អ្នកផឹកស្រាច្រើន ហូបអាហារប្រៃផ្អែមលើសកម្រិតនាំឆ្អឹងមិនសូវរឹងមាំប៉ុន្មានទេនៅពេលមានវ័យចាស់។ បើអ្នកមានបញ្ហាឆ្អឹងហើយ អ្នកនឹងមានអារម្មណ៍ឈឺខ្លួនពេញរាងកាយតែម្តង។ បើអ្នកប៉ះទង្គិចនឹងបញ្ហាអ្វីមួយធ្វើឱ្យឆ្អឹងរបស់អ្នកងាយបាក់ថែមទៀត។ អ្នកគួរហូបអាហារសម្បូរជាតិវីតាមីន D ដើម្បីពង្រឹងឆ្អឹងឱ្យរឹងមាំ៖
១. ឆ្អឹងរបស់អ្នកមិនខ្វះជាតិវីតាមីន D បានទេ ដើម្បីប៉ូវឆ្អឹងឱ្យតាន់។ អ្នកអាចហូបត្រីមានជាតិខ្លាញ់ មានដូចជាត្រីសាលម៉ុន ត្រីម៉ាកែរ៉េល និងត្រីសាឌីន ព្រោះវាសម្បូរទៅដោយជាតិវីតាមីន D និងអូមេហ្គា៣ ដើម្បីលើកកម្ពស់ដង់ស៊ីតេឆ្អឹងហើយកាត់បន្ថយការរលាក និងបង្កើនប្រព័ន្ធភាពស៊ាំរបស់ឆ្អឹងមាំពេលចាស់ថែមទៀត។
២. អ្នកគួរហូបស៊ុតលឿងសម្បូរទៅដោយវីតាមីនD។ អ្នកអាចបន្ថែមស៊ុតហូបអាហារជាមួយប្រចាំថ្ងៃរបស់អ្នកកាន់តែល្អដល់សុខភាពឆ្អឹងឱ្យរឹងមាំ វាថែមទាំងជួយគាំទ្រដល់មុខងារសាច់ដុំ និងជួយបង្កើនភាពស៊ាំរបស់ឆ្អឹងមួយកម្រិតទៀត។ យោងតាមប្រភព Healthline បានឱ្យដឹងថា ស៊ុតជាប្រភពនៃសារធាតុ Choline ដែលមានសារសំខាន់សម្រាប់សុខភាពខួរក្បាល ប្រព័ន្ធសរសៃប្រសាទ និងប្រព័ន្ធឆ្អឹងផងដែរ។ វាចាំបាច់សម្រាប់ ដំណើរការររវាងប្រព័ន្ធសរសៃប្រសាទនិងសាច់ដុំយ៉ាងល្អបំផុត។
៣. ទឹកដោះគោ Almond milk វាមានប្រយោជន៍ច្រើនខ្លាំងសម្រាប់សុខភាពរបស់អ្នកផឹកទឹកដោះគោ ដូចជា ផ្ដល់ជីវជាតិល្អដល់ឆ្អឹង ហើយមិនធ្វើឱ្យឡើងគីឡូព្រោះគ្មានជាតិស្ករ ការពារជំងឺទឹកនោមផ្អែម ពង្រឹងឆ្អឹងឱ្យរឹងមាំ អាចកាត់បន្ថយហានិភ័យជំងឺបេះដូង ព្រោះវាសម្បូរវីតាមីនឌីជួយឱ្យឆ្អឹងរបស់អ្នករឹងមាំពីក្មេងដល់ចាស់។
៤. ភាពចាស់ជរាធ្វើឱ្យឆ្អឹងរបស់អ្នកចុះខ្សោយ និងឆាប់ពុកលឿន។ បើចង់ឱ្យឆ្អឹងរឹងមាំដល់ចាស់នោះ អ្នកគួរហូបគ្រាប់ធញ្ញជាតិដើម្បីឆ្អឹងរបស់អ្នករឹងមាំ។ ដូចជាសណ្ដែកដីសម្បូរទៅដោយសារធាតុម៉ង់ហ្គាណែស ផូស្វ័រ សារធាតុចិញ្ចឹម និងវីតាមីនដទៃទៀតដែលជួយពង្រឹងដល់ឆ្អឹងរបស់អ្នកពីការចុះខ្សោយនិងពុកនៅពេលចំណាស់៕ អត្ថបទដោយ៖ ទ្រ សុភាព