តាមUNICEF Cambodia - ដើម្បីកុមារគ្រប់រូប បានលើកឡើងថានៅពេលសីតុណ្ហភាពខាងក្រៅឡើងដល់ ៣៥°C ឬលើសពីនេះ ពិសេសក្នុងអំឡុងពេលមានរលកកម្ដៅ កុមារដែលនៅខាងក្រៅផ្ទះ ក្រៅម្លប់ អាចនឹងប្រឈមខ្ពស់ទៅនឹងកម្តៅ ដែលអាចបណ្ដាលឱ្យកើតមាន ការរងផលប៉ះពាល់ដោយសារកម្តៅ (Heat stress)។
ការរងផលប៉ះពាល់ដោយសារកម្តៅ (Heat stress) កើតឡើងនៅពេលដែលរាងកាយមិនអាច បញ្ចះកម្តៅបាន ហើយការចេញញើសពុំមានប្រសិទ្ធភាព ពិសេសក្នុងបរិយាកាសមានសំណើមខ្លាំង (ក្តៅសើម) ឬនៅពេលធ្វើសកម្មភាព។
ទារក កុមារតូចៗ ស្ត្រីមានផ្ទៃពោះ និងមនុស្សចាស់ គឺជាក្រុមដែលងាយរងគ្រោះបំផុត។ សូមរកមើលសញ្ញាទាំងនេះ និងស្វែងរកការថែទាំបន្ទាន់ ឬពិគ្រោះជាមួយគ្រូពេទ្យ បើមានសញ្ញាទាំងនេះ៕
