ពេលអ្នកហូបផ្លែឈើល្អ សុខភាពរបស់អ្នកក៏រឹងមាំដែរ។ បើយោងតាមអង្គការសុខភាពពិភពលោកបានបញ្ជាក់ថា អ្នកញាំបន្លែ និងផ្លែឈើ ៤០០ក្រាមក្នុងមួយថ្ងៃជួយកាត់បន្ថយហានិភ័យជំងឺច្រើនណាស់។ អ្នកញ៉ាំផ្លែឈើខ្មែរទាំង ៥នេះ ជួយដុតជាតិខ្លាញ់បានល្អ។
១. ផ្លែឪឡឹកមានផ្ទុកជាតិទឹក៩០% ជាផ្លែឈើល្អសម្រាប់អ្នកមានក្តីស្រមៃមានរាងស្អាតក្នុងការសម្រកគីឡូជាដើម។ ព្រោះផ្លែឪឡឹមដែលមានទម្ងន់ ១០០ ក្រាមមានត្រឹមតែ៣០កាឡូរី ហើយក៏ជាប្រភព amino អាស៊ីដដែលអាចជួយក្នុងការដុតបំផ្លាញជាតិខ្លាញ់បានរហ័ស និងជួយរក្សាជាតិទឹកក្នុងខ្លួនបានល្អ។
២. អ្នកចូលចិត្តហូបផ្លែត្របែកជួយសម្រកគីឡូបានយ៉ាងមានប្រសិទ្ធភាពដោយសារវាមានកាឡូរីទាប។ ប៉ុន្តែវាមានជាតិសរសៃខ្ពស់ក្នុងការជួយឱ្យអារម្មណ៍អ្នកឆ្អែតបានយូរ កាត់បន្ថយចំណង់អាហារ និងជួយដុតបំផ្លាញខ្លាញ់បានលឿនជាងពេលធម្មតា។ ការញ៉ាំត្របែករាល់ថ្ងៃ មិនត្រឹមតែជួយសម្រកគីឡូទេ តែថែមទាំងជួយដល់ប្រព័ន្ធរំលាយអាហារទៀតផង។
៣. ផ្លែចេកមានសារធាតុចិញ្ចឹមច្រើនសម្រាប់អ្នកហាត់ប្រាណ និងអ្នកសម្រកគីឡូ មកពីផ្លែចេកអាចធ្វើឱ្យអ្នកឆ្អែតបានយូរ។ ហើយវាមានផ្ទុកទៅដោយប៉ូតាស្យូម ម៉ាញេស្យូម សារធាតុប្រឆាំងអុកស៊ីតកម្ម និងមានជាតិសរសៃ ដើម្បីសម្រួលដល់ពោះវៀន និងកម្ចាត់ជាតិខ្លាញ់ផងដែរ។
៤. សម្រាប់ផ្លែទៀបក៏សម្បូរទៅដោយសារធាតុទង់ដែង និងជាតិសរសៃ ជាសារធាតុពង្រឹងប្រព័ន្ធរំលាយអាហារ និងរំលាយខ្លាញ់ចេញរាងកាយយ៉ាងសន្សឹមៗ ផងដែរ។ ផ្លែទៀបជួយសម្រួលដល់ការរំលាយអាហារ ដោយធ្វើឱ្យលាមកទន់ និងការបន្ទោបង់ស្រួលផងដែរ។
៥. ដំឡូងបារាំងមានជាតិសរសៃច្រើន ប៉ូតាស្យូម វីតាមីន A សម្រកគីឡូ និងការពារជំងឺផងដែរ។ លើសពីនេះ នៅពេលយប់ ការរំលាយអាហាររបស់រាងកាយមានកម្រិតទាប ដូច្នេះការញ៉ាំដំឡូងបារាំងពិបាករំលាយ និងនាំឱ្យគេងមិនលក់៕ អត្ថបទដោយ៖ ទ្រ សុភាព