ពេលថ្មីៗ នេះ មានក្រុមវេជ្ជបណ្ឌិតឯកទេសរោគស្រ្តីនៃមន្ទីរពេទ្យ ហ្លួង ម៉ែ បានធ្វើការវះកាត់ករណី គីសដៃស្បូនយ៉ាងធំដែលមានទម្ងន់ ១០kg (១/៥ នៃទម្ងន់អ្នកជំងឺ) ជូនអ្នកជំងឺអាយុ ៤៤ឆ្នាំ ប្រកបដោយជោគជ័យ។ សូមមកធ្វើការប្រឹក្សាយោបល់ ជាមួយក្រុមគ្រូពេទ្យឯកទេសនៃមន្ទីរពេទ្យ​ ដើម្បីទទួលបានព័ត៌មានបន្ថែមសម្រាប់ការព្យាបាលឲ្យកាន់តែល្អប្រសើរ​ ។

 យោងតាមមន្ទីរពេទ្យកាល់ម៉ែតបានបញ្ជាក់ថា នេះរោគសញ្ញាគីសដៃស្បួនដែលអ្នកមិនគួរមើលរំលងទេមានដូចជា៖

១. ឈឺចាប់នៅអាងត្រគាក: មានអារម្មណ៍ឈឺចាប់រិលៗ ឬអាចរាលដាលដល់ខ្នងផ្នែកខាងក្រោម។

២. ឈឺចាប់ពេលមករដូវ ឬរួមដំណេក: អាការៈនេះអាចកើតឡើងមុនពេលមករដូវ ឬអំឡុងពេលរួមភេទ។៣. ចង្អោរ និងហើមពោះ: មានអារម្មណ៍ឆ្អែត ឬធ្ងន់ណែនក្នុងពោះ ទោះបីជាញ៉ាំតិចក៏ដោយ។

៤. នោមញឹក ឬពិបាកនោម: ដោយសារដុំគីសសង្កត់លើប្លោកនោម។

៥. ឈឺចាប់ខ្លាំងភ្លាមៗ: ក្នុងករណីធ្ងន់ធ្ងរ អាចមានការឈឺពោះខ្លាំង រួមជាមួយក្អួត និងក្តៅខ្លួន។

៦. ករណីភាគច្រើន ដុំគីសអាចលូតលាស់ដោយមិនមានរោគសញ្ញាច្បាស់លាស់។

ប្រសិនបើអ្នកមានរោគសញ្ញាដូចបានរៀបរាប់ខាងលើ សូមកុំមើលរំលង។ ត្រូវទៅពិគ្រោះជាមួយគ្រូពេទ្យឯកទេស​ដើម្បីធ្វើរោគវិនិច្ឆ័យ និងកំណត់ប្រភេទដុំគីសឱ្យបានត្រឹមត្រូវ ដើម្បីទទួលបានការព្យាបាលសមស្រប និងទាន់ពេលវេលា៕