មានមនុស្សជាច្រើនបានស្លាប់បាត់បង់ជីវីតដោយសារតែជំងឺដាច់សរសៃឈាមខួរក្បាលនេះ។ ដោយសារតែជំងឺនេះ អាចកើតឡើងភ្លាមៗធ្វើឱ្យយើងពិបាកការពារទុកជាមុន។ សម្រាប់មូលហេតុសំខាន់ដែលនាំឱ្យកើតជំងឺដាច់សសៃឈាមខួរក្បាលនេះ គឺបណ្តាលមកពីកើតជំងឺលើសឈាម និងរួមផ្សំអ្នកដែលចូលចិត្តផឹកស្រា និងជក់បារីច្រើន ដែលងាយនឹងកើតជំងឺដាច់សសៃឈាមខួរក្បាល។ តាមមន្ទីរពេទ្យកាល់ម៉ែតបានសួរថា តើរោគសញ្ញានៃជំងឺគ្រោះថ្នាក់សរសៃឈាមខួរក្បាល ( Stroke)មានអ្វីខ្លះ?មានរោគសញ្ញាសំខាន់ៗ ដូចជា៖
១. ពិបាកនិយាយភ្លាមៗ ឬនិយាយមិនបាន
២. ទន់ដៃ ជើង មួយចំហៀងភ្លាមៗ (ពាក្យខ្មែរយើងថាស្លាប់មួយចំហៀងខ្លួន)
៣. វៀចមុខភ្លាមៗ
៤. វិលមុខ ឬមិនអាចទប់លំនឹងខ្លួនបាន
៥. ឈឺក្បាលខ្លាំង ភ្លាមៗ
៦. មានសភាពខ្សោយនៃការកំរើកសាច់ដុំ
សូមបញ្ជូនអ្នកជំងឺមកកាន់មន្ទីរពេទ្យអោយបានលឿនភ្លាមៗ( ក្រោម ៤ ម៉ោង) ដើម្បីទទួលការព្យាបាលទំនើបចុងក្រោយ ដែលអាចជួយអោយអត្រាជាសះស្បើយមានកំរិតខ្ពស់ ពិសេសករណីស្ទះសរសៃឈាមខួរក្បាល។ថ្នាក់សរសៃរឈាមខួរក្បាលបំផ្លាញអនាគតអ្នក ឬក៏ក្រុមគ្រួសារអ្នក៕ អត្ថបទដោយ៖ ទ្រ សុភាព