បើនិយាយទៅស្បែក និងសម្រស់របស់មនុស្សម្នាក់ៗ តែងតែចាស់តាមពេលវេលាជាមិនខានឡើយ។ ប៉ុន្តែកុំឱ្យចាស់ជាងវ័យលឿន តាមអ្នកគ្រូ សោម សូលីដា ជាអ្នកគ្រូមានសម្រស់ស្រស់ស្អាត និងជាអ្នកបង្ហាត់ផ្នែកហាត់ប្រាណជាច្រើនឆ្នាំ បានណែនាំថា “មនុស្សយើងគួរតែធ្វើលំហាត់ប្រាណ ដើម្បីពង្រឹងសុខភាព និងជៀសវាងពីជំងឺផ្សេងៗ ហើយរាងកាយយើងរឹងមាំ ជារនាំងរក្សាវ័យកាន់តែក្មេង កាន់តែស្អាតផងដែរ។ យើងសាកមើលអ្នកចូលចិត្តហាត់ប្រាណជាប្រចាំ យើងមើលទៅគាត់អាយុច្រើនក៏ដោយ ប៉ុន្តែទម្រង់មុខ និងស្បែករបស់គាត់ហាក់ដូចជាមិនចាស់តាមវ័យសោះ។ នេះព្រោះតែគាត់មានសុខភាពល្អ ស្បែកកម្រចាស់តាមវ័យណាស់"។ ហាត់ប្រាណកាត់បន្ថយស្រ្តេស កុំឱ្យស្បែកខូចកោសិការលឿន។

សូម្បីតាមគេហទំព័រសុខភាព timesofindi បានចុះផ្សាយថា ការធ្វើលំហាត់ប្រាណជាប្រចាំថ្ងៃ ធ្វើឱ្យសុខភាពស្បែកមានចរន្តឈាមទៅកាន់ផ្ទៃស្បែករបស់អ្នកកាន់តែប្រសើរឡើង។ នេះជារបៀបជួយផ្គត់ផ្គង់សារធាតុចិញ្ចឹមសំខាន់ៗដល់ស្បែក។ ហើយអ្នកគ្រូបានបន្ថែមថា ការធ្វើលំហាត់ប្រាណតាមបែប Aerobic ធ្វើឱ្យអ្នកបែកញើស និងកម្ចាត់ជាតិពុលចេញតាមរយៈញើសដែរ។ ការ​ធ្វើលំហាត់ប្រាណនេះ ​​ធ្វើ​ឱ្យ​ស្បែក​ស្រស់​ស្អាត ធ្វើ​ឱ្យ​ឈាម​រត់​បាន​ស្រួល និង​ផ្តល់​អុក​ស៊ី​សែន​ដល់​ស្បែក និង​ជួយ​ឱ្យ​ស្បែក​ភ្លឺ​ថ្លាជាងមុន។

សម្រាប់អ្នកគ្រូសូលីដា បានបន្តថា “ការហាត់ប្រាណ ជាវិធីថែស្បែក និងសម្រស់ក្មេងជាងវ័យ ដោយអ្នកគ្រាន់តែចំណាយពេលត្រឹមត្រូវក្នុងការធ្វើការលំហាត់ប្រាណ ត្រឹម៣០នាទីឡើងទៅនឹងបន្តអនុវត្តជាប់ជាប្រចាំ ជាការរួមចំណែកក្នុងការថែរក្សាស្បែកយើង កុំឱ្យឆាប់ចាស់លឿនផងដែរ។” សូម្បីអ្នកគ្រូ ក៏ព្យាយាមហាត់ប្រាណជាប្រចាំថ្ងៃ ដើម្បីកម្ចាត់កោសិកាចាស់ ដាំបណ្តុះកោសិកាថ្មីៗ ធ្វើឱ្យស្បែក និងសម្រស់ភ្លឺថ្លា និងពង្រឹងសុខភាពឱ្យមាំទៀត។

ការថែសម្រស់ និងស្បែកឱ្យស្រស់ថ្លានោះ ការហាត់ប្រាណ ជាការរួមចំណែកមួយយ៉ាងសំខាន់ សូម្បីតារាល្បីៗ ក៏ធ្វើលំហាត់ប្រាណដូចជារាតាខ្មែរមួយចំនួនដែរ ដើម្បីថែសម្រស់ពួកគាត់ ឱ្យក្មេងជាងវ័យ ក៏ហាត់ប្រាណដែរ។ នៅមានការគេង និងរបបអាហារល្អៗ ថែមទៀត ជាជំនួយថែសម្រស់ឱ្យក្មេងជាងវ័យ៕ អ្នកគ្រូ សោម​ សូលីដា ជាអ្នកជំនាញសម្រកគីឡួ និងជាគ្រូបង្វឹកផ្នែកហាត់ប្រាណ៖ Tel៖ 098 663 676 ចុចទីនេះ Facefooks៖ Oun Li Da