មានការសិក្សាថ្មីមួយបានបង្ហាញថា ការធ្វើលំហាត់ប្រាណជាប្រចាំ បានផ្តល់អត្ថប្រយោជន៍ចំពោះអ្នកមានបញ្ហាតម្រងនោមនិងការពារជំងឺទឹកនោមផ្អែមមានប្រសិទ្ធ។ បើអ្នកខូចតម្រងនោមក៏ងាយកើតជំងឺទឹកនោមផ្អែមដែរ។ ថ្ងៃនេះ អ្នកមកដឹងពីអត្ថប្រយោជន៍នៃការហាត់ប្រាណដើម្បីការពារជំងឺពីរមុខនេះ៖
១. មុខងារតំរងនោម៖ យោងតាមមូលនិធិជាតិសិក្សាពីតម្រងនោមបាននិយាយថា ការធ្វើលំហហាត់ប្រាណផ្តល់អត្ថប្រយោជន៍ដល់អ្នកដែលមានជំងឺតម្រងនោមដោយធ្វើឱ្យប្រសើរឡើងនូវមុខងារសាច់ដុំ កាត់បន្ថយសម្ពាធឈាម បញ្ចុះកូឡេស្តេរ៉ុល រក្សាទំងន់រាងកាយឱ្យមានសុខភាពល្អ និងធ្វើឱ្យគេងលក់ស្រួល។ ដូចគ្រប់ផ្នែកនៃសុខភាពតម្រងនោម ដែលមានសុខភាពល្អ អ្នកត្រូវចាប់ផ្តើមធ្វើលំហាត់ប្រាណជាប្រចាំថ្ងៃ(២០ ទៅ៣០ នាទី)។
មានអ្នកជំងឺតម្រងនៅអាមេរិក ត្រូវធ្វើលំហាត់ប្រាណតាមកម្មវិធីថែទាំសុខភាពក្នុងកម្រិតមធ្យម ១៥០ នាទីមួយសប្តាស៍ ដើម្បីសុខភាពតម្រងនោមកាន់តែប្រសើរឡើង នេះយោងតាមទស្សនាវដ្តីគ្លីនិកនៃអាមេរិក។
ការហាត់ប្រាណជាការដោះស្រាយសម្រាប់អ្នកជំងឺតម្រងនោម មកពីពួកគេផឹកទឹកច្រើន និងបញ្ចេញជាតិពុលតាមទឹកនោម។ ប៉ុន្តែមនុស្សភាគច្រើន ក្នុងសង្គមរបស់យើង កើតជំងឺគ្រួសតម្រងនោម មកពីផឹកទឹកមិនល្អ នេះជាបុព្វហេតុទូទៅបំផុតនៃជំងឺនេះ។
២. ជំងឺទឹកនោមផ្អែម៖ តាមអ្នកវិទ្យាសាស្រ្តបាននិយាយថា “ជំងឺទឹកនោមផ្អែមប្រភេទទីមួយ កើតឡើងនៅពេលប្រព័ន្ធភាពស៊ាំការពាររាងកាយ ដែលមានការប្រឆាំងនឹងការឆ្លងមេរោគវាយប្រហារ និងបំផ្លាញកោសិកាបេតា ដែលផលិតអាំងស៊ុយលីនរបស់លំពែ។ ហើយវាបណ្តាលមកពីហ្សែន និងកត្តាបរិស្ថានដូចជាវីរុសដែលអាចបង្កឱ្យមានជំងឺនេះ។” ពេលអ្នកហូបអាហារ និងភេសជ្ជៈមានជាតិផ្អែមច្រើន ពេលវ័យអ្នកកាន់តែច្រើន លំពែនឹងចុះខ្សោយ វានឹងក្លាយជាជំងឺទឹកនោមផ្អែម។ ការធ្វើលំហាត់ប្រាណជួយបេះដូងធ្វើឱ្យប្រសើរឡើងនូវការប្រើប្រាស់អាំងស៊ុយលីន និងបន្ថយកម្រិតជាតិស្ករក្នុងឈាមបានយ៉ាងល្អបំផុត។ ឥទ្ធិពលវិជ្ជមាននេះ អាចមានរយៈពេលរហូតដល់ ៤៨ ម៉ោងក្រោយពេលហាត់ប្រាណ។ ការធ្វើលំហាត់ប្រាណក៏ធ្វើឱ្យប្រសើរឡើងនូវចលនាឈាមរត់ស្រួលផងដែរ៕ អត្ថបទដោយ៖ ទ្រ សុភាព