតម្រូវការឃ្លានរបស់អ្នក។ ដូចសុភាសិតជប៉ុនមួយលើកឡើងថា ញុំាតែ៨០%ឆ្អែតល្មម អ្នកលែងស្គាល់ជាតិជួបមុខពេទ្យទៀតហើយ៕ អត្ថបទដោយ៖ ទ្រ សុភាព