តម្រងនោមជួយគ្រប់គ្រងលើបរិមាណសារធាតុរាវ តុល្យភាពអេឡិចត្រូលីត និងមានមុខងារក្នុងការច្រោះកាកសំណល់ចេញពីឈាមផងដែរ។ ហើយថ្លើមមានមុខងារជួយបន្សាបជាតិពុល ការសំយោគប្រូតេអ៊ីន និងការផលិតសារធាតុគីមីជីវសាស្ត្រដែលចាំបាច់សម្រាប់រំលាយអាហារ។ ដើម្បីឱ្យតម្រងនោម និងថ្លើមមានសុខភាព អ្នកគួរហូបផ្លែឈើទាំង ៣នេះ៖
១. អ្នកហូបក្រូចជួយថ្លើម និងតម្រងនោមបានល្អណាស់។ យោងតាមគេហទំព័រ Timesofindia បញ្ជាក់ថាជាតិអាស៊ីតក្រូចឆ្មាជួយការពារគ្រួសក្នុងតម្រងនោម បង្កើនការនោមញឹកញាប់ និងបណ្តេញជាតិពុលចេញពីរាងកាយផងដែរ។ ហើយក្រូចឆ្មារក៏សម្បូរទៅដោយវីតាមីន C និងសារធាតុប្រឆាំងអុកស៊ីតកម្មជួយជម្រុញការបន្សាបជាតិពុលនៅក្នុងថ្លើមបានយ៉ាងល្អ។ បើអ្នកណាមានបញ្ហាសុខភាពដូចជាឈឺក្រពះ និងមានបញ្ហាតម្រងនោមហើយនោះ សូមកុំហូបក្រូចអី។
២. ហូបផ្លែម្នាស់ក៏ល្អដល់សុខភាពតម្រងនោម និងថ្លើមដែរ។ ព្រោះផ្លែម្នាស់មានសារធាតុផូស្វ័រ ប៉ូតាស្យូម និងសូដ្យូមទាបជាងផ្លែក្រូចបន្តិច។ តែផ្លែម្នាស់សម្បូរជាតិសរសៃ វីតាមីនA និងថែមទាំងមានសារធាតុ Bromelain ជាអង់ស៊ីមដែលអាចជួយកាត់បន្ថយការរលាក និងរំលាយក្រួសក្នុងតម្រងនោមផងដែរ។ អ្នកហូបផ្លែម្នាស់ជួយកាត់បន្ថយកម្រិតកូឡេស្តេរ៉ុល និងទ្រីគ្លីសេរីក្នុងឈាមជាកត្តាចម្បងបង្កឱ្យថ្លើមសម្បូរជាតិខ្លាញ់កើនឡើង។ ចូរអ្នកម្នាស់ពេលហូបបាយរួច កុំឱ្យវាប៉ះពាល់ដល់ក្រពះ។
៣. អ្នកចូលចិត្តហូបផ្លែប៉ោមពិតជាផ្តល់អត្ថប្រយោជន៍យ៉ាងច្រើនដល់សុខភាពតម្រងនោម និងថ្លើមដោយសារវាមានផ្ទុកសារធាតុចិញ្ចឹមសំខាន់ៗដូចជា ជាតិសរសៃ (Fiber) វីតាមីន និងសារធាតុប្រឆាំងអុកស៊ីតកម្ម។ ហើយចំពោះផ្លែប៉ោមក៏មានសារធាតុ Pectin ដើម្បីបន្សាបជាតិពុលនៅក្នុងប្រព័ន្ធរំលាយអាហារ និងគាំទ្រដល់មុខងារថ្លើមបានយ៉ាងល្អ។ អ្នកហូបផ្លែប៉ោមរាល់ថ្ងៃនោះ វាពិតជាជួយកាត់បន្ថយជំងឺថ្លើម និងខូចតម្រងនោមបានល្អបំផុត៕ អត្ថបទដោយ៖ ទ្រ សុភាព