ទម្លាប់ពេលព្រឹកគឺពិតជាមានឥទ្ធិពលខ្លាំងមែនទែនដល់ជីវិតពេញ១ថ្ងៃរបស់អ្នក។ ជាក់ស្ដែងដូចជាទម្លាប់ភ្ញាក់ពីគេងលឿនអ្នកនឹងបានអារម្មណ៍ស្រស់ស្រាយ មានពេលច្រើនសម្រាប់ធ្វើការងារ ហើយក៏មានប្រយោជន៍សម្រាប់សុខភាពរបស់អ្នកដូចគ្នា។ យោងតាមគេហទំព័រ webmd បានលើកឡើងថា ទម្លាប់ពេលព្រឹក៣យ៉ាងដែលអ្នកធ្វើព្រឹកឡើងរាល់ថ្ងៃ ទៅជួយដុតខ្លាញ់ នៅតំបន់ធំ ដៃ ភ្លៅ ធ្វើឱ្យអ្នកឆាប់ស្រកគីឡូលឿន ជាពិសេសកជួយធ្វើឱ្យផ្លូវអារម្មណ៍របស់អ្នកចាប់ផ្ដើមស្រស់ស្រាយ ស្រស់ថ្លាបំផុតផងដែរ។
១. ញ៉ាំយ៉ាអ៊ួជាអាហារពេលព្រឹក ប្រសិនបើអ្នកមានពេលតិច ហើយមានបញ្ហាវិបត្តិប្រព័ន្ធរំលាយអាហារ។ យ៉ាអ៊ួសម្បូរទៅដោយកាល់ស្យូម, វីតាមីនB12, ស័ង្កសី, ប៉ូតាស្យូម និងផូស្វ័រ ដែលសុទ្ធតែជាសារធាតុដែលរាងកាយចាំបាច់ត្រូវការជាប្រចាំថ្ងៃ។ បន្ថែមពីជម្រើសនេះ អាហារពេលព្រឹកOatmilk សម្បូរទៅដោយជាតិកាកសសៃឈ្មោះថា បេតាគ្លូខេន ដែលល្អសម្រាប់សុខភាពក្រពះពោះវៀន។
២.ហាត់ប្រាណ៖ ការហាត់ប្រាណជឿថាគ្រប់គ្នាភាគច្រើនគឺខ្ជិល សុខចិត្តបង្ខំគេង បើមានពេលក៏មិនហាត់ដែរ។ ការពិតទៅមកពីទម្លាប់ បើយើងព្រឹកឡើងមានទម្លាប់ហាត់ប្រាណពេលមិនបានហាត់ ដូចខ្វះអ្វីម្យ៉ាងអ៊ីចឹង។ ការហាត់ប្រាណអាចជួយទៅដុតរំលាយខ្លាញ់អាក្រក់ចេញពីខ្លួនរបស់អ្នកតាមតំបន់ ដូចជាពោះ ភ្លៅ ដើមដៃ កំពួនជើង ជាដើម ដែលជាហេតុធ្វើឱ្យអ្នកស្រកគីឡូបានលឿន ។ អាស្រ័យហេតុនេះហើយ អ្នកគួរតែមានទម្លាប់ព្យាយាមហាត់ប្រាណ។
៣. ញ៉ាំស៊ុតល្អសម្រាប់សុខភាពខួរក្បាល និងការពារជំងឺបេះដូង។ ស៊ុតជាប្រភពនៃសារធាតុ Choline ដែលមានសារសំខាន់សម្រាប់សុខភាពខួរក្បាល និងប្រព័ន្ធសរសៃប្រសាទ។ ការទទួលទានស៊ុតក្នុងកម្រិតមធ្យមពេលព្រឹកអាចទ្រទ្រង់សុខភាពបេះដូង។ នេះដោយសារតែអាស៊ីតខ្លាញ់អូមេហ្គា3 នៅក្នុងស៊ុតអាចជួយកាត់បន្ថយការរលាក និងធ្វើឱ្យសុខភាពបេះដូងប្រសើរឡើង។ ហើយសារជាតិ selenium នៅក្នុងស៊ុតជួយ ការពារការកកឈាម ជំងឺដាច់សរសៃឈាមខួរក្បាល និងគាំងបេះដូង។
សរុបមកទម្លាប់ពេលព្រឹក៣ខាងលើនេះ គឺអាចជួយទៅដុតរំលាយខ្លាញ់អាក្រក់ចេញពីខ្លួនរបស់អ្នក និងជួយឱ្យអ្នកស្រកគីឡូ មានសម្រស់ស្អាត សុខភាពក៏ល្អ ជាពិសេសបាត់ស្រ្តេសបាត់ អារម្មណ៍តានតឹង១ផ្នែកធំផងដែរ៕ អត្ថបទដោយ៖ ទ្រ សុភាព