សម័យសព្វថ្ងៃនេះ មនុស្សជាច្រើនចូលចិត្តមើលទូរស័ព្ទ និងប្រើកុំព្យូទ័រធ្វើការក្នុងមួយថ្ងៃៗ អស់ជាច្រើនម៉ោងបណ្តាលឱ្យមានបញ្ហាភ្នែកឡើងព្រិល ចេះក្រហាយភ្នែក និងឡើងម្ញូបភ្នែកម្តបន្តិចៗ រហូបមានជំងឺភ្នែកធ្ងន់ព្រោះពន្លឺពណ៌ខៀវពីទូរស័ព្ទដៃនេះឯង។ ដើម្បីការពារកែវភ្នែករបស់អ្នកបញ្ហាទាំងអស់នេះ អ្នកគួរញ៉ាំអាហារខាងក្រោមនេះ។
ចូរអ្នកហូបអាហារដែលសម្បូរទៅដោយជាតិវីតាមីន A និងបេតាការ៉ូទីន ដែលមាននៅក្នុងផ្លែការ៉ុត និងផ្លែល្ពៅដើម្បីបង្កើតឡើងវិញនូវកោសិកាពណ៌ភ្នែកធ្វើឱ្យប្រសើរឡើងនូវកែវភ្នែក។ ការហូបការ៉ុតជាប្រចាំថ្ងៃ វាពិតជាជួយកាត់បន្ថយការឈឺភ្នែក និងជួយការពារភ្នែកឡើងស្ងួតយ៉ាងមានប្រសិទ្ធភាព។
ការហូបសាច់ត្រីសម្បូរអូមេហ្គា៣ គឺមានអូមេហ្គា៣ ជាអាស៊ីតខ្លាញ់ដែលសំខាន់ដើម្បីរក្សាតុល្យភាពសំណើមនៅក្នុងភ្នែក។ ត្រីដែលសម្បូរទៅដោយអូមេហ្គា៣ ដូចជាត្រីសាម៉ុង និងត្រីធូណា មិនត្រឹមតែកាត់បន្ថយភ្នែកស្ងួតប៉ុណ្ណោះទេ ថែមទាំងការពារម្ញូបភ្នែកផងដែរ។
សម្រាប់បន្លែមានដូចជាស្ពៃខ្មៅ និងផ្កាខាត់ណា វាជាបន្លែបៃតងទាំងពីរប្រភេទនេះមានផ្ទុកសារធាតុ lutein និង zeaxanthin ដើម្បីជួយការពារពីផលប៉ះពាល់នៃពន្លឺពណ៌ខៀវបញ្ចេញពីកុំព្យូទ័រនិងទូរស័ព្ទដៃ។ ហើយអ្នកគួរផឹកទឹកឱ្យបានគ្រប់គ្រាន់ ជាទូទៅការផឹកទឹកចាប់ពី ៣ទៅ៤លីត្រជាប្រចាំថ្ងៃនោះ ជួយសុខភាពរាងកាយ ជួយសម្រួលដល់ការបន្ទោរបង់ និងភ្នែកដែរ។ អ្នកអាចបន្ថែមតែបៃតង និងតែ chamomile មានផ្ទុកសារធាតុប្រឆាំងអុកស៊ីតកម្ម EGCG និង flavonoids ជួយការពារកោសិកាកែវភ្នែកពីការខូចខាតអុកស៊ីតកម្មយ៉ាងល្អ។
ពេលអ្នកកំពុងធ្វើការ អ្នកគួរតែធ្វើចលនាម៉ាស្សាភ្នែក តាមរយៈការបង្វិលភ្នែក បើកនិងបិទភ្នែក ឬរកមើលចុះឡើង ក្រឡេកឆ្វេងនិងស្តាំ ដើម្បីជួយឱ្យភ្នែករបស់អ្នកបានសម្រាក និងចរាចរឈាមរត់។ សូម្បីតែការប្រើប្រាស់វ៉ែនតាការពារពន្លឺទូរស័ព្ទដៃ ក៏អាចជួយឱ្យភ្នែករបស់អ្នកមានសុខភាពល្អបន្ថែមទៀត៕ អត្ថបទដោយ៖ ទ្រ សុភាព