១​. កុំព្យាយាមហាត់ប្រាណដោយពោះទទេឱ្យសោះ៖ ការហាត់ប្រាណដោយពោះទទេនោះ វាមិនល្អទេ អាចប៉ះពាល់រាងកាយចុះខ្សោយ។ បើអ្នកហាត់ពេលព្រឹកជារឿងល្អ វាជួយដុតជាតិខ្លាញ់បានល្អ។ យល់ល្អអ្នកគួរតែផឹកទឹកគោមួយកែវ មុនហាត់ប្រាណ។ បើអ្នកហាត់ប្រាណដោយពោះទទេ គ្មានជាតិស្ករធម្មជាតិក្នុងខ្លួនគ្រប់គ្រាន់ទេ(គ្មានកម្លាំងគ្រប់គ្រាន់ទេ) ពេលអ្នកហាត់ទៅរាងកាយរបស់យើងនឹងប្រើ glycogen ចេញពីសាច់ដុំគឺបញ្ចេញថាមពលអស់ពីខ្លួន នាំឱ្យអ្នកវិលមុខអំឡុងពេលហាត់ប្រាណ។ អ្នកគួរអាហារ ឬពងទាមួយឬពីរគ្រាប់ និងភេសជ្ជៈមួយកែវក្នុងរយៈពេលមួយម៉ោង និងពីរម៉ោងមុនពេលទៅហាត់ប្រាណ ដើម្បីអ្នកមានកម្លាំងគ្រប់គ្រាន់ក្នុងការហាត់ប្រាណ។

២. កម្តៅសាច់ដុំជាមុន៖ មនុស្សមួយចំនួនមានទម្លាប់មិនសូវល្អមួយ គឺទៅហាត់ប្រាណ ចាប់ផ្តើមហាត់ភ្លាមៗ មិនបានកម្តៅសាច់ដុំជាមុនទេ។ វាធ្វើឱ្យរាងកាយគេមិនបានត្រៀមខ្លួនជាមុន ទីមួយមានផលប៉ះពាល់សាច់ដុំ និងទីពីរ សរសៃឈាម និងទីរាងកាយរហែកខុសពីធម្មតា(ប៉ះពាល់)ផងដែរ។ ការកម្តៅសាច់ដុំជាមុន ជួយឱ្យយើងរាងកាយរបស់យើងមានភាពបត់បែនសរសៃឈាមបានល្អ និងការពាររងរំបួសសរសសៃសាច់ដុំ។ គ្រាន់តែអ្នកចំណាយ​ត្រឹមតែ ៣ទៅ៥ នាទី កម្តៅសាច់ដុំជាការល្អបំផុត។

៣.  នេះជាសញ្ញាការពារជាមុន៖ ពេលអ្នកធ្វើលំហាត់ប្រាណ ​បើមានអ្វីមួយខុសប្រក្រីមានដូចជា អស់កម្លាំងខុសពីធម្មតា វិលមុខ ស្ទើរតែដួលសន្លប់ ញ័រទ្រូង និងចង្វាក់បេះដូងលោតយ៉ាងលឿន។ ហើយចំណែកដៃ ជើងត្រជាក់ និងសម្រាករួចហើយជីពចរមិនថយចុះសោះ ទាំងនេះជារោគសញ្ញានាំបញ្ហាដល់ពិការរាងកាយរបស់អ្នកលឿនណាស់។ ចូរអ្នកឈប់សម្រាកសិន ឬមួយអ្នកគួរពិគ្រោះជាមួយគ្រូពេទ្យសិនសិន។ កុំឱ្យបញ្ហានេះបង្កជាបញ្ហាកាន់តែធំដល់រាងកាយគឺដាច់សរសៃឈាមខួរក្បាល ឬមួយអាយុជីវិតផងដែរ៕ អត្ថបទដោយ៖ ទ្រ សុភាព