បើតាមបេឡាជាតិរបបសន្តិសុខសង្គម ដែលហៅកាត់ថា ប.ស.ស បានលើកឡើងថា តើសមាជិក ប.ស.ស. ជាស្ត្រីមានផ្ទៃពោះ ត្រូវភ្ជាប់ឯកសារអ្វីខ្លះ ដើម្បីដាក់ស្នើសុំប្រាក់ឧបត្ថម្ភរបស់រាជរដ្ឋាភិបាលនៅ ប.ស.ស. ពេលពិនិត្យផ្ទៃពោះ? សមាជិក ប.ស.ស. ជាស្ត្រីមានផ្ទៃពោះត្រូវអញ្ជើញមកកាន់ស្នាក់ការ/សាខាប.ស.ស. ខេត្ត/ខណ្ឌដែលនៅជិតបំផុតដើម្បីចុះឈ្មោះ ដោយត្រូវភ្ជាប់ឯកសារ ដូចខាងក្រោម៖
១. សៀវភៅសុខភាពមាតា ដែលបញ្ជាក់ពីអាយុគភ៌ដំបូងចេញដោយមន្ទីរពេទ្យរដ្ឋ
២. អត្តសញ្ញាណប័ណ្ណសញ្ជាតិខ្មែរមានសុពលភាព
៣. ប័ណ្ណសមាជិក ប.ស.ស.
៤. លេខគណនីធនាគារអេស៊ីលីដា ឬធនាគារកាណាឌីយ៉ាជាប្រាក់រៀល
៥. និងលេខទូរសព្ទ
បញ្ជាក់៖ សម្រាប់សមាជិក ប.ស.ស. ជាបុគ្គលស្វ័យនិយោជន៍ពុំទទួលបានប្រាក់ឧបត្ថម្ភនេះទេ។
សម្រាប់ព័ត៌មានបន្ថែម សូមទំនាក់ទំនងមកកាន់លេខ ១២៨៦ ឬតាមរយៈប្រព័ន្ធផ្សព្វផ្សាយបណ្តាញសង្គមរបស់យើង! លក្ខខណ្ឌផ្សេងៗត្រូវបានអនុវត្ត
