សព្វថ្ងៃនេះ មនុស្សភាគច្រើនមានបញ្ហាឡើងគីឡូ និងសម្រស់ចាស់ជាងវ័យ ព្រោះតែហូបអាហារលើសកាឡូរី និងភេសជ្ជៈផ្អែមលើសកម្រិតនេះឯង។ ហូបខុសគីឡូក៏ឡើង សម្រស់ក៏យ៉ាប់ជាងមុនទៀត។ ដើម្បីដោះស្រាយបញ្ហានេះ អ្នកគួរផឹកភេសជ្ជៈ ២ក្រុមនេះ៖
១. ផឹកទឹកឃ្មុំលាយបូកជាមួយក្រូចឆ្មារជាក្រុមភេសជ្ជៈជួយដុតជាតិខ្លាញ់ក្នុងការសម្រកគីឡូ ហើយសម្រស់ក៏ឡើងកូដក្មេងជាងវ័យថែមទៀត។ ព្រោះទឹកឃ្មុំមានផ្ទុកទៅដោយជាតិរ៉ែ មានវីតាមីន C មានជាតិកាល់ស្យូម មានជាតិដែក ហើយមានសមត្ថភាពព្យាបាលលើស្បែកដូចជាបំបាត់ការរមាស់ របកលើស្បែក និងព្យាបាលការជ្រុះសក់ជាដើម។ ចំណែកក្រូចឆ្មាក៏សម្បូរវីតាមីនC ជួយពង្រឹងដល់ប្រព័ន្ធភាពស៊ាំកាន់តែខ្លាំង ប្រឆាំងបញ្ហារលាក់ និងមានសារធាតុ Pectin Fiber ជួយប្រឆាំងនឹងការឃ្លានខ្លាំងខុសទំនង និងកុំឱ្យអ្នកឡើងគីឡូលឿន។
បើអ្នកផឹកភេសជ្ជៈទឹកឃ្មុំលាយជាមួយក្រូចឆ្មា ច្បាស់ណាស់ដុតខ្លាញ់ក្នុងរាងកាយអ្នកស្រកម្តងបន្តិចៗ ហើយជួយលើកកម្ពស់សម្រស់របស់អ្នកឱ្យក្មេងជាងវ័យមិនខានទេ។ យោងតាមគេហទំព័រ Healthline បានបញ្ជាក់ថាក្រុមភេសជ្ជៈទឹកឃ្មុំដែលផ្សំជាមួយក្រូចឆ្មា និងទឹកក្តៅតិចៗ ជួយព្យាបាលរបួស ជួសជុលជាលិកាក្នុងរាងកាយមនុស្សឱ្យប្រសើរឡើងវិញ។ ហើយលើសពីនេះវាក៏ជួយកម្ចាត់ជាតិពុល ឱ្យស្បែករបស់អ្នកស្រស់ថ្លា និងសុខភាពល្អផងដែរ។
២. ទឹកការ៉ុតបូកជាមួយតាសក់បូកជាមួយក្រូចឆ្មារ និងថែមផ្លែប៉ោម ផឹកភេសជ្ជៈក្រុមនេះជារៀងរាល់ថ្ងៃដើម្បីបន្សាបជាតិពុលក្នុងរាងកាយ និងសម្រកជាតិខ្លាញ់បានលឿនផងដែរ។ ក្រុមភេសជ្ជៈនេះមានប្រយោជន៍ច្រើន ដល់ការសម្រកគីឡូ ជួយឱ្យស្បែករបស់អ្នកភ្លឺថ្លា។ ដូច្នេះអ្នកមិនគួររំលងមិនផឹកភេសជ្ជៈនេះទេ មានប្រយោជន៍ច្រើនណាស់អ្វីដែលកាន់តែពិសេសជាងនេះទៀត ជួយដល់សុខភាពបេះដូង ប្រឆាំងរោគផ្សិត រលាក រមាស់ជាដើម។ តាមខ្មែរយើងហៅ ទឹកក្រឡុងបែបធម្មជាតិនេះជួយសុខភាពបានល្អណាស់។ មួយអាទិត្យអ្នកផឹកភេសជ្ជៈក្រុមនេះ បីទៅបួនមានប្រសិទ្ធភាពក្នុងការសម្រកគីឡូ និងថែសម្រស់ផងដែរ៕ អត្ថបទដោយ៖ ទ្រ សុភាព