១. ផឹកទឹកក្តៅឧណ្ហៗ មួយកែវ៖ បញ្ហាធាត់វាបណ្តាលមកពីការធ្វើមេតាប៉ូលីសយឺត។ បើអ្នកចង់ឱ្យពន្លឿនការធ្វើមេតាប៉ូលីសលឿននោះ អ្ននកគួរតែញ៉ាំទឹកក្តៅឧណ្ហៗ ពេលព្រឹកដើម្បីពង្រឹងរាងកាយឡើងពីគេង។ ជាពិសេសបើផឹកទឹកក្រូចឆ្មារលាយជាទឹកឃ្មុំ វាកាន់មានអត្ថប្រយោជន៍ក្នុងការសម្រកគីឡូបានល្អបំផុត។

២. ហូបស៊ុតពេលព្រឹកមួយ ឬពីរគ្រាប់៖ ការហូបស៊ុតពេលព្រឹកជាអាហារសាមញ្ញ តែពោរពេញដោយអត្ថប្រយោជន៍ក្នុងការទប់ទាល់ការឡើងគីឡូ និងដុតជាតិខ្លាញ់បន្ថែមទៀត។ ការហូបស៊ុតលាយជាបន្លែស្រស់ៗ ពេលព្រឹកបន្ថែម ត្រូវបានគេចាត់ទុកជាប្រភពនៃប្រូតេអ៊ីន រួមទាំងសារធាតុ choline ដើម្បីជួយដុតបំផ្លាញជាតិខ្លាញ់យ៉ាងល្អ។ ការហូបស៊ុតនេះជួយបំបែកហ្សែនដែលបណ្ដាលឱ្យរាងកាយផ្ទុកជាតិខ្លាញ់នៅជុំវិញថ្លើមបានយ៉ាងល្អបំផុតផងដែរ។ តើពេលព្រឹកនេះ អ្នកហូបស៊ុតនៅ?

៣. ប្រើសកម្មភាពដុតខ្លាញ់ពេលព្រឹក៖ បើអ្នកធ្វើការសម្រេចចិត្តហាត់ប្រាណនៅពេលព្រឹក ដើម្បីសម្រកគីឡូ វាទំនងជាការលើកទឹកចិត្តដ៏ល្អមួយដែរ ដែលអ្នកអាចធ្វើទៅបាន។ តាមការសិក្សារបស់ Asian Journal of Sport Medicine កាលពីឆ្នាំ ២០១៥ បានបញ្ជាក់ថា ការហាត់ប្រាណនៅពេលព្រលឹមស្រាងៗ នាំឲ្យកើនឡើងការសប្បាយចិត្ត ច្រើនជាងហាត់នៅពេលរសៀល ហើយវាក៏ជួយដល់ការសម្រកគីឡូបានល្អថែមទៀត។ ដោយសារតែក្រោយពីគេងរយៈពេលយូរម៉ោងមកអ្នកមានអារម្មណ៍ស្រស់ស្រាយ ហើយមានកម្លាំងគ្រប់គ្រាន់ ដើម្បីធ្វើលំហាត់ប្រាណបានល្អ។ ហើយកម្រិតអ័រម៉ូនតេស្តូស្តេរ៉ូន ត្រូវបានកើនឡើងខ្ពស់នៅពេលព្រឹក ដើម្បីបង្កើតសាច់ដុំទេ ក៏ជួយរំលាយជាតិខ្លាញ់បានពេញមួយថ្ងៃទៀត និងសម្រកគីឡូបានលឿនផងដែរ។

៤. ពេលព្រឹកកាហ្វេដោយគ្មានជាតិស្ករ៖ បើផឹកកាហ្វេគ្មានស្ករពេលព្រឹកជួយរាងកាយអ្នកមានជាតិកាហ្វេអ៊ីនដើម្បីបង្កើនអត្រាមេតាប៉ូលីស ឆាប់ស្រកគីឡូ។ តាមការស្រាវជ្រាវពីសាកលវិទ្យាល័យ Boston សហរដ្ឋអាមេរិក បានសិក្សាពិនិត្យលើឥទ្ធិពលកាហ្វេទៅលើរាងកាយ ដោយបានតាមដានអ្នកផឹកកាហ្វេស្ម័គ្រចិត្ត១២៦នាក់នៅប្រទេសសិង្ហបុរី ភាគច្រើនជាអ្នកមានបញ្ហាធាត់ឬលើសគីឡូ។ រយៈពេល៦ខែក្រោយមក លទ្ធផលបានបញ្ជាក់ថា បុគ្គលទាំងនោះមានការស្រកគីឡូបានប្រហែល ៤% ជាអ្នកមានទម្លាប់ផឹកកាហ្វេ ៤ពែងក្នុងមួយថ្ងៃ បានដាក់ជាតិស្ករត្រឹមតែ ១០ឬ២០% និងគ្មានជាតស្ករសោះតែម្តង៕ អត្ថបទដោយ៖ ទ្រ សុភាព