យោងតាម Net.au/news បានចុះផ្សាយថា នៅពេលនេះ ប្រទេសមីយ៉ាន់ម៉ាមានក្តីព្រួយបារម្ភលើរឿង ៣នេះ អាចនាំឱ្យមនុស្សស្លាប់កើនឡើងដល់ ៣០០០នាក់ ឬលើសពីនេះ។ រឿងទី១. អាហារ ទី២. ទឹក និងទី៣. អស់សង្ឃឹម។ កត្តាទាំង ៣នេះអាចធ្វើឱ្យមនុស្សដែលកំពុងជាប់គាំងនៅអគារបាក់បែក និងជាប់ក្នុងសំណងបាក់បែកមានការស្លាប់ចេះតែកើន។ រញ្ជួយដីកាលពីថ្ងៃសុក្រ មកដល់ថ្ងៃពុកនេះ មានរយៈពេល ៥ថ្ងៃហើយ។

គ្រោះរញ្ជួយដីនេះដែលវាយប្រហារខ្លាំងជាងមួយសតវត្សមុនទៀត ហើយគ្រោះរញ្ជាតដីនៅមីម៉ាន់ម៉ាបានបង្កការខូចខាតយ៉ាងធ្ងន់ធ្ងរលើទីក្រុងចំនួន២ គឺក្រុង Mandalay និងរដ្ឋធានី Naypyitaw។ ពេលនេះក្រុមគ្រួពេទ្យកំពុងតែខិតខំស្វែងរក និងជួយសង្គ្រោះមនុស្សជាប់ក្នុងសំណង ហើយបានគាំទ្រដោយក្រុមចម្រុះជាតិសាសន៍ រួមទាំងបុគ្គលិកមកពីសហរដ្ឋអាមេរិក អ៊ីស្រាអែល និងជប៉ុនដើម្បីមកជួយប្រជាជនមីយ៉ាន់ក្នុងគ្រោះទុក្ខធំមួយនេះ៕ អត្ថបទដោយ៖ ទ្រ សុភាព