ប្រជាជនខ្មែរយើងមានទម្លាប់ហូបអាហារពេលព្រឹកណាស់។ មានអ្នកខ្លះ គាត់ហូបខុសពេលនាំឱ្យខូចអារម្មណ៍ពេលព្រឹក ហើយចេះតែគីឡូអត់ដឹងខ្លួនទៀត។ សូម្បីជាតិស្ករក្នុងឈាមក៏កើនដែរ។ មានសំណួរមួយថា តើហូបអាហារពេលព្រឹក ហូបពេលណាល្អ? តាមលោកស្រី Samantha Cassetty ជាអ្នកឯកទេសអាហារូបត្ថម្ភបានលើកឡើងថា ពេលវេលាល្អសម្រាប់ហូបអាហារពេលព្រឹក ចូរអ្នកហូបអាហារមុនម៉ោង ៨.៣០នាទីដើម្បីដុតជាតិខ្លាញ់ កាត់បន្ថយជាតិស្ករក្នុងសរសៃរឈាម ឱ្យសុខភាពបេះដូងដំណើការបានល្អ។
សម្រាប់អាហារពេលព្រឹកមានដូចជា ស្ងោរផ្កាខាត់ណាពណ៌ខៀវហូបជាមួយស៊ុត មានផ្លែប័រ ញ៉ាំយ៉ាអ៊ួជាអាហារពេលព្រឹក ផឹកទឹកដោះគោ កាហ្វេ តែបៃតង ទឹកដូងពេលព្រឹក ក៏មានដំឡូង បាយពងទារ និងគ្រាប់ធញ្ញជាតិជាដើម... ប៉ុន្តែមានរឿងហាមអ្នកខ្លាំងបំផុតនោះគឺហាមហូបអាហារដាក់ស្ករច្រើន ហាមហូបប្រៃ និងហាមហូបអាហារសំបូរជាតិខ្លាញ់។ ពេលអ្នកហូបបែបនេះមុនម៉ោង ៨.៣០នាទី អ្នកនឹងទទួលបានផលតបស្នងមកវិញដូចជាស្រកគីឡូ បេះដូងសុខភាពល្អ និងកាត់បន្ថយជាតិខ្លាញ់ក្នុងសរសៃរឈាម។
ហើយលោកស្រី Cassetty បានបន្តថា ការហូបអាហារពេលព្រឹកមានតួនាទីបម្រើរាងកាយមានថាមពល និងសុខភាពរឹងមាំ។ ព្រោះវាល្អដល់ចង្វាក់ circadian របស់អ្នកថែមទៀតគឺចង្វាក់ការគេងលក់ស្រួលពេលយប់។ ហើយលោកស្រីបានបញ្ជាក់បន្ថែមថា មានការសិក្សាមួយផ្សេងទៀតបានរកឃើញថា ការហូបអាហារពេលព្រឹកយឺតនៅម៉ោង៩ ជំនួសម៉ោង ៨ពេលព្រឹក និងហូបអាហាររាងយប់បន្តិចចាប់ពីម៉ោង ៩យប់ជំនួសមុនម៉ោង ៨យប់នោះ វាបង្កឱ្យមានហានិភ័យជំងឺសរសៃឈាមបេះដូងជាពិសេសចំពោះស្ត្រីតែម្តង។
តាមការស្រាវជ្រាវបង្ហាញថា ពេលអ្នកហូបអាហារពេលព្រឹកមានកាឡូរីទាប ជួយកាត់បន្ថយគីឡូឱ្យមានសុខភាពល្អដល់បេះដូងដែលមានតួនាទីសំខាន់បំផុតក្នុងការផលិតឈាម។ ដូច្នេះ! បានលោកស្រី Cassetty កត់សម្គាល់ឃើញថា ការហូបអាហារពេលព្រឹកមុនម៉ោង ៨.៣០នាទីពេលព្រឹកគឺល្អដល់រាងកាយងាយនឹងអាំងស៊ុយលីននៅពេលព្រឹកជួយដំណើរការកាបូអ៊ីដ្រាតដើម្បីរក្សាលំនឹងជាតិស្ករក្នុងសរសៃឈាមហើយមានថាមពលពេញមួយថ្ងៃផងដែរ៕ អត្ថបទដោយ៖ ទ្រ សុភាព