១. អ្នកជំងឺទឹកនោមផ្អែម បើពីមុនគ្មានទម្លាប់ធ្វើលំហាត់ប្រាណទេ។ អ្នកអាចចាប់ផ្តើមចេញពីលំហាត់ប្រាណបែបដើរឬដើរឱ្យលឿន។ នេះជាសកម្មភាពទន់ភ្លន់ហើយងាយស្រួលធ្វើដើម្បីដុតជាតិស្ករចេញពីសរសៃឈាម។ ការដើរល្បឿនជាការដើរលឿនល្មមដើម្បីបង្កើនអត្រាបេះដូងរបស់អ្នកលោតបានល្អក្នុងកម្រិតមធ្យមជួយបន្ថយការផ្ទុក glycogen ដុតជាតិស្ករធ្វើឱ្យកម្រិតជាតិស្ករក្នុងឈាមត្រលប់មកតាមធម្មតាវិញ។ អ្នកជំងឺទឹកនោមផ្អែមគួរដើរលឿនឬធម្មតាប្រហែល ៣០នាទីក្នុងមួយថ្ងៃ យ៉ាងហោចណាស់ ៥ថ្ងៃក្នុងមួយសប្តាហ៍ដែរ។

២. ការធ្វើលំហាត់ប្រាណតៃជីតាមបែបចិនជាការធ្វើ​ចលនា​យឺតៗ ទន់ភ្លន់ជាលំហាត់ប្រាណសម្រាកក្នុងការហ្វឹកហាត់ កុំឱ្យអារម្មណ៍តានតឹង បញ្ចុះជាតិស្ករ ឱ្យសរសៃឈាមដើរស្រួលតាមលំហូរឈាម ហើយនៅក្នុងអំឡុងពេលហាត់ហ្នឹងជួយសម្រួលខ្យល់ដង្ហើមផងដែរ។ នេះជាសិល្បៈក្បាច់គុនតៃជីរបស់ចិនជួយកែលម្អកម្រិតការវិវត្តជំងឺសរសៃប្រសាទ និងជំងឺទឹកនោមផ្អែមដើម្បីធ្វើការគ្រប់គ្រងជាតិស្ករក្នុងឈាមកុំឱ្យលើស។

៣. ការលំហាត់ប្រាណបន្ថែមទៀតដើម្បីអ្នកជំងឺទឹកនោមផ្អែមគឺការហែលទឹកនេះឯង។ ការហែលទឹកជាលំហាត់ប្រាណមួយសម្រាប់អ្នកមានជំងឺទឹកនោមផ្អែមប្រភេទទី២ វាដាក់សម្ពាធតិចលើសន្លាក់។ ការហែលទឹកជួយទ្រទ្រង់រាងកាយអំឡុងពេលហែលទឹកជួយកាត់បន្ថយភាពតានតឹងលើសន្លាក់ជង្គង់ ដៃ និងជើងផងដែរ។

៤. លំហាត់ប្រាណចុងក្រោយនេះជួយពង្រឹងបេះដូង ធ្វើឱ្យប្រសើរឡើងនូវមុខងារសួត ដុតបំផ្លាញកាឡូរីយ៉ាងមានប្រសិទ្ធភាពបំផុតគឺការជិះកង់នេះឯង។ អ្នកមានជំងឺទឹកនោមផ្អែមអាចជិះកង់ពីរទៅបីដងក្នុងមួយសប្តាហ៍ជាមធ្យោបាយកាត់បន្ថយហានិភ័យនៃការធាត់ សម្ពាធឈាមខ្ពស់ និងកម្រិតទ្រីគ្លីសេរីដក្នុងឈាមបានល្អបំផុត៕ អត្ថបទដោយ៖ ទ្រ សុភាព