មនុស្សយើងត្រូវការសម្រស់ដើម្បីភាពសម្រស់ស្អាតមានទំនុកចិត្តលើខ្លួនឯង។ បើផ្ទៃមុខយើងសម្បូរមុន និងចាស់ចាស់ជាងវ័យនោះ យើងនឹងមានអារម្មណ៍ខ្មាស់អៀនមិនខានឡើយ។ សម្រាប់អ្នកដែលមានស្បែកស្រស់ស្អាតមើលទៅក្មេងជាងវ័យ ព្រោះតែហូបផ្លែឈើល្អៗ និងមានកត្តាជាច្រើនផ្សេងទៀត។ មានផ្លែឈើ៥នេះល្អសម្រាប់សម្រស់៖
១. ផ្លែប័រមានជាតិខ្លាញ់ល្អ មានជាតិស័ង្កសី ជាតិទង់ដែង និងវីតាមីនដែលជួយដល់ការផលិតកូឡាជែនរបស់ស្បែកឱ្យក្មេងជាងវ័យ។ ព្រោះខូឡាជែនបានដើរតួយ៉ាងសំខាន់ក្នុងការថែរក្សាស្បែកឱ្យមានសុខភាពល្អ និងភ្លឺថ្លា។ បើអ្នកញ៉ាំផ្លែប័រមួយផ្លែក្នុងមួយថ្ងៃ អ្នកនឹងឃើញពីលទ្ធផលដោយខ្លួនឯងគឺស្បែកនិងសម្រស់ស្អាតជាងវ័យមិនខានទេ។
២. ផ្លែក្រូចសម្បូរទៅដោយសារធាតុប្រឆាំងអុកស៊ីតកម្ម និងសារធាតុចិញ្ចឹមដូចជាវីតាមីនC ដើរតួយ៉ាងសំខាន់ក្នុងការបង្កើន collagen ធម្មជាតិឱ្យស្បែក។ អ្នកមានដំបៅក្រពះ ឬរលាកលំពែង គួរពិគ្រោះជាមួយគ្រូពេទ្យជាមុននឹងហូបផ្លែឈើក្រូច។
៣. ផ្លែស្វាយសម្បូរទៅដោយសាធាតុទង់ដែង ហ្វូឡាត វីតាមីន A, B និង C ជួយដល់ការផលិតកូឡាជែនធម្មជាតិក្នុងរាងកាយយ៉ាងសន្សឹមៗ ផងដែរ។ មនុស្សម្នាក់ៗគួរតែជ្រើសរើសផ្លែស្វាយទុំធម្មជាតិ ទើបហូបទៅថែសម្រស់។ អ្នកមានបញ្ហាប្រព័ន្ធរំលាយអាហារដូចជា រាគ ដំបៅក្រពះ អាឡែស៊ី គួរពិចារណាសិនមុនហូបផ្លែស្វាយនេះ។
៤. ផ្លែទំពាំងបាយជូរ មានពណ៍ក្រហម បៃតង និងខ្មៅសុទ្ធតែមានផ្ទុកអាស៊ីត ellagic និង resveratrol ជួយក្នុងការប្រឆាំងនឹងភាពចាស់ជាងវ័យ។ តាមការសិក្សាឆ្នាំ ២០២១ ពីសាកលវិទ្យាល័យ Alabama នៅ Birmingham បានរកឃើញថា ការហូបផ្លែទំពាំងបាយជូររយៈពេល ២សប្តាហ៍ជួយការពារស្បែកពីកាំរស្មីUV បានល្អ។
ដូច្នេះ! អ្នកហូបផ្លែឈើទាំង៤នេះជាប្រចាំថ្ងៃ ច្បាស់ណាស់សម្រស់របស់អ្នកកម្រចាស់ណាស់។ បើអ្នកបន្ថែមទម្លាប់ហាត់ប្រាណ គេងឱ្យគ្រប់គ្រាន់ និងផឹកទឹកឱ្យបានគ្រប់គ្រាន់បន្ថែមទៀតនោះ ២០ឆ្នាំក្រោយ សម្រស់អ្នកកម្រចាស់ណាស់៕ អត្ថបទដោយ៖ ទ្រ សុភាព