បុរសមានហានិភ័យណាស់ បើរស់នៅមានទម្លាប់អាក្រក់ច្រើននោះ។ ដូចជាទម្លាប់ផឹកស្រា មិនត្រឹមខូចខួរក្បាលនោះទេ នាំឱ្យស្វិតលិង្គថែមទៀត។ តាមលោកវេជ្ជបណ្ឌិត Nguyen Dinh Lien ជាប្រធាននាយកដ្ឋាននៅ Urology and Andrology បានលើកឡើងថា អ្នកផឹកស្រាជាប្រចាំថ្ងៃនាំឱ្យងាប់លិង្គ ហៅថា លិង្គខ្សោយអសមត្ថភាពរួមភេទ ហើយនាំឱ្យលិង្គរួមតូចលឿនផងដែរ។ មកពីស្រាបៀរមានផ្ទុកសារធាតុ Ethanol ដែលនៅពេលចូលទៅក្នុងរាងកាយវានឹងបំប្លែងទៅជា acetaldehyde ជាសារធាតុពុលខ្លាំង។ ពេលអ្នកបន្តផឹកស្រារហូត សារធាតុ Acetaldehyde បង្កឱ្យមានភាពតានតឹងអុកស៊ីតកម្ម បំផ្លាញភ្នាសកោសិកា ប៉ះពាល់ដល់DNA និងប៉ះពាល់ដល់មុខងារសរីរាង្គរួមទាំងប្រព័ន្ធបន្តពូជបុរសឱ្យតូចឬស្វិត។ នេះជាទម្លាប់មួយ នាំបញ្ហាដល់បុរសអាយុច្រើន ចុះកម្លាំងខ្សោយលឿនផងដែរ។
យោងតាមរយៈគេហទំព័រ www.ncbi.nlm.nih បានបញ្ជាក់ឱ្យដឹងថា ការផឹកស្រាច្រើនមិនល្អសម្រាប់សុខភាពរបស់អ្នកនោះទេ បុរសៗគឺងាយនឹងប្រឈមគ្រោះថ្នាក់កើតជំងឺបំផ្លាញជីវិតច្រើនណាស់។ ជាក់ស្ដែងប្រភពដដែលបានបន្តថា បុរសៗដែលផឹកស្រាច្រើនបរិមាណជាប្រចាំថ្ងៃរាប់ខែរាប់ឆ្នាំ អាចនឹងប្រឈមខ្សោយផ្លូវភេទ ពិបាកក្នុងការឡើងរឹងនៃលិង្គ(ងាប់លិង្គ) បុរសៗនឹងពិបាកឈានដល់ចំណុចកំពូលពេលរួមភេទ ដោយសារជាតិអាល់កុលបានទៅរំញោចប៉ះពាល់ដល់អារម្មណ៍ផ្លូវភេទ។ មួយវិញទៀតបុរសផឹកស្រាច្រើនអាចនឹងពិបាកក្នុងការបាញ់ទឹកកាមចេញមកក្រៅពេលរួមភេទឬមួយក៏ឆាប់ចេញទឹកកាមលឿនខ្លាំងជាងធម្មតា។ កាន់តែហានិភ័យជាងនេះ គេបានឱ្យដឹងថា ការផឹកស្រាច្រើន គឹធ្វើឱ្យលិង្គបុរសរួមតូច(ស្វិត) បង្កជាផលប៉ះពាល់ដល់ការផលិតមេជីវិតឈ្មោល។
ដូច្នេះហើយ! បុរសគួរកាត់បន្ថយផឹកស្រា កែខ្លួនមកហាត់ប្រាណ ហូបអាហារល្អៗ និងគេងឱ្យបានគ្រប់គ្រាន់ នាំឱ្យអ្នករួមភេទបានយូរ និងកម្លាំងកាន់តែខ្លាំងផងដែរ។ សំខាន់តិចទិចក្នុងការរួមភេទជាមួយដៃគូ និងការយល់ចិត្តគ្នាផងដែរ៕ អត្ថបទដោយ៖ ទ្រ សុភាព