បើយោងតាមគេហទំព័រ Vnexpress បានចុះផ្សាយថា សម្រាប់មនុស្សចាស់មានវ័យ ៥០ឆ្នាំមានហានិភ័យចំពោះជំងឺដាច់សរសៃឈាមខួរក្បាល ឬគ្រោះថ្នាក់សរសៃឈាមខួរក្បាល នៅអំឡុងពេលអាកាសធាតុត្រជាក់ ធ្វើឱ្យសរសៃឈាមរួមតូច សម្ពាធឈាមកើនឡើង ឈាមកាន់តែក្រាស់ និងងាយនឹងកកឈាម ដែលនាំឱ្យមានជំងឺដាច់សរសៃឈាមខួរក្បាលលឿន។ ពេលថ្ងៃក្តៅរសៀលក៏អាចបង្កើនអត្រានៃជំងឺដាច់សរសៃឈាមខួរក្បាលដែរ។

ពេលមនុស្សចាស់គួរហាត់ប្រាណនៅចន្លោះម៉ោង ៧ ដល់ ៩ ព្រឹក ឬពេលរសៀលជាពេលសីតុណ្ហភាពចុះកម្តៅជាពិសេសនៅម៉ោង ៥ឬម៉ោង៦ល្ងាចនេះឯងល្អសម្រាប់សុខភាព។ ដើម្បីការពារជំងឺដាច់សរសៃឈាមមនុស្សចាស់ មុនពេលចេញទៅហាត់ប្រាណគាត់គួរតែកម្តៅសាច់ដុំ និងដកដង្ហើមមួយៗ ដើម្បីសម្រួលចរន្តឈាម និងកាត់បន្ថយហានិភ័យការរឹងសាច់ដុំ ការរមួលក្រពើ និងរបួសប្រការណាមួយ។ ពេលហាត់ប្រាណមនុស្សចាស់ បើមានអាការៈហត់ខ្លាំង គួរសម្រាកសិន ហើយចាំបន្តហាត់ប្រាណបន្ថែមទៀត។ មនុស្សចាស់ ហាត់ប្រាណមួយថ្ងៃត្រឹម ៣០នាទីជួយពង្រឹងសុខភាពបានល្អណាស់។

ដូចច្នេះហើយ! មនុស្សចាស់គួរមានទម្លាប់មួយចំនួនក្នុងជីវិតប្រចាំថ្ងៃគឺសូមពិសារទឹកឱ្យបាន ៣ឬ៤លីត្រក្នុងមួយថ្ងៃ។ ហូបបន្លែ និងផ្លែឈើល្អចំពោះសុខភាព។ ហើយព្យាយាមគេងឱ្យបានគ្រប់គ្រាន់ ទើបធ្វើលំហាត់ប្រាណទៅ មានប្រសិទ្ធភាពល្អដល់សុខភាព មិនប៉ះពាល់ដល់ការដាច់សរសៃឈាមនោះទេ៕ អត្ថបទដោយ៖ ទ្រ សុភាព