សព្វថ្ងៃនេះ មនុស្សភាគច្រើនចូលចិត្តផឹកគ្រឿងកំប៉ុង និងអាហាររហ័សនាំឱ្យមានបញ្ហាលើសឈាម និងមហារីកសួត។ យោងតាមការបង្ហោះនៅលើហ្វេសប៊ុកពីអ្នកជំនាញអាហារូបត្ថម្ភតៃវ៉ាន់ គឺលោក Tsang Kin-ming បានណែនាំឱ្យអ្នកហូបខ្ទឹមសជួយសម្អាតសរសៃឈាម។ ព្រោះខ្ទឹមសមានជាតិកាអាលីស៊ីនដ៏ច្រើនជួយកាត់បន្ថយកូឡេស្តេរ៉ុលសរុបពី 13-20 មីលីក្រាម/ដេស៊ីលីត្រ និងកូឡេស្តេរ៉ុលអាក្រក់ (LDL-C) ពី 7-16 មីលីក្រាម/ដេស៊ីលីត្រ។ ពេលអ្នកហូបខ្ទឹមសអាចជួយគ្រប់គ្រងកម្រិតជាតិស្ករក្នុងឈាម។ វាមានលក្ខណៈសម្បត្តិជាឱសថក្នុងការទប់ស្កាត់ឬកាត់បន្ថយផលប៉ះពាល់មួយចំនួននៃផលវិបាករបស់ជំងឺទឹកនោមផ្អែមបានយ៉ាងល្អផងដែរ។
តាមការស្រាវជ្រាវក្រុមអ្នកវិទ្យាសាស្ត្របង្ការជំងឺប្រចាំខេត្តជាំងស៊ូនៅប្រទេសចិនបានបង្ហាញថា អ្នកមើមខ្ទឹមសឆៅទៀងទាត់២ដងក្នុងមួយសប្តាហ៍អាចកាត់បន្ថយអត្រាប្រឈមនឹងជំងឺមហារីកសួតបាន៤៤%។ ចំពោះអ្នកជក់បារីវិញដែលនិយមខ្ទឹមសក៏អាចកាត់បន្ថយអត្រាប្រឈម៣៣%ថែមទៀត។ ព្រោះខ្ទឹមសមានសមត្ថភាពជួយទប់ស្កាត់មហារីកពោះវៀនធំ និងបំបាត់ការពុលអាហារបានល្អ។
ការញ៉ាំខ្ទឹមស បានផ្ដល់គុណប្រយោជន៍ច្រើនចំពោះសុខភាព ប៉ុន្តែវាមិនគួរប្រើប្រាស់ ជាឱសថដើម្បីគ្រប់គ្រងសម្ពាធឈាម និងការពារជំងឺមហារីកដែរ។ ដើម្បីគ្រប់គ្រងសម្ពាធឈាមបានល្អជួយអ្នកចាំបាច់ត្រូវធ្វើរឿងច្រើនក្នុងពេលតែមួយ។ រឿងទាំងនោះរួមមាន អ្នកត្រូវឈប់ជក់បារី កាត់បន្ថយការផឹកស្រា ទម្លាប់ញ៉ាំអាហារសុខភាព រួមមានបន្លែ ផ្លែឈើ សាច់ត្រី និងគ្រាប់ធញ្ញជាតិ ហាត់ប្រាណឲ្យបានទៀតទាត់ គេងឲ្យបានគ្រប់គ្រាន់ កាត់បន្ថយអារម្មណ៍ស្រ្តេស និងរក្សាតុល្យភាពទម្ងន់រាងកាយជាដើម ៕ អត្ថបទដោយ៖ ទ្រ សុភាព