អត្រាមរណៈបង្កដោយជំងឺមហារីក ធ្វើឱ្យពលរដ្ឋកម្ពុជាស្លាប់ជិត១,៤ម៉ឺននាក់ក្នុងមួយឆ្នាំ គឺស្មើនឹងអត្រាខ្ពស់ លើស៧០ភាគរយ។ បើតាមលោកវេជ្ជបណ្ឌិត ឈាង រ៉ា នេះក៏ព្រោះតែអត្រាជាមធ្យមនៅលើពិភពលោក គឺត្រឹម៤៨%។ អត្រាមរណភាពដោយជំងឺមហារីកនេះមានន័យថា “មានមនុស្សស្លាប់ម្នាក់ដោយសារជំងឺមហារីក ជារៀងរាល់៤០នាទីម្តងនៅកម្ពុជា ឬប្រមាណ៣៨នាក់ក្នុង មួយថ្ងៃ”។
នៅថ្ងៃឱកាសពិសេសនេះដែរ មន្ទីរពេទ្យ ហ្លួង ម៉ែ បានចេញសេចក្តីជូនដំណឹងស្តីពីការពិនិត្យស្វែងរកជំងឺមហារីកមាត់ស្បូន ជូនដល់បងប្អូនស្ត្រី ដោយឥតគិតថ្លៃ។ ដោយមន្ទីរពេទ្យ ហ្លួង ម៉ែ បានសហការជាមួយអង្គការនរទេពនឹងផ្តល់ជូនការពិនិត្យស្វែងរកជំងឺមហារីកមាត់ស្បូនដល់បងប្អូន ស្រ្តី ដែលមានអាយុចាប់ពី២១ឆ្នាំដល់អាយុ ៦៥ឆ្នាំដោយមិនគិតថ្លៃនោះទេ។
