ដើម្បីបង្កើតឱកាសការងារដល់ប្រជាជនខ្មែរ បង្កើនសេដ្ឋកិច្ចជាតិ និងកេរិ៍តឈ្មោះផលិតខ្មែរលើឆាកអន្តរជាតិ។ គ្រឹះស្ថានផលិតឱសថ ប៉េប៉េអឹម (PPM) ដែលជាគ្រឹះស្ថានផលិតឱសថធំ និងដំបូងគេ ហើយឈានមុខគេ នៅកម្ពុជាបានជូនដំណឹងដល់បងប្អូនប្រជាពលរដ្ឋទាំងអស់សម្រាប់ឆ្នាំ ២០២៦ ខាងមុខគ្រប់ផលិតផលដែលផលិតដោយគ្រឹះស្ថាន ប៉េប៉េអឹម (PPM) នឹងមិនមានការឡើងថ្លៃឡើយ។
នេះគឺជាទស្សនវិស័យរបស់លោកឱសថបណ្ឌិត ហៃ លីអ៊ាង ប្រធានអគ្គនាយកក្រុមហ៊ុន ប៉េប៉េអឹម ដើម្បីចូលរួមចំណែក លើកស្ទួយសុខុមាលភាព និងផ្តល់នូវឱសថប្រកបដោយគុណភាព។ តាមរយៈការប្រកាសជាផ្លូវការនៅថ្ងៃទី ៨ ខែធ្នូ ឆ្នាំ២០២៥ ថា គ្រប់ផលិតផលដែលផលិតដោយគ្រឹះស្ថានផលិតឱសថ ប៉េប៉េអឹម នឹងលក់ក្នុងតម្លៃដដែល ដោយមិនមានការតម្លើងថ្លៃអ្វីទាំងអស់បើទោះបីជា វត្ថុធាតុដើមនាំចូលមួយចំនួនមានការឡើងថ្លៃខ្លះក៏ដោយ។ ទន្ទឹមនឹងនេះ គ្រឹះស្ថានផលិតឱសថ ប៉េប៉េអឹម (PPM) បានបេជ្ញាចិត្តនឹងបន្តខិតខំរក្សានូវគុណភាពផលិតផល ស្របតាមស្តង់ដាអន្តរជាតិ រក្សាការផ្គត់ផ្គង់ឱ្យបានកាន់តែប្រសើរ និងធ្វើឱ្យផលិតផល ឱសថសម័យរបស់ខ្មែរយើងកាន់តែមានតម្លៃសមរម្យ រួមជាមួយនឹងគុណភាព ប្រសិទ្ឋភាពខ្ពស់គួរជាទីទុកចិត្តបំផុត។
ការជ្រើសរើសប្រើ «ផលិតផលក្នុងស្រុក ដែលមានគុណភាព» គឺជាការជួយខ្លួនឯងក្រុមគ្រួសារធុរកិច្ច សុវត្ថិភាព និងតម្លៃសមរម្យដល់ប្រជាពលរដ្ឋគ្រប់រូបក្នុងស្រុក ឱ្យមានលទ្ធភាពទិញ និងប្រើប្រាស់ផលិតផលជាតិក្នុងបរិបទដែលសេដ្ឋកិច្ចបច្ចុប្បន្នកំពុងមានបញ្ហាប្រឈមផ្សេងៗបណ្តាឱសថស្ថាន គ្លីនិក មន្ទីរពេទ្យ និងបងប្អូនប្រជាពលរដ្ឋ ទាំងអស់ដែលតែងតែគាំទ្រផលិតផលខ្មែរកន្លងមក។ ហើយជាពិសេសស្របពេលនឹងកំណើននៃសន្ទុះជាតិនិយម យើងរួមគ្នាលើកកម្ពស់គុណតម្លៃ និងកេរ្តិ៍ឈ្មោះរបស់ជនរួមជាតិទាំងអស់គ្នា ប៉េប៉េអឹម (PPM) មិនឆ្លៀតឱកាសក្នុង «ផលិតផលខ្មែរ» ដើម្បីជម្រុញ និងពង្រឹងសេដ្ឋកិច្ចជាតិតាមរយៈការតម្លើងថ្លៃនោះទេ។
គួរបញ្ជាក់ថា គ្រឹះស្ថានផលិតឱសថ ប៉េប៉េអឹម ត្រូវបានបង្កើតឡើងនៅក្នុងប្រទេស កម្ពុជា ជាមួយនឹងការផលិត ឱសថគីណាល់ ជាឱសថដំបូងគេបំផុតរបស់កម្ពុជា ដែលត្រូវបានបង្កើតឡើងក្នុងឆ្នាំ ១៩៦០ ដោយបច្ចុប្បន្នសហគ្រាសផលិតឱសថ ប៉េប៉េអឹម បាននាំចេញផលិតផលបំបាត់ការឈឺចាប់នេះរួមនឹងផលិតផលសុខភាពជាច្រើនទៀត ទៅកាន់ប្រទេសជាច្រើន ដូចជាប្រទេសក្នុងតំបន់អាហ្វ្រិក តំបន់អាស៊ីអាគ្នេយ៍ និងអឺរ៉ុបជាដើម។
គ្រឹះស្ថានផលិតឱសថ ប៉េប៉េអឹម អាចចាត់ថាជាក្រុមហ៊ុនឱសថមួយដែល បានជំរុញដល់មនុស្សជំនាន់ថ្មីឱ្យមានការតស៊ូសិក្សាស្រាវជ្រាវ និងបង្កើតចេញជាគំនិតច្នៃប្រឌិត ដើម្បីឈានដល់ការបង្កើតផលិតផលកម្ពុជា ដែលចូលរួមដល់ការអភិវឌ្ឍវិស័យសុខាភិបាល និងប្រទេសជាតិទាំងមូល ។ សូមបងប្អូនប្រជាពលរដ្ឋខ្មែរងាកមកគាំទ្រផលិតផលក្នុងស្រុកទាំងអស់គ្នាដើម្បីបង្កើតឱកាសការងារដល់ប្រជាជនខ្មែរ បង្កើនសេដ្ឋកិច្ចជាតិ និងកេរិ៍តឈ្មោះផលិតខ្មែរលើឆាកអន្តរជាតិ។ ចង់ដឹងព័ត៍មានលម្អិតសូមទំនាក់ទំនង លេខទូរស័ព្ទ 023 890 093 ឬផេកផ្លូវការរបស់ ប៉េប៉េអឹម (PPM)៖ PPM
អត្ថបទដោយ៖ សារួ