អ្នកប្រាកដជាធ្លាប់ដឹងពីជម្ងឺស្ទះសរសៃឈាមបេះដូងរួចមកហើយ ព្រោះជម្ងឺនេះមិនមែនជាប្រភេទជម្ងឺឆ្លង ក៏ប៉ុន្តែមានប្រជាជនកម្ពុជាមិនតិចនាក់នោះទេ ដែលបានស្លាប់បាត់បង់ជីវិតដោយសារជម្ងឺនេះច្រើនដែរ។ ជំងឺនេះជាឃាតករលាក់មុខដ៏គ្រោះថ្នាក់ ដែលកើតឡើងពីការកកស្ទះខ្លាញ់ក្នុងសរសៃអាកទែ រារាំងឈាមទៅចិញ្ចឹមបេះដូង និងអាចបណ្តាលឱ្យគាំងបេះដូង ឬស្លាប់ភ្លាមៗ។
ចំពោះរោគសញ្ញាជំងឺនេះមានដូចជាឈឺទ្រូង ហត់ដង្ហក់ វិលមុខ ឬបែកញើសត្រជាក់ និងជួនកាលមានអាការដូចអ្នកកើតរោគក្រពះ ដូចជារកក្អួត ឈឺក្បាល អស់កម្លាំងល្ហិតល្ហៃ...។ ចំពោះជំងឺស្ទុះសរសៃឈាមមានកត្តាធំៗ ទាំងនេះ៖
១. ការជក់បារី ៖ ការជក់បារី និងអ្នកដែលត្រូវផ្សែងបារីញឹកញាប់ អាចធ្វើឲ្យខូចខាតសរសៃអាកទែផ្នែកខាងក្នុង ។ សរសៃឈាមដែលខូចខាតបានប្រែជារួមតូចខុសធម្មតា ហើយលំហូរឈាមទៅកាន់បេះដូងក៏ថយចុះខុសធម្មតា និងអាចអាយឲ្យមានកំណកឈាមផងដែរ។
២. វ័យកាន់តែចាស់៖ ពេលអ្នកវ័យកាន់តែចាស់ កាន់តែមានហានិភ័យកើតមានជំងឺបេះដូងនិងស្ទះសរសៃឈាមចិញ្ចឹមបេះដូង។ ចំពោះប្រុសចាប់ពីអាយុ ៤៥ឆ្នាំ និងមនុស្សស្រីមានអាយុ ៥៥ឆ្នាំ មានហានិភ័យចំពោះជំងឺស្ទះសរសៃឈាមខ្លាំងឡើង។
៣. អ្នកលើសជាតិខ្លាញ់ Triglyceride ៖ Triglyceride ជាប្រភេទខ្លាញ់ដែលអាចសល់នៅក្នុងចរន្ដឈាម ហើយអាចធ្វើឲ្យស្ទះសរសៃបេះដូងបានផងដែរ ។
៤. កង្វះលំហាត់ប្រាណ៖ អ្នកដែលមិនធ្វើលំហាត់ប្រាណ ឫប្រកបរបរនៅនឹងមួយកន្លែងយូរម៉ោង ពិសេសការងារការិយាល័យ។
បើអ្នកមានរោគសញ្ញា និងកត្តាគ្រោះថ្នាក់ដូចបានរៀបរាប់ខាងលើនេះ សូមមកពិគ្រោះជាមួយគ្រូពេទ្យឯកទេសជំងឺបេះដូង ដើម្បីស្វែងរកវិធីសាស្ត្រការពារ និងព្យាបាលទាន់ពេលវេលា ដើម្បីកាត់បន្ថយការស្លាប់ និងពិការភាពដែលបណ្តាលមកពីជំងឺស្ទះសរសៃឈាមបេះដូង ដែលជាឃាតករស្ងប់ស្ងាត់បំផុត៕ អត្ថបទដោយ៖ ទ្រ សុភាព