វិន័យតឹងតែងបំផុតមួយដែលលោកមហាសេដ្ឋី Bill Gates បានដាក់ទៅលើកូនៗទាំង៣នាក់របស់គាត់នោះគឺការរស់នៅដោយធំធាត់ឡើងនៅក្នុងផ្ទះដែលមិនអនុញ្ញាតឱ្យប្រើប្រាស់ទូរស័ព្ទស្មាតហ្វូតជាដាច់ខាត រហូតដល់កូនទាំង៣នាក់របស់គាត់ មានវ័យចាប់ពី ១៤ឆ្នាំឡើងទៅ ទើបអាចមានសិទ្ធប្រើប្រាស់ស្មាតហ្វូនបាន។
មហាសេដ្ឋីវ័យ ៧០ឆ្នាំរូបនេះ បានបញ្ជាក់ថា "ការដែលក្មេងៗប្រើប្រាស់ស្មាតហ្វូន ឬក៏បច្ចេកវិទ្យាច្រើនខ្លាំងពេក នឹងធ្វើឱ្យគ្រោះថ្នាក់ដល់ខួរក្បាលរបស់ពួកគេ ហើយក្មេងដែលមានការញៀនជាមួយស្មាតហ្វូនខ្លាំង ពួកគេនឹងចំណាយពេលច្រើនអត់ប្រយោជន៍ ហើយការសិក្សាក៏ធ្លាក់ចុះ ជាពិសេសក្មេងៗនឹងមិនមានទំនាក់ទំនងល្អជាមួយអ្នកផ្សេងនោះឡើយ សូម្បីតែឪពុកម្តាយខ្លួនក៏ដោយ"។
យោងតាមលោកវេជ្ជបណ្ឌិត Thomas C. Chen អ្នកជំនាញខាងប្រព័ន្ធប្រសាទបានលើកឡើងថា នៅក្នុងរយៈពេលប៉ុន្មានឆ្នាំចុងក្រោយនេះ មានការសិក្សាជាច្រើនបានបង្ហាញអំពីផលប៉ះពាល់នៃវិទ្យុសកម្មទូរស័ព្ទដៃមកលើរាងកាយរបស់យើង។ ជាមួយគ្នានេះផងដែរមានការលើកឡើងថា កុមារដែលប្រើទូរស័ព្ទដៃច្រើនមានលទ្ធភាពកើតដុំសាច់នៅក្នុងខួរក្បាល ដែលករណីនេះមកពីកុមារទទួលផលប៉ះពាល់នៃធាតុវិទ្យុសកម្មហួសកម្រិតនេះឯង។ សូមកុំបណ្តោយក្មេងលេងទូរស័ព្ទច្រើនម៉ោងពេក សូមឪពុកម្តាយចំណាយពេលខ្លះលេងជាមួយកូនផងដែរ៕ អត្ថបទដោយ៖ ទ្រ សុភាព