គាត់បានលើកឡើងថាការស្លាប់ជាគោលដៅគ្មាននរណាម្នាក់អាចគេចផុតពីវាបានទេ។ សេចក្តីស្លាប់ជាវិធីតែមួយគត់នាំឱ្យអ្នកខំធ្វើការ និងខំគិតច្នៃប្រតិដ្ឋអ្វីមួយឱ្យកាន់តែអស្ចារ្យ។ ហើយវាជាអ្នកនាំផ្លូវឱ្យជីវិតរបស់អ្នកមានការផ្លាស់ប្តូរលាងជម្រះស្នាមអតីតកាល ដើម្បីរកផ្លូវថ្មីជាក្តីស្រមៃ។ នៅថ្ងៃណាមួយ អ្នកចាប់ផ្តើមចាស់បន្តិចម្ដងៗ ហើយអ្នកនឹងស្លាប់ ឱ្យខ្ញុំសូមអភ័យទោសផងដែលធ្វើឱ្យអ្នកមានការភ្ញាក់ផ្អើល ប៉ុន្តែវាជាការពិត។

គាត់បានបន្ថែមថា"ពេលវេលារបស់អ្នកមានដែនកំណត់ ដូច្នេះកុំខ្ជះខ្ជាយវាក្នុងការរស់នៅតាមជីវិតរបស់អ្នកដ៏ទៃ។ កុំជាប់គាំងជាមួយលទ្ធផលនៃការគិតរបស់អ្នកដទៃ។ កុំឱ្យសំឡេងរំខាននៃគំនិតរបស់អ្នកដទៃមកបញ្ឈប់ក្តីស្រមៃរបស់អ្នក។ អ្នកត្រូវចាំថា សំឡេងខាងក្នុងមានឥទ្ធិពលខ្លាំងណាស់សម្រាប់ដំណើរជីវិតនេះ អ្នកត្រូវមានភាពក្លាហានធ្វើតាមលំហូរចិត្ត និងវិចារណញាណរបស់ខ្លួន។ ខ្ញុំជឿថា ដំណាក់កាលនីមួយៗ នៃជីវិតនេះសុទ្ធតែផ្សាភ្ជាប់គ្នាជាមួយអនាគត។ បើអ្នកព្យាយាមធ្វើរឿងអ្វីមួយដូចជាថ្ងៃចុងក្រោយនៃជីវិតរបស់អ្នក គង់តែអនាគតមានពន្លឺមិនខានឡើយ”។ មានសំណួរថា តើស្តាប់ខ្លួនឯង ឬស្តាប់សម្តីអ្នកដទៃ? ចំពោះលោក ចប ស្តាប់ស្តាប់បេះដូងខ្លួនឯង ហើយហ៊ានធ្វើតាមបេះដូងខ្លួនឯង នេះហើយធ្វើឱ្យជីវិតគាត់មានក្តីសុខមួយជីវិត។

នេះជារបៀបគិតរបស់លោកស្ទីវ ចប ធ្វើឱ្យគាត់មានក្តីសុខក្នុងការងារ និងការរកស៊ីពេញមួយជីវិត។ មកពីគាត់រវល់ជាមួយក្តីស្រមៃរបស់ខ្លួ​ន គាត់គ្មានពេលស្រ្តេស និងបាក់ទឹកចិត្តនោះទេ។ ព្រោះតែពេលវេលារបស់គាត់មានតម្លៃណាស់។ សូម្បីលោក Robert Greene បានលើកឡើងថា មុនពេលអ្នកស្វែងរកគោលដៅឃើញ រស់ក្នុងភាពរីករយ មានក្តីសុខនោះ អ្នកត្រូវឆ្លងកាត់ដំណើររឿងទាំងអស់នេះ មានដូចជា ការសង្ស័យលើខ្លួនឯង ការធុញជាមួយម៉ោងការងារ ការឈឺចាប់ ការបរាជ័យ កំហុសឆ្គង និងអារម្មណ៍ច្រណែន... នេះវាធ្វើឱ្យអ្នកមានការអភិវឌ្ឍអត្តចរិតរឹងមាំ និងបង្កើតទំនុកចិត្តដល់អ្នកដទៃថែមទៀតផងដែរ៕ អត្ថបទដោយ៖ ទ្រ សុភាព

អ្នកអាចទិញសៀវភៅ លំហូរចិត្ត ទិញតាមនេះhttps://t.me/BusinessCambodiaBook