ក្នុងនោះ មន្ត្រីរដ្ឋាភិបាល ថ្នាក់ដឹកនាំធុរកិច្ច  និងតំណាងប្រព័ន្ធផ្សព្វផ្សាយក្នុងប្រទេសបានចូលរួមទាំងធ្វើជាសក្ខីភាពក្នុងការពិធីសម្ភោធនេះ។ ពិធីនេះផងដែរបានសបញ្ជាក់ពីកិច្ចសហការមួយដែលនាំជូនអតិថិជនកម្ពុជានូវទឹកដោះគោដែលមានស្តង់ដារខ្ពស់ លំដាប់កំពូល មានជីវជាតិ និងការផលិតប្រកបដោយចីរភាពពីរដ្ឋរបស់សហរដ្ឋអាមេរិកដែលមានឈ្មោះល្បីល្បាញក្នុងការផលិតទឹកដោះគោដែលល្អជាងគេក្នុងពិភពលោក។

ឯកឧត្តមបណ្ឌិត លី ធុជ ទេសរដ្ឋមន្រ្តី នៃរាជរដ្ឋាភិបាលកម្ពុជា បានបង្ហាញពីការគាំទ្រយ៉ាងខ្លាំងចំពោះគោលនយោបាយពាណិជ្ជកម្មសេរី និងផលិតផលគុណភាពខ្ពស់។ ឯកឧត្តមបណ្ឌិតបានមានប្រសាសន៍ថា «ការគាំទ្រដល់គម្រោងដូចជាការនាំចូលទឹកដោះគោ Challenge បង្ហាញពីការប្តេជ្ញាចិត្តរបស់យើងចំពោះគោលនយោបាយពាណិជ្ជកម្មទំនើប»។ ដោយរក្សាអត្រាពន្ធនាំចូល 0% ចំពោះផលិតផលកសិកម្ម យើងអាចលើកកម្ពស់វិស័យវិនិយោគ បង្កើនជម្រើសអតិថិជន និងពង្រឹងទៅដល់ទំនាក់ទំនងសេដ្ឋកិច្ចជាមួយសហរដ្ឋអាមេរិក។ ពិធីបើកសម្ភោធនេះ មិនត្រឹមតែជាព្រឹត្តិការណ៍ពាណិជ្ជកម្មប៉ុណ្ណោះទេ ប៉ុន្តែវាក៏បង្ហាញពីភាពរួសរាយរបស់ប្រទេសកម្ពុជា ក្នុងការទទួលស្វាគមន៍កិច្ចសហការណ៍អន្តរជាតិដែលបង្កើនគុណភាពជីវិត និងសមត្ថភាពចំណេញរួមគ្នា។

អ្នកស្រី Janet Arellano នាយកអភិវឌ្ឍអាជីវកម្មសកល CMAB ក៏បានលើកឡើងថា៖ «ការនាំចូលទឹកដោះគោ Challenge មកកម្ពុជា មិនមែនត្រឹមជាការផ្តល់ជូននូវទឹកដោះគោដែលមានរសជាតិឈ្ងុយឆ្ញាញ់ប៉ុណ្ណោះទេ ប៉ុន្តែជាការចែករំលែកផលិតទឹកដោះគោកាលីហ្វ័រញ៉ា ដែលមានប្រវត្តិជាងមួយសតវត្សរ៍ទៅហើយ» អ្នកស្រីក៏បានបន្តទៀតថា «ដោយប្រើបច្ចេកវិទ្យា Ultra-Pasteurization យើងធានាថា រាល់ដបរបស់ទឹកដោះគោ Challenge មានរសជាតិដូចស្រស់ដូចទឹកដោះគោដែលផលិតនាថ្ងៃដំបូង។ ពួកយើងរីករាយណាស់ក្នុងការធ្វើការរួមគ្នាជាមួយដៃគូចែកចាយនៅកម្ពុជា និង AEON ដើម្បីនាំយកទឹកដោះគោកាលីហ្វ័រញ៉ាលំដាប់ថ្នាក់ពិភពលោកឲ្យក្លាយជាផ្នែកមួយនៃជីវិតប្រចាំថ្ងៃគ្រួសារកម្ពុជា។

 ក្នុងនោះផងដែរ លោក Tomokazu Furuki អ្នកគ្រប់គ្រងផ្នែក FoodLine Merchandising នៃ AEON កម្ពុជា បានមានប្រសាសន៍ថា «យើងមានមោទនភាពក្នុងការផ្តល់ជូននូវផលិតផលទឹកដោះគោ Challenge ដែលជាផលិតកាលីហ្វ័រញ៉ា នៅគ្រប់សាខារបស់ AEON នៅកម្ពុជា និង AEON Online។ ការសហការជាមួយក្រុមប្រឹក្សាទឹកដោះគោកាលីហ្វ័រញ៉ាជាផ្នែកមួយនៃការប្តេជ្ញាចិត្តរបស់យើងក្នុងការនាំផលិតផលគុណភាពអន្តរជាតិមកដល់ដៃប្រជាពលរដ្ឋកម្ពុជា»។

ជាការពិតណាស់ ទឹកដោះគោ Challenge ត្រូវបានផលិតដោយ California Dairies Inc. ដែលជាសហគមន៍ផលិតទឹកដោះគោធំជាងគេបំផុតនៅរដ្ឋកាលីហ្វ័រញ៉ា ក្រោមការគ្រប់គ្រងរបស់ Valley Natural Beverages Division។ ដោយប្រើបច្ចេកវិទ្យា Steam Infusion Ultra-Pasteurizationទំនើប ទឹកដោះគោនេះអាចរក្សារសជាតិធម្មជាតិ និងគុណភាពស្រស់រហូតដល់ 90 ថ្ងៃ ដែលសាកសមបំផុតសម្រាប់ទីផ្សារកម្ពុជាដែលកំពុងរីកចម្រើនផ្នែកពាណិជ្ជកម្មទំនើប។

ការណែនាំចូលផលិតផលទឹកដោះគោ Challenge មិនមែនត្រឹមតែជាការនាំចូលនៃផលិតផលក្នុងផ្សារថ្មីទេ ប៉ុន្តែជាសញ្ញានៃ មិត្តភាព ភាពទុកចិត្ត និងតម្លៃរួម រវាងរដ្ឋកាលីហ្វ័រញ៉ា និងកម្ពុជា។ ជាមួយនឹងការផ្តោតលើគុណភាព  និងចីរភាព ទឹកដោះគោ Challenge នឹងក្លាយជាជម្រើសទីមួយសម្រាប់គ្រួសារកម្ពុជា ដែលជឿជាក់ទៅលើភាពស្រស់របស់ទឹកដោះគោ និងគុណភាពដែលអាចទុកចិត្តបាន៕