១. បុរសចូលចិត្តអាហារមិនល្អងាយប៉ះពាល់មេជីវិតណាស់។ មានរបបអាហារជាប្រភេទជាតិខ្លាញ់ឆ្អែត អាហាររហ័ស អាហារកែច្នៃ និងបន្លែបៃតងតិចអាចប៉ះពាល់ដល់ចំនួនមេជីវិតឈ្មោល។ បុរសខ្វះមីក្រូជាសារជាតិសំខាន់ៗដូចជា ស័ង្កសី សេលេញ៉ូម អាស៊ីតហ្វូលិក វីតាមីន C និងវីតាមីន E ជាកត្តាហានិភ័យគ្មានកូន។

២. ភាពតានតឹងជាប្រចាំថ្ងៃក៏ធ្វើឱ្យបុរសអស់អារម្មណផ្លូវភេទដែរ។ វេជ្ជបណ្ឌិត Tuan Anh បានលើកឡើងថា “ភាពតានតឹងខ្ពស់ធ្វើឱ្យមានហានិភ័យបំបែក DNA និងធ្វើឱ្យមេជីវិតឈ្មោលរបស់បុរសខូចទ្រង់ទ្រាយឬផ្លាស់ទីកាន់តែយឺតៗ។ ភាពតានតឹងយូរជាមូលហេតុចម្បងមួយនៃបញ្ហាអ័រម៉ូនបន្តពូជរបស់បុរសផងដែរ”។

៣. បុរសៗ ចូលចិត្តអង្គុយច្រើនម៉ោងនៅកន្លែងធ្វើការអាចបង្អាក់ចរន្តឈាមទៅកាន់ប្រដាប់បន្តពូជធ្វើឱ្យមុខងារពងស្វាសចុះខ្សោយ។ ការ​អង្គុយយូរបែបនេះក៏​បង្កើន​សីតុណ្ហភាព​នៃ​ពងស្វាស​ប៉ះពាល់​ដល់​ដំណើរការ​បង្កើត​មេជីវិត​ឈ្មោល​។ ព្រោះពងស្វាសបុរសក៏ត្រូវការបរិយាកាសត្រជាក់ មានចលនាដើម្បីឈាមដើរស្រួល។ តាមលោកវេជ្ជបណ្ឌិត Tuan Anh ណែនាំឱ្យបុរសឱ្យដើរនិងធ្វើលំហាត់ប្រាណយ៉ាងហោចណាស់ ៣០នាទីក្នុងមួយថ្ងៃ ដើម្បីជួយសម្រួលចរន្តឈាមទៅកាន់សរីរាង្គប្រដាប់បន្តពូជ។

៤. បុរសៗ កង្វះការគេងភាគច្រើនគ្មានអារម្មណ៍ផ្លូវចិត្តភេទទេ។ បុរស​​គេង​មិន​បាន​គ្រប់គ្រាន់ មាន​កម្រិត​អ័រម៉ូន glucocorticoid កើនឡើង ហើយ​ថយចុះ​អ័រម៉ូន Testosterone ជាផលប៉ះពាល់​ដល់​ភាព​ចាស់ទុំ​របស់​មេជី​វិត​ឈ្មោល​។ ព្រោះដង់ស៊ីតេមេជីវិតឈ្មោលទាប មានចលនាខ្សោយ វានឹងមានហានិភ័យខ្ពស់ដល់ការបន្តពូជ។ ដូច្នេះ បុរសៗ ​គួរតែ​គេង​ចាប់ពី ៧ទៅ៨ ម៉ោង​ក្នុង​មួយ​ថ្ងៃ។ ដើម្បីបាត់ស្រ្តេស មានអារម្មណ៍រីករាយ។

៥. ការជក់បារីមានជាតិនីកាកូទីន និងសារធាតុគីមីពុលក្នុងផ្សែងអាចបំផ្លាញ DNA មេជីវិតឈ្មោលបង្កើនអត្រានៃមេជីវិតឈ្មោលចុះខ្សោយជាងពេលធម្មតា។ ការរងរបួសមេជីវិតឈ្មោលនាំឱ្យបុរសៗ គ្មានកូននោះឯង។ ចូរអ្នកបញ្ឈប់ការជក់បារីដើម្បីកាត់បន្ថយកម្រិតតេស្តូស្តេរ៉ូន កុំឱ្យងាប់លិង្គនិងគ្មានកូនប្រើនឹងគេនោះឯង។

៦. ការផឹកស្រាច្រើនក្នុងរយៈពេលខ្លីធ្វើឱ្យប្រព័ន្ធសរសៃប្រសាទកណ្តាលចុះខ្សោយរវាងខួរក្បាល និងលិង្គក៏ថយចុះខ្សោយដូចគ្នាដែរ។ ព្រោះសារធាតុអាល់កុលក៏អាចប៉ះពាល់ដល់កោសិកា Leydig ដែលមានមុខងារផលិតអ័រម៉ូនតេស្តូស្តេរ៉ូននាំឱ្យថយចុះមុខងារពងស្វាសនិងប៉ះពាល់ដល់ចំនួនមេជីវិតឈ្មោលកាន់តែថយចុះដែរ៕ អត្ថបទដោយ៖ ទ្រ សុភាព