១. ជំងឺបេះដូង៖ ការធ្វើលំហាត់ប្រាណជាប្រចាំថ្ងៃអាចជួយពង្រឹងសុខភាពបេះដូង។ ព្រោះបេះដូងខ្សោយការផលិតឈាមក៏ខ្សោយដែរ។ តាមការសិក្សាថ្មីៗ មួយពី Hopkinsmedicine បានបង្ហាញថា ការធ្វើលំហាត់ប្រាណធ្វើឱ្យប្រសើរឡើងនូវសមត្ថភាពរបស់សាច់ដុំក្នុងការទាញអុកស៊ីហ្សែន និងដំណើរការល្អរបស់សរសៃឈាមបេះដូង។ សូម្បីតែបញ្ហាសម្ពាធឈាមខ្ពស់ ក៏ការធ្វើលំហាត់ប្រាណអាចបន្ថយហានិភ័យដាច់សរសៃឈាមបេះដូងដែរ។

២.ការពារទឹកនោមផ្អែម៖ យោងតាមសារព័ត៌មានសុខភាព Mayoclinic បានបញ្ជាក់ថា ពេលអ្នកធ្វើលំហាត់ប្រាណកាន់តែខ្លាំង(អាចរយៈពេល ២០នាទីឬ ១ម៉ោង ក្នុង១ថ្ងៃ) កាន់តែជួយបញ្ចុះជាតិស្ករបានល្អ។ ហើយអ្នកគួរតែហូបបន្លែ និងត្រីឱ្យបានច្រើន។ ហើយពិសារទឹកច្រើន ឱ្យបានច្រើន ដើម្បីពង្រឹងសុខភាពកាន់តែល្អ។ អ្នកត្រូវបញ្ឈប់អាហារ និងភេសជ្ជៈណា មានជាតិស្ករច្រើន។ ទើបមួយជីវិតរបស់អ្នកគ្មានវាសនាកើតជំងឺទឹកនោមផ្អែមនោះទេ។

៣. ការពារជំងឺមហារីក៖ តាមការស្រាវជ្រាវពីវេជ្ជសាស្រ្តជំងឺមហារីកនៅអាមេរិកបានរកឃើញថា “ការធ្វើលំហាត់ប្រាណគ្រាន់តែដើរប៉ុណ្ណោះ វាអាចជួយកាត់បន្ថយហានិភ័យនៃការវិវត្តទៅជាជំងឺមហារីកផ្សេងៗ មានដូចជាមហារីកសុដន់ មហារីកពោះវៀន មហារីកបំពង់អាហារ និងជំងឺមហារីកគ្រប់ឈាម មហារីកថ្លើម។ អ្នកគួរធ្វើលំហាត់ប្រាណក្នុងមួយថ្ងៃ ៣០ ទៅ ៤០ នាទីជាប្រចាំថ្ងៃ។ ការធ្វើលំហាត់ប្រាណនេះ ដើម្បីកាត់បន្ថយហានិភ័យនៃការស្លាប់ ២០% បើប្រៀបធៀបនឹងអ្នកដែលមិនហាត់ប្រាណសោះ។ យោងតាម The Conversation៕