បងស្រី ថាវ វរលក្ខណ៍ បានលើកឡើងថា សម្រាប់ត្រប៉ែ​នេះជាឈ្មោះ​បង្អែម​មួយ​ប្រភេទរបស់ខ្មែរយើង។ កាលពីមុនហូបត្រប៉ែលាយជាមួយដូងហើយគ្រួសារខ្ញុំជាអ្នកត្រប៉ែជាច្រើនឆ្នាំមកហើយ។ កាលនៅធ្វើការមានមេខ្ញុំម្នាក់បាននិយាយលេងថា បើយកត្រប៉ែលាយជាមួយកាហ្វេជាការបន្ថែមរសជាតិបែបថ្មីមួយទៀត។ ពេលក្រោយៗ មកទៀតយើងក៏គិតច្នៃប្រតិដ្ឋកាហ្វេត្រប៉ែនេះតែម្តង។ ការធ្វើត្រប៉ែយើងត្រូវតាមក្បួនដែរ និងធ្វើការសាកល្បងពីគុណភាពរសជាតិ មានអនាម័យខ្ពស់ និងគិតសុខភាពជាចម្បងគឺអាចឱ្យកូនក្មេង និងមនុស្សធំហូបទៅមិនប៉ះពាល់សុខភាព។

គាត់បានបន្តថា ពេលចេញលក់ដំបូង មានអ្នកខ្លះនិយាយលេងថាផឹកកាហ្វេត្រប៉ែតិចត្រប៉ែតាមហ្នឹងដែរ...ហើយមានអ្នកខ្លះក៏មិនសូវជាទុកចិត្តដែរ ប៉ុន្តែបន្ទាប់ពីសាកល្បងមានអ្នកផឹកកាហ្វេត្រប៉ែមានរសជាតិបែបថ្មីនេះ មានរឿងមួយបានកើតឡើងគឺផ្ទុះមានអ្នកគាំទ្រកាហ្វេត្រប៉ែនេះខ្លាំង។ អ្នកបានផឹកកាហ្វេត្រប៉ែនេះតែងនិយាយថា រសជាតិឆ្ងាញ់។ រហូតធ្វើត្រប៉ែនេះមិនទាន់ទេ ព្រោះយើងចំណាយពេលកន្លះថ្ងៃធ្វើវា រួចហើយត្រូវរក្សាទុកត្រប៉ែចំនួនបីថ្ងៃបន្ថែមទៀត ទើបត្រប៉ែនេះមានគុណភាព។ សម្រាប់ត្រប៉ែដែលយើងលក់នេះគឺយើងធ្វើវាដោយខ្លួនឯង បានយើងមានទំនុកចិត្តលក់រាប់ឆ្នាំមកនេះ គឺគ្មានបញ្ហាអ្វីនោះទេ។

ហើយគាត់បានបន្តថា ចាស់ៗ តែងនិយាយថា អ្នកស្អកក ឬឈឺក ពេលហូបត្រប៉ែនេះហើយ ស្រាប់តែឆាប់ជាលឿន។ លុះត្រាត្រប៉ែហ្នឹង ធ្វើតាមធម្មជាតិ អត់ប្រើមេស្កនិងទឹកស្កនោះទេ។ ទោះបីត្រប៉ែមានរសជាតិផ្អែមមែន តែរសជាតិនេះចេញពីអង្ករដំណើបខ្មៅដែលមានអត្ថប្រយោជន៍ខ្ពស់ដល់សុខភាពណាស់ដូចជា​វាមានផ្ទុកជាតិសរសៃ មានជាតិវីតាមីន សារធាតុរ៉ែ និងសម្បូរទៅដោយ Fiber ខ្ពស់ គឺជួយដល់ប្រព័ន្ធរំលាយអាហារ ជួយខួរក្បាល សម្រួលតុល្យភាពរបស់អ័រម៉ូន និងស្បែកកុំឱ្យមានបញ្ហាផ្សេងៗ ផងដែរ។ ហើយជាពិសេសនៅក្នុងអង្ករដំណើបខ្មៅនេះមានសារធាតុប្រឆាំងអុកស៊ីតកម្ម Anthocyanin ដែលមានសមត្ថភាពប្រឆាំងនឹងជំងឺមហារីក និងជំងឺបេះដូងយ៉ាងល្អបំផុត។ ពេលយើងបូកកាហ្វេជាមួយត្រប៉ែ បានជាកាហ្វេត្រប៉ែដែលមានគុណភាពជួយសុខភាពរបស់អ្នករឹងមាំ៕នេះជាផេកហាងកាហ្វេ Mindfulness Coffee Tuol Tompoung និងលេខទូរស័ព្ទ៖ 093 616 989៕ អត្ថបទដោយ៖ ទ្រ ​សុភាព