ហើយបងប្រុស Pi Bee បាននិយាយពីប្រវត្តិតស៊ូក្នុងការបើកហាងកាហ្វេបន្តិចថា ខ្ញុំជាអ្នកផឹកកាហ្វេរាប់ឆ្នាំមកហើយ ហើយខ្ញុំមានកូនចិត្តមួយថា ថ្ងៃណាមួយ ខ្ញុំនឹងបើកហាងកាហ្វេ ហើយមានរសជាតិកាហ្វេផ្ទាល់ខ្លួន។ រហូតមកដល់ពេលនេះ ខ្ញុំមានសមត្ថភាពបើកដោយខ្លួនឯង ជារឿងបំពេញក្តីស្រមៃរបស់ខ្លួនមួយដែរ។ សម្រាប់ហាងកាហ្វេនេះ បើធៀបប្រាក់ចំណូលនឹងមុខជំនួញរបស់ខ្ញុំផ្សេង គឺចំណេញតិចជាង ហើយវាហត់នឿយជាងក៏ដោយ ក៏ខ្ញុំមានអារម្មណ៍ស្រឡាញ់ហាង IKu Coffee – អ៊ីគឹ ជាងគេដែរ។ ព្រោះតែក្តីស្រឡាញ់នេះហើយធ្វើឱ្យយើងឆ្លងគ្រាលំបាកពេលលក់មិនដាច់ក៏ដោយ ក៏យើងខំកែលម្អហាង និងរសជាតិឱ្យឆ្ងាញ់ដែរ។

ហើយខ្ញុំបានសួរនៅសំណួរមួយថា ហេតុអ្វីហាង IKu Coffee – អ៊ីគឹ លក់ដាច់? បងប្រុស Pi Bee បានឆ្លើយបតភ្លាមៗ ថា  “លក់ដាច់មកពីរសជាតិឆ្ងាញ់ និងគិតពីភ្ញៀវមុនយកលុយ”។ ខ្ញុំបន្តសួរថា គិតពីភ្ញៀវបែបណាបង? គាត់ក៏ឆ្លើយបន្តថា ទីមួយជាការលក់ទំនាក់ទំនងគឺយើងត្រូវស្គាល់ចិត្តភ្ញៀវដោយយើងនិយាយជាមួយគាត់ ហើយបើកបេះដូងស្តាប់សម្តីភ្ញៀវ ធ្វើឱ្យភ្ញៀវមកទិញដោយមានអារម្មណ៍ល្អ។ លក់ដាច់ឬមិនដាច់ រឿងមួយមិនអាចខ្វះបានគឺលក់ទំនាក់ទំនងជាការលក់អារម្មណ៍ល្អ។ មួយទៀតគិតពីសុខភាពរបស់ភ្ញៀវ ពេលភ្ញៀវផឹកកាហ្វេយើងទៅមានផលប៉ះពាល់សុខភាពដែរអត់? និងមានអារម្មណ៍បែបណាដែរ?

គាត់បានបន្តថា មានភ្ញៀវម្នាក់ មកទិញកាហ្វេដាក់ស្ករ ១០០%ឯណោះ ខ្ញុំគិតថា បើភ្ញៀវបន្តផឹកកាហ្វេបែបនេះ មិនយូរទេគាត់ច្បាស់ជាមានបញ្ហាលើសជាតិស្ករ និងទឹកនោមផ្អែមជាមិនខាន។ ជំនួសមកវិញខ្ញុំក៏សម្រេចចិត្តលួចកាត់ជាតិស្ករភ្ញៀវម្តង ១០% មួយសប្តាហ៍ក្រោយក៏បន្តលួចកាត់ ២០%...នៅពេលសល់ជាតិស្ករ ៥០% ខ្ញុំក៏ប្រាប់គាត់រឿងកាត់ជាតិស្ករនេះហើយផ្តល់ហេតុផលឱ្យគាត់ រួចហើយភ្ញៀវក៏យល់ហើយអរគុណយើងទៀត។ មកដល់ពេលនេះគាត់ក្លាយជាភ្ញៀវនៅហាងអ៊ីគឹយើងតែម្តង។ 

ដូច្នេះ សម្រាប់បងប្អូនដែលពេលទំនេរចូលចិត្តទៅសម្រាកបំបាត់ភាពហឿនហត់ អ្នកគួរទៅហាងកាហ្វេនៅ IKu Coffee ជាកន្លែងល្អបំផុតឱ្យលោកអ្នកទទួលបានបទពិសោធន៍ភ្លក់រសជាតិកាហ្វេដ៏ឈ្ងុយឆ្ងាញ់ ថែមទាំងទទួលបានអារម្មណ៍រីករាយមួយកម្រិតទៀត។ លើសពីនេះ អ្នកនឹងផឹកកាហ្វេមួយដោយមានសុខភាពល្អដោយដាក់ស្ករតិច។ សម្រាប់បងប្អូនដែលចាប់អារម្មណ៍អាចទំនាក់ទំនងបានតាមរយៈផេក IKu Coffee – អ៊ីគឹ កាហ្វេ និងលេខទូរស័ព្ទ៖ ០12 300 117៕ អត្ថបទដោយ៖ ទ្រ សុភាព