សូម្បីតាមគេហទំព័រសុខភាព timesofindi បានចុះផ្សាយថា ការធ្វើលំហាត់ប្រាណជាប្រចាំថ្ងៃ ធ្វើឱ្យសុខភាពស្បែកមានចរន្តឈាមទៅកាន់ផ្ទៃស្បែករបស់អ្នកកាន់តែប្រសើរឡើង។ នេះជារបៀបជួយផ្គត់ផ្គង់សារធាតុចិញ្ចឹមសំខាន់ៗដល់ស្បែក។ ហើយអ្នកគ្រូបានបន្ថែមថា ការធ្វើលំហាត់ប្រាណតាមបែប Aerobic ធ្វើឱ្យអ្នកបែកញើស និងកម្ចាត់ជាតិពុលចេញតាមរយៈញើសដែរ។ ការ​ធ្វើលំហាត់ប្រាណនេះ ​​ធ្វើ​ឱ្យ​ស្បែក​ស្រស់​ស្អាត ធ្វើ​ឱ្យ​ឈាម​រត់​បាន​ស្រួល និង​ផ្តល់​អុក​ស៊ី​សែន​ដល់​ស្បែក និង​ជួយ​ឱ្យ​ស្បែក​ភ្លឺ​ថ្លាជាងមុន។ សម្រាប់អ្នកគ្រូសូលីដា បានបន្តថា “ការហាត់ប្រាណ ជាវិធីថែស្បែក និងសម្រស់ក្មេងជាងវ័យ ដោយគ្រាន់តែអ្នកចំណាយពេលត្រឹមត្រូវក្នុងការធ្វើការលំហាត់ប្រាណ ត្រឹម ៣០នាទីឡើងទៅនឹងបន្តអនុវត្តជាប់ជាប្រចាំ ជាការរួមចំណែកក្នុងការថែរក្សាស្បែកយើង កុំឱ្យឆាប់ចាស់លឿនផងដែរ។ សូម្បីអ្នកគ្រូ ក៏ព្យាយាមហាត់ប្រាណជាប្រចាំថ្ងៃ ដើម្បីកម្ចាត់កោសិកាចាស់ ដាំបណ្តុះកោសិកាថ្មីៗ ធ្វើឱ្យស្បែក និងសម្រស់ភ្លឺថ្លា និងពង្រឹងសុខភាពឱ្យមាំទៀត។ នេះជាទម្លាប់ទី១ គឺហាត់ប្រាណ។ 

សម្រាប់ទម្លាប់ទី ២ គឺថែសម្រស់ តាមអ្នកគ្រូ សោម សូលីដា គឺការគេងឱ្យបានគ្រប់គ្រាន់ចាប់ពីចន្លោះ ៧ទៅ៩ម៉ោងជាការល្អសម្រាប់សុខភាពស្បែក។ ប៉ុន្តែស្រ្តីមានទម្លាប់ចូលចិត្តគេងយប់ជ្រៅពេកអាចធ្វើឱ្យអរម៉ូនលូតលាស់បញ្ចេញមកយឺតបង្កជាផលប៉ះពាល់ដល់សម្រស់របស់អ្នកមានច្រើនអាចធ្វើឱ្យស្បែករបស់អ្នកស្រអាប់ គ្មានសំណើម ឡើងមុន ភ្នែកខ្មៅ និងឡើងគីឡូលឿនផងដែរ។​ ដូច្នេះការគេងមិនបានគ្រប់គ្រាន់ សម្រស់ក៏ងាយនឹងបាក់ដូចគ្នាដែរ"។ មនុស្សស្រីទំនោរមានបញ្ហាដំណេកខ្លាំងជាបុរស ហើយបញ្ហាដំណេកនោះនឹងជះផលអាក្រក់ច្រើនទៅរាងកាយជាពិសេសទៅលើកម្រិតអរម៉ូនក្នុងរាងកាយ និងធ្លាក់ខ្សោយមុខងារប្រព័ន្ធភាពសុំារាងកាយទាំងមូលនាំសម្រស់ស្រ្តីឆាប់ចាស់ជាងបុរសលឿន។ ហើយបញ្ហាកង្វះការគេងប្រសិនបើនិយាយចំពោះស្ត្រី អាចអាចនឹងប្រឈមជាមួយបញ្ហា ផ្លាស់ប្តូរអ័រម៉ូនលឿនខុសប្រក្រតី ភាពចាស់ពេញវ័យ ពិបាកក្នុងការមានផ្ទៃពោះ និងវដ្តមានការប្រែប្រួលមិនទៀងទាត់ឡើង។​ 

ហើយអ្នកគ្រូក៏បានលើកពីតារាបង្ហាញម៉ូតថាអ្នកបង្ហាញម៉ូតអាជីពអាចរក្សាសម្រស់នៅតែស្រស់ស្អាត មកពីពួកគេគេងចន្លោះពី ៩ទៅ១០ម៉ោងក្នុងមួយយប់មុនពេលគេដើរបង្ហាញម៉ូត។ ការគេងបែបនេះផ្តល់ឱ្យស្បែករបស់គេតឹងគ្មានស្នាមជ្រួញ សម្រស់មានពន្លឺថ្លា ហើយមានស្មារតីល្អក្នុងការដើរផងដែរ”។ តាមអ្នកវិទ្យាសាស្ត្រក៏ឯកភាពគ្នាដែរថា ការគេងជាវិធីសាស្ត្រប៉ូវសម្រស់ ព្រោះវាជួយបង្កើតមេឡានីនជាអ័រម៉ូនកើតឡើងដោយធម្មជាតិនៅក្នុងខ្លួនដើម្បីថែស្បែកនៅក្មេងជាងវ័យ។ ឬអាចហៅថា មុខក្មេងអាយុច្រើន។ មេឡានីនជាសារធាតុប្រឆាំងអុកស៊ីតកម្មជួយឱ្យមនុស្សអាយុវែងដោយមានអត្ថប្រយោជន៍ដូចជាជួយពង្រឹងប្រព័ន្ធភាពស៊ាំ។ ជួយប្រឆាំងនឹងជំងឺមហារីក។ ជួយរក្សាជាតិស្ករក្នុងខ្លួនមានលំនឹង។ ជួយកាត់បន្ថយការភ្លេចភ្លាំ។ ជួយការពារជំងឺពុកឆ្អឹង និងប្រឆាំងជំងឺបេះដូងផងដែរ។ ពេលរាងកាយរបស់អ្នកតាមផ្នែកនីមួយៗ រឹងមាំហើយនោះ សម្រស់ និងស្បែករបស់អ្នក នៅតែក្មេងជាងវ័យ នៅតែស្អាត។ ហើយគេមើលមកសរសើថា អ្នកកម្រចាស់ម្ល៉េះ!

សូម្បីតែតាមលោកស្រី Esra Tasali អ្នកឯកទេសដំណេកនៅសាកលវិទ្យាល័យ Chicago Medicine បានលើកឡើងថា គេងគ្រប់គ្រាន់ជួយសម្រកទម្ងន់ ថែសម្រស់ឱ្យក្មេងជាងវ័យ និងការពារជំងឺទឹកនោមផ្អែមទៀត។ ការគេងជួយសម្រកគីឡូពេលអ្នកគេងគ្រប់ឬគេងឆ្អែតនេះតែម្តង។ ហើយលោកស្រី Tasali មានវិធីសាស្រ្តគេងឱ្យឆាប់លក់តាមទម្លាប់របស់គាត់ដោយអានសៀវភៅមុនចូលគេង អត់កាន់ទូរស័ព្ទមុនចូលគេងមួយម៉ោង ព្យាយាមធ្វើលំហាត់ប្រាណពេកល្ងាច សម្រួលចិត្តគិតវិជ្ជមានមុនចូលគេង និងហូបអាហារបែបបន្លែ ត្រី និងផ្លែឈើ ព្រោះអាហារទាំងអស់ជួយសម្រួលអារម្មណ៍ស្ងប់មុនចូលគេងហើយជួយកាត់បន្ថយជាតិខ្លាញ់អំឡុងពេលគេងផងដែរ។ ដំណើរ​​ការ​គេង​របស់​ខ្ញុំ​បាន​ចាប់​ផ្តើ​មទម្លាប់ប្រហែល ២៥ឆ្នាំ​មកហើយ​។ ខ្ញុំ​បាន​​ហ្វឹកហ្វឺន​មនុស្សជាច្រើនឱ្យសមាធិចិត្តស្ងប់ ដើម្បីគេងស្ងប់ដោយមានខ្យល់ដង្ហើមល្អ។ ព្រោះខ្យល់ដង្ហើមអំឡុងគេងក៏ទាញថាមពលជាតិស្ករនិងខ្លាញ់មកប្រើដែរ។ ពេលអ្នកគេងចិត្តស្ងប់ ខ្យល់ដង្ហើមស្រួលនាំឱ្យអ្នកស្រកគីឡូដែរ។

តាមការសិក្សារបស់គាត់អស់ជាច្រើនឆ្នាំអំពីការគេងលក់គ្រប់ ៨ម៉ោងពេញ ពិតជាជួយការពារជំងឺមេតាបូលីសគឺជំងឺធាត់ កុំឱ្យសម្រស់អ្នកបាក់ ឬមុខចាស់អាយុតិច។ មកពីគេងលក់ស្រួលជួយកាត់បន្ថយជាតិស្ករក្នុងខ្លួនហើយស្រូបខ្លាញ់មកប្រើបន្ថែមដែរ។ ការគេងជួយពង្រឹងការចងចាំ ការស្ដារឡើងវិញនៅកម្រិតកោសិកា ការជួសជុលជាលិកា និងបោសសំអាតកាកសំណល់មេតាបូលីស(បន្ថយជាតិស្ករ)។ ការគេងមានតួនាទីសំខាន់ក្នុងការរំលាយអាហារ និងការបញ្ចេញអរម៉ូនឱ្យរាងកាយដំណើរការស្រួលផងដែរ។ នេះជាទម្លាប់ទី២ គឺការគេងនេះឯង។

សម្រាប់ទី៣គឺទម្លាប់ហូបរបបអាហារល្អ ថែសម្រស់ឱ្យក្មេងជាងវ័យបានយូរ។ តាមអ្នកគ្រូ សូលីដា បានណែនាំអាហារថែសម្រស់ ឱ្យក្មេងជាងវ័យ ហើយមានតម្លៃដែលអ្នកអាចទិញបានគឺទី១. ទឹកការ៉ុតបូកជាមួយតាសក់បូកជាមួយក្រូចឆ្មារ និងថែមផ្លែប៉ោម ផឹកភេសជ្ជៈក្រុមនេះជារៀងរាល់ថ្ងៃដើម្បីបន្សាបជាតិពុលក្នុងរាងកាយ និងសម្រកជាតិខ្លាញ់បានលឿនផងដែរ។ ក្រុមភេសជ្ជៈនេះមានប្រយោជន៍ច្រើន ដល់ការសម្រកគីឡូ ជួយឱ្យស្បែករបស់អ្នកភ្លឺថ្លា។ ដូច្នេះអ្នកមិនគួររំលងមិនផឹកភេសជ្ជៈនេះទេ មានប្រយោជន៍ច្រើនណាស់អ្វីដែលកាន់តែពិសេសជាងនេះទៀត ជួយដល់សុខភាពបេះដូង ប្រឆាំងរោគផ្សិត រលាក រមាស់ជាដើម។ តាមខ្មែរយើងហៅ ទឹកក្រឡុងបែបធម្មជាតិនេះជួយសុខភាពបានល្អណាស់។ មួយអាទិត្យអ្នកផឹកភេសជ្ជៈក្រុមនេះ បីទៅបួនមានប្រសិទ្ធភាពក្នុងការសម្រកគីឡូ និងថែសម្រស់ផងដែរ។ ឬមួយ អ្នកអាចហូបផ្លែប៉ោមក៏ជួយថែសម្រស់ដែរ។ ពីព្រោះផ្លែប៉ោមមានតួនាទីជួយជម្រះសារធាតុពុលក្នុងរាងកាយហើយជួយរំលាយខ្លាញ់ផងដែរ មិនតែប៉ុណ្ណោះវាមានវីតាមីនC ជួយឱ្យស្បែករបស់យើងភ្លឺថ្លា មានសំណើមចេញពីខាងក្នុងឱ្យមានសុខភាពល្អថែមទៀត។

អាហារទី២គឺ ញ៉ាំស៊ុត។ មានមនុស្សច្រើនណាស់ដែលតែងតែខ្វល់ពីជាតិខ្លាញ់នៅក្នុងស៊ុតលឿង ហើយជ្រើសរើសញ៉ាំតែស៊ុតពណ៍ស។ តែជាក់ស្តែង ស៊ុតលឿង ជាធនធានសារធាតុចិញ្ចឹមដ៏សម្បូរបែបដូចជា វីតាមីន A, B6, B12, D, E, folate, choline ជាតិដែក ស័ង្កសី និងសេលេញ៉ូម។ ដឹងទេថាបើអ្នកមិនញ៉ាំស៊ុតលឿង អ្នកអាចនឹងខកខាតក្នុងការទទួលបានសារធាតុចិញ្ចឹមជាច្រើនដែលរាងកាយត្រូវការ ក្នុងពេលដែលអ្នកកំពុងព្យាយាមសម្រកទម្ងន់ និងថែសម្រស់ផងដែរ។ 

វិធីចម្អិនក៏សំខាន់ដូចគ្នា សម្រាប់អ្នកចង់សម្រកទម្ងន់ការញ៉ាំស៊ុតចៀនមិនមែនជាវិធីល្អទេ ស៊ុតស្ងោរទើបជាម្រើសដ៏ល្អបំផុត ព្រោះវាគ្មានជាតិខ្លាញ់ មានជីវជាតិ ងាយស្រួលញ៉ាំ និងចំណាយពេលតិចក្នុងការរៀបចំ អ្នកអាចញ៉ាំស៊ុតស្ងោរជាអាហារសម្រន់មុន និងក្រោយពេលហាត់ប្រាណ។ ជាការពិតណាស់ អ្នកនៅតែអាចញ៉ាំស៊ុតចៀនបាន តែត្រូវប្រើប្រេងឱ្យតិចតាមតែអាចធ្វើទៅបានដើម្បីកុំឱ្យកើនកាឡូរីក្នុងម្ហូប។ អ្នកអាចចៀនស៊ុតជាមួយប្រេងដែលមានជាតិខ្លាញ់ ដូចជា ប្រេងអូលីវ ប្រេងម៉ាហ្គារីន ប្រេងកាណូឡា។ អ្នកក៏អាចផ្សំស៊ុតជាមួយបន្លែដូចជា ស្ពៃខ្មៅ, ការ៉ុត, និង ខ្ទឹមបារាំង ជាដើម ដើម្បីបង្កើនរសជាតិនៃម្ហូប និងបង្កើនសារធាតុចិញ្ចឹម។ កំណត់ការផ្សំស៊ុតជាមួយអាហារដែលសម្បូរខ្លាញ់ដូចជា bacon សាច់ក្រក និងធញ្ញជាតិកែច្នៃ។

អាហារទី៣ គឺផ្លែប័រមានសមត្ថភាពជួយសម្រស់របស់អ្នកបានល្អបំផុត។ ស្បែករបស់បងប្អូនងាយនឹងខូច ជ្រីវជ្រូញខ្មៅស្រអាប់ មិនស្រស់ថ្លា នេះដោយសារកត្តារស់នៅប្រចាំថ្ងៃ ដូចជា ការញុំាអាហារមិនល្អ ត្រូវពន្លឺព្រះអាទិត្យ ការជក់បារី ការផឹកគ្រឿងស្រវឹងជាដើម​ គឺសុទ្ធតែជាមូលហេតុចម្បងៗដែលធ្វើឱ្យស្បែកមានបញ្ហា។ ការញុំាផ្លែប័រនឹងមានប្រយោជន៍ច្រើនសម្រាប់ជួយការពារស្បែករបស់អ្នកកុំឱ្យខូចខាតខ្លាំង នេះក៏ព្រោះតែ ផ្លែប័រមាន ​វីតាមីន C និង E សារធាតុ carotenoids និងសមាសធាតុជាច្រើនដែលហៅថា phenolics ដែលអាចជួយកាត់បន្ថយសារធាតុអុកស៊ីតកម្មបង្កជាគ្រោះថ្នាក់ដល់ស្បែករបស់បងប្អូន។ ហើយផ្លែប័រនេះជួយជម្រុញការផលិតកូឡាជេនជាប្រភេទប្រូតេអ៊ីនដែលមានប្រយោជន៍សម្រាប់ជួយរក្សាស្បែករបស់អ្នកភ្លឺរលោងថ្លា មានសំណើម តឹងណែន។ ក៏ប៉ុន្ដែពេលដែរអាយុរបស់អ្នកកាន់តែច្រើនទៅការផលិតកូឡាជេនរបស់យើងនឹងថយចុះបន្ដិចម្ដងៗ ដែលបងប្អូនធ្លាប់ដឹងហើយពេលអាយុយើងច្រើនទៅ ស្បែករបស់យើងក៏យារធ្លាក់ មិនតឹងណែន មិនភ្លឺថ្លាដូចមុន។ ក៏ប៉ុន្ដែបងប្អូនមានដឹងអត់ថាអាស៊ីតខ្លាញ់អូមេហ្គា៣នៅក្នុងផ្លែប័រគឺមានប្រយោជន៍ច្រើនសម្រាប់ជួយជម្រុញការផលិតកូឡាជេនក្នុងស្បែករបស់បងប្អូនបានច្រើន ជួយកាត់បន្ថយភាពចាស់របស់ស្បែកបានច្រើននៅពេលបងប្អូនញ៉ាំផ្លែប័រ។

អាហារទី៤គឺផឹកទឹកក្តៅឧណ្ហៗ មានគុណសម្បត្តិជួយលាងជាតិពុលក្នុងខ្លួន និងស្បែកឱ្យអ្នកមានសុខភាព។ អ្នកនិយមផឹកទឹក្តៅតិចៗ ពេលព្រឹកជួយពន្យា​ភាព​ចាស់បានល្អបំផុត។ យោងតាម healthline បានចុះផ្សាយថា​ ពេលអ្នកផឹកទឹក​ក្តៅ​ឧណ្ហៗ​ជារឿងសំណាងមួយរបស់មនុស្សស្រី និងមនុស្សប្រុសឱ្យសម្រស់កម្រចាស់។ ពេល​ជាតិពុល​ក្នុង​រាងកាយអ្នកចេញ​កាន់តែច្រើន ភាពចាស់លើស្បែករបស់អ្នកក៏កាត់បន្ថយដែរហើយមានអារម្មណ៍ស្រួលខ្លួនថែមទៀត។ តាមគេហទំព័រសុខភាព Svalbard បញ្ជាក់ថាផឹកទឹកក្តៅឧណ្ហៗ ជួយបន្សាបជាតិពុលក្នុងរាងកាយឱ្យស្បែកមានសុខភាព និងសម្រស់ក្មេងជាងវ័យ។ ការពិសាទឹកឱ្យបានគ្រប់គ្រាន់ពិតជាមានសារៈសំខាន់សម្រាប់សម្រស់ និងស្បែករបស់យើងខ្លាំងណាស់។ តាមបរិមាណទឹកផឹកជាប្រចាំថ្ងៃជាទូទៅសម្រាប់បុរសចាប់ពី ៣ទៅ៤លីត្រ។ ចំពោះនារីៗ ចាប់ពី២លីត្រកន្លះទៅ៣លីត្រជាង ដើម្បីសុខភាពសម្រស់កាន់តែក្មេងជាងវ័យ។

ដូច្នេះ! ការថែសម្រស់ និងស្បែកឱ្យស្រស់ថ្លានោះ ការហាត់ប្រាណ ជាការរួមចំណែកមួយយ៉ាងសំខាន់ សូម្បីតារាល្បីៗ ក៏ធ្វើលំហាត់ប្រាណដូចជារាតាខ្មែរមួយចំនួនដែរ ដើម្បីថែសម្រស់ពួកគាត់ ឱ្យក្មេងជាងវ័យ ក៏ហាត់ប្រាណដែរ។ នៅមានការគេង និងរបបអាហារល្អៗ ថែមទៀត ជាជំនួយថែសម្រស់ឱ្យក្មេងជាងវ័យ៕ អ្នកគ្រូ សោម​ សូលីដា ជាអ្នកជំនាញសម្រកគីឡួ និងជាគ្រូបង្វឹកផ្នែកហាត់ប្រាណ FITNESS TRAINER & ONLINE COACH ៖ Tel៖ 098 663 676 ចុចទីនេះ Facefooks៖ Oun Li Da