១. តែរុក្ខជាតិ ដូចជាតែ chamomile តែ mint និងខ្ញីជាភេសជ្ជៈស្របជាតិខ្លាញ់ឱ្យអ្នកសម្រកគីឡូ បន្ទាប់ពីអ្នកហូបអាហារពេលល្ងាចរួច។ វាជួយដល់ការរំលាយអាហារ និងដុតបំផ្លាញកាឡូរី។ តែ Chamomile ជួយសម្រួលដល់ការរំលាយអាហារ។ ចំណែកខ្ញីជួយកាត់បន្ថយការហើមពោះ។ សម្រាប់ជីអង្កាមជួយសម្រួលក្រពះ បង្កើនលំហូរទឹកប្រមាត់ និងជម្រុញបំបែកជាតិខ្លាញ់។ ការផឹកតែរុក្ខជាតិក្តៅមួយពែងបន្ទាប់ពីអាហារពេលល្ងាចរួច មានប្រសិទ្ធិភាពក្នុងការសម្រកគីឡូ និងគេងលក់ស្រួល។ ប្រភពពី Times of India ។

២. ការហូបគ្រាប់ធញ្ញជាតិមួយក្តាប់តូច បន្ទាប់ពីអាហារពេលល្ងាចរួច វាផ្តល់រាងកាយរបស់អ្នកស្រកគីឡូ។ ព្រោះវាមានជាតិសរសៃ និងប្រូតេអ៊ីនដើម្បីគ្រប់គ្រងការរំលាយអាហាររបស់អ្នកបានយ៉ាងល្អ។ ចំពោះគ្រាប់អាល់ម៉ុន គ្រាប់ Walnut និងគ្រាប់ chia មានអាស៊ីតខ្លាញ់អូមេហ្គា ៣ខ្ពស់ និងជាតិសរសៃ វាមានឥទ្ធិពលប្រឆាំងនឹងការរលាក និងដុតបំផ្លាញជាតិខ្លាញ់យ៉ាងលឿន។ ជាពិសេសវាជួយការពារ​កុំឱ្យ​ឡើង​ជាតិ​ស្ករ​ក្នុង​ឈាម។

៣. ទឹកក្តៅជាមួយក្រូចឆ្មាមានប្រយោជន៍ក្នុងការដុតកាឡូរី។ ទឹកក្តៅជួយសម្រួល និងបន្ធូរប្រព័ន្ធរំលាយអាហារស្រូបយកសារធាតុចិញ្ចឹមបានល្អប្រសើរឡើង។ ក្រូចឆ្មាផ្តល់វីតាមីនC បង្កើនភាពស៊ាំ ហើយអាស៊ីតធម្មជាតិរបស់ក្រូចឆ្មា ជម្រុញការផលិតអង់ស៊ីមជួយរំលាយអាហារ និង​សម្អាត​ថ្លើម បន្សាប​ជាតិពុល​ក្នុង​រាងកាយ ហើយសម្រកគីឡូផងដែរ។

ដូចនេះ! បើអ្នកហូបអាហារពេលល្ងាចរួច អ្នកអាចហូបគ្រាប់ធញ្ញជាតិ ផឹកទឹកក្តៅ និងតែ វាជួយឱ្យសម្រកជាតិខ្លាញ់។ ជាពិសេសចូរអ្នកហូបអាហារត្រឹមតែ ៨០%នៃក្រពះបានហើយដើម្បីឱ្យរាងកាយនិងអារម្មណ៍របស់អ្នកស្រួលខ្លួនហើយងាយស្រកគីឡូ៕ អត្ថបទដោយ៖ ទ្រ សុភាព