អាហារពិតជាសំខាន់សម្រាប់សម្រស់ណាស់។ មានអ្នកខ្លះហូបអាហារប្រៃផ្អែមរាល់ថ្ងៃ និងផឹកស្រា មើលទៅសម្រស់ចាស់ជាងវ័យហើយធាត់ថែមទៀត។ ចឹងហើយ! ការហូបអាហារល្អ ពិតជាជួយស្បែកផលិតកូឡាជែននាំឱ្យសម្រស់ក្រចាស់ជាងវ័យ។ សម្រាប់ខូឡាជេនជាប្រូតេអ៊ីនជួយពន្យាភាពចាស់របស់ស្បែកជម្រុញចលនាឈាមរត់ និងបន្ថយសញ្ញាភាពចាស់។ ខាងក្រោមនេះ ជាអាហារល្អសម្រាប់ស្បែក។
១. ស៊ុតជាប្រភពអាស៊ីតអាមីណូសំខាន់សម្រាប់ផលិត collagen ដល់ស្បែក។ ការហូបទានស៊ុតជួយឱ្យស្បែកមានសុខភាពល្អកាន់តែភ្លឺរលោង។ បន្ថែមពីលើអត្ថប្រយោជន៍របស់ស៊ុតសម្រាប់ស្បែក វាជាអាហារមានប្រូតេអ៊ីនខ្ពស់លើកជាលិកា និងសាច់ដុំបានល្អ។
២. ផ្លែក្រូចឆ្មា និងក្រូចថ្លុងសម្បូរទៅដោយជាតិវីតាមីន C ជាការចាំបាច់សម្រាប់ការផលិតកូឡាជែនរបស់ស្បែក។ ព្រោះជាតិវីតាមីន C ជារនាំការពារស្បែកពីរ៉ាឌីកាល់សេរី ការពារភាពចាស់មុនអាយុ។ ផ្លែឈើនេះធ្វើឱ្យប្រសើរឡើងនូវប្រព័ន្ធភាពស៊ាំនៃរាងកាយ និងសម្រស់របស់អ្នក។ យល់ល្អ! អ្នកគួរញ៉ាំផ្លែក្រូចស្រស់ៗ មានគុណភាពដល់ស្បែកជាងផឹកទឹកក្រូច។
៣. ពេលខ្ញុំហហូបផ្លែប័រមានរសជាតិរាងសាបបន្តិចមែន ប៉ុន្តែវាជួយឱ្យខ្ញុំមានអារម្មណ៍ល្អនិងកាត់ជាតិខ្លាញ់ចេញពីរាងកាយផងដែរ។ លោក Jaramillo អ្នកជំនាញផ្នែកចំណីអាហារបាននិយាយថា ការញ៉ាំផ្លែប័រ ពេលព្រឹកគឺល្អខ្លាំងណាស់។ ផ្លែប័រមានផ្ទុកដោយសារធាតុខ្លាញ់ អូមេហ្កា៣ ដែលជួយផ្ដល់សំណើមដល់ស្បែក ជួយឱ្យកោសិកាស្បែកលូតលាស់បានល្អ។ ពិសេសជាងនេះ ផ្លែឈើមួយប្រភេទនេះ គឺជួយឱ្យអ្នកឆាប់ឆ្អែត ដូចនេះវាក៏អាចជួយទប់ស្កាត់ការឡើងគីឡូរបស់អ្នកផងដែរ៕ អត្ថបទដោយ៖ ទ្រ សុភាព