អ្វីដែលអ្នកហូបជាប្រចាំថ្ងៃជាអ្នកកំណត់វាសនាសុខភាពរបស់អ្នក គឺមានន័យថាមានជំងឺ ឬគ្មានជំងឺ។ ដូចជាករណីអ្នកហូបមីរាល់ថ្ងៃ ផឹកស្រារាល់ថ្ងៃ និងគេងអត់គ្រប់ជាប្រចាំនោះ មិនយូរទេ! អ្នកនឹងនាំជំងឺលើសឈាម និងទឹកនោមផ្អែមដាក់ខ្លួនជាមិនខានទេ។ យោងតាមគេហទំព័រ denverhealthmedicalplan បានលើកឡើងថា អ្នកគួរញ៉ាំអាហារទាំង ៤នេះជួយដើម្បីការពារជំងឺមហារីក៖
១. បន្លែស្ពៃក្តោប៖ ជាបន្លែដ៏មានឥទ្ធិពលមួយក្នុងការកែប្រែអរម៉ូនរបស់មនុស្ស ធ្វើឱ្យប្រព័ន្ធបន្សាបជាតិពុលចេញពីរាងកាយ និងរារាំងការលូតលាស់នៃកោសិកាមហារីក។ ព្រោះបន្លែស្ពៃក្តោបមានគុណសម្បត្តិប្រឆាំងជំងឺមហារីកបានល្អជាងគេ។
២. សាឡាដជាបន្លែមួយដែលសម្បូរជាតិសរសៃក្នុងការជួយសម្រួលដល់ការបន្ទោរបង់ ជួយកាត់បន្ថយល្បឿនបំប្លែងអាហារដែលធ្វើឱ្យយើងឆ្អែតបានយូរ ដើម្បីសម្រកគីឡូផងដែរ។ សម្រាប់បន្លែស្លឹកបៃតងនេះក៏សម្បូរទៅដោយវីតាមីន B-folate សំខាន់ៗ បូករួមទាំងសារធាតុ lutein និង zeaxanthin ដើម្បីការពារភ្នែកពីការខូចខាតដោយពន្លឺ។ ហើយបន្លែនេះក៏មានវីតាមីនជាសាធាតុប្រឆាំងអុកស៊ីតកម្មដែលល្អចំពោះសុខភាពស្បែក និងជួយការពារពីជំងឺមហារីកសួតផងដែរ។
៣. ផ្លែទទឹមជាផ្លែឈើពិសេសមួយដែលមានផ្ទុកជាតិទឹកជាមួយរសជាតិផ្អែម និងជូរអែម។ ហើយមានសារធាតុ phytochemical ដែលមានសមត្ថភាពប្រឆាំងនឹងជំងឺមហារីក ការពារបេះដូង និងសុខភាពខួរក្បាលយ៉ាងល្អផងដែរ។
៤. សណ្តែកជាអាហារជួយទ្រទ្រង់សុខភាពស្បូន ថែមទាំងជួយការពារប្រព័ន្ធសម្លាប់មេរោគក្នុងរាងកាយ ហើយលើសពីនេះក៏មានចំណែកកាត់បន្ថយការផ្សងនឹងជំងឺមហារីកស្បូន ។ នៅក្នុងសណ្ដែកខ្មៅមានសារធាតុ Selenium ដែលមានសមតុលក្នុងថ្លើមជួយបណ្ដេញជាតិពុល ដែលបង្កឱ្យកើតកោសិកាមហារីក។ បើទទួលទានសណ្ដែកខ្មៅជាប្រចាំ នឹងជួយការពារមហារីកថ្លើមបានយ៉ាងល្អបំផុត៕ អត្ថបទដោយ៖ ទ្រ សុភាព