ចំពោះប្រជាជនជប៉ុនមានសុខភាពដោយបានកាត់បន្ថយហានិភ័យជំងឺធាត់ ជំងឺលើសឈាម និងមហារីកជាដើម។ បើយោងតាមការសិក្សាពី European Journal of Clinical Nutrition កាលឆ្នាំ ២០២១ បានបង្ហាញថា ប្រជាជនជប៉ុនមានអាយុវែងគេ បើប្រៀបធៀបនឹងប្រទេសក្នុងក្រុម G7 ។ ហើយនៅខាងក្រោមនេះជាទម្លាប់ធ្វើឱ្យលោកអ្នករៀនពីជប៉ុន ដើម្បីសម្រកគីឡូ និងអាយុវែងផងដែ។
១. ហូបល្អ ដេញខ្លាញ់ចេញពីរាងកាយ៖ ប្រទេសជប៉ុនបានបង្រៀនក្មេងៗ ឱ្យហូបអាហារល្អៗ តាំងពីតូច ទើបធំឡើងគេនៅតែបន្តទម្លាប់នេះដដែល ធ្វើឱ្យពួកគេមានរូបរាងស្អាតមិនឡើងគីឡូនោះទេ។ មកពីពួកគេញ៉ាំអាហារនិយមដូចជាញ៉ាំបាយ ហូបស៊ុប មានត្រី មានបន្លែស្រស់ៗ មានផ្លែឈើ មានតែបៃតង និងទឹកដោះគោបន្ថែមដើម្បីប៉ូវសុខភាពជាដើម។ លក្ខណៈអាហារទាំងនេះ អ្នកជួយសម្រកគីឡូ និងមានសារធាតុចិញ្ចឹមគ្រប់គ្រាន់ដល់រាងកាយឱ្យមានថាមពល ហើយជួយឱ្យគេចពីជំងឺកាចដូចជាលើសឈាម និងមហារីកផងដែរ។
២. ញុំាអាហារកុំតាមចិត្តក្រពះ៖ ប្រជាជនជប៉ុនញ៉ាំតែ៨០% នៃអ្វីដែលមាននៅលើចានរបស់ពួកគេប៉ុណ្ណោះ។ ពួកគេមិនទទួលទានតាមចិត្តចង់ រហូតដល់ឆ្អែតហល់ជាពិសេសនៅពេលដែលមិនឃ្លាន ហើយហូបនេះហូបនោះបន្ថែមឡើយ។ នេះជាមូលហេតុធ្វើឱ្យជប៉ុនកម្រឡើងគីឡូ ហើយកម្រមានជំងឺក្រពះផងដែរ។
៣. ធ្វើសកម្មភាពរាល់ថ្ងៃ មិនមែនហាត់ប្រាណខ្លាំង៖ សម្រាប់ទម្លាប់ហាត់ប្រាណមានដូចជាការដើរ ជិះកង់ ថែសួន ឬធ្វើការផ្ទះជាប្រចាំ ជាជាងអង្គុយយូរ។ នៅកោះ Okinawa មនុស្សចាស់អង្គុយលើកម្រាលឥដ្ឋ ហើយក្រោកឡើងចុះញឹកញាប់ដែលជួយរក្សាភាពបត់បែន សាច់ដុំ និងសុខភាពឆ្អឹងពួកគេរឹងមាំដល់ចាស់។ នេះជាទម្លាប់សាមញ្ញដោយមិនចាំបាច់ទៅហាត់ប្រាណនៅក្លឹបហាត់ប្រាណក៏បានដែរ។ ហើយជួយឱ្យអ្នកស្រកគីឡូបានថែមទៀត។ យកល្អ! អ្នកគួរហាត់ប្រាណនៅផ្ទះឱ្យបាន ២០នាទីដើម្បីឱ្យរាងកាយជួយដុតខ្លាញ់បានលឿន៕