នេះជាដំណឹងល្អ! សម្រាប់ស្រ្តីមានផ្ទៃពោះ ជាសមាជិក ប.ស.ស. (បុគ្គលស្វ័យនិយោជន៍) នឹងទទួលបានអត្ថប្រយោជន៍រួមមាន៖
១. ទទួលបានសេវាពិនិត្យ និងថែទាំ មុននិងក្រោយពេលសម្រាល
២. ទទួលបានសេវាសម្រាលកូនដោយឥតគិតថ្លៃនៅគ្រប់មន្ទីរពេទ្យដៃគូ ប.ស.ស.
៣. ទទួលបានប្រាក់បំណាច់មាតុភាព ចំនួន ១ ២៦០ ០០០រៀល។
ហើយដើម្បីទទួលបានប្រាក់បំណាច់មាតុភាព ក្រោយពេលសម្រាលកូនរួច សាមីខ្លួនត្រូវភ្ជាប់ឯកសារមក ប.ស.ស. រួមមានដូចខាងក្រោម៖
១. វេជ្ជបញ្ជាចេញពីមន្ទីរពេទ្យ, លិខិតបញ្ជាក់ថាបានសម្រាលកូន, ប័ណ្ណពិនិត្យសុខភាពកូន
២. លិខិតបញ្ជាក់(សំបុត្រកំណើត ឬសេចក្តីចំលងសំបុត្រកំណើត)
៣. អត្តសញ្ញាណប័ណ្ណសញ្ជាតិខ្មែរ ឬលិខិតឆ្លងដែន (ជនបរទេស) , ប័ណ្ណសមាជិក ប.ស.ស. (ច្បាប់ដើម និងកូពី មានផ្តិតមេដៃ)
៤. លេខទូរស័ព្ទសម្រាប់ទំនាក់ទំនង
៥. ប័ណ្ណគណនីធនាគារអេស៊ីលីដា ឬគណនីធនាគារកាណាឌីយ៉ា (ផ្ទាល់ខ្លួន)
៦. ទម្រង់បំពេញទាមទារប្រាក់បំណាច់ប្រចាំថ្ងៃ
៧. ប្រសិនបើការសម្រាលកូនធ្វើឡើងនៅមន្ទីរពេទ្យ ដែលមិនមែនជាដៃគូជាមួយ ប.ស.ស. សាមីខ្លួន ត្រូវភ្ជាប់ឯកសារតាមដានសុខភាពក្រោយសម្រាលនៅមន្ទីរពេទ្យដៃគូជាមួយ ប.ស.ស. ។
ចំណាំ៖ ដើម្បីទទួលបានប្រាក់បំណាច់មាតុភាពខាងលើ លុះត្រាតែលោកអ្នកបានបង់ភាគទានមក ប.ស.ស. បានយ៉ាងតិច ៩ខែក្នុងអំឡុងពេល ១២ខែចុងក្រោយគិតមកដល់ខែសម្រាលកូន។
➤ សម្រាប់ព័ត៌មានបន្ថែម សូមអញ្ជើញមកទីស្នាក់ការ ប.ស.ស. ដែលនៅជិតលោកអ្នកទូទាំងប្រទេស ឬទំនាក់ទំនងមកកាន់លេខ ១២៨៦ / ១២៩៧ ឬតាមរយៈប្រព័ន្ធផ្សព្វផ្សាយបណ្ដាញសង្គមរបស់យើង។ លក្ខខណ្ឌផ្សេងៗត្រូវបានអនុវត្ត៕