១. គូស្នេហ៍គួរមានពេលវេលារស់នៅផ្ទាល់ខ្លួន សម្រាប់ក្តីសុខខ្លួនឯង។ ឯករាជ្យភាពខ្លះមានពេលសម្រាប់ខ្លួនឯង វាជួយអ្នកមានសុខភាពល្អសម្រាប់ផ្លូវចិត្ត នេះជាវិធីមួយដ៏ល្អបំផុតដើម្បីបង្កើតទំនុកចិត្តលើខ្លួនឯង និងដៃគូ។ អ្នកគួរចាយពេលអានសៀវភៅម្នាក់ឯង រត់ហាត់ប្រាណម្នាក់ឯង(ដៃគូអាចរត់ជាមួយគ្នា) ទៅហាងកាហ្វេម្នាក់ឯង និងចំណាយពេលវេលាគិតម្នាក់ឯង គេហៅ យកពេលសាកថ្មផ្លូវចិត្តរបស់បុគ្គលឱ្យមានថាមពល។

២. អ្នកគួរចំណាយពេលទៅគោរពសាសនាជាមួយគ្នា។ ជាពិសេសនៅចុងសប្តាហ៍គួរអ្នកមានពេលវេលាច្រើនជាមួយដៃគូ ការធ្វើបែបនេះ នាំឱ្យចំណងក្តីស្នេហ៍កាន់តែកក់ក្តៅ និងកើនក្តីស្រឡាញ់។ ឬមួយអ្នកគួរទៅហាងកាហ្វេក៏បានដែរ ដើម្បីរឹងចំណងក្តីស្រឡាញ់ជាមួយគ្នាដោយចំណាយពេលវេលាត្រឹមតែ ៣០នាទីក៏បានដែរ។

៣. ការនិយាយដោយបើកចំហអំពីអារម្មណ៍ចំពោះគ្នា កាន់តែសន្សំក្តីស្រឡាញ់កាន់តែច្រើនឡើង។ ពេលខ្លះអ្នកអាចនិយាយថា ថ្ងៃនេះ! ខ្ញុំមានអារម្មណ៍ថា... ការនិយាយបើកបីអារម្មណ៍ ធ្វើឱ្យដៃគូឆាប់យល់ពីគ្នា។ បើយើងលាក់បាំងរឿងលំបាកៗ ពីព្រោះយើងមិនចង់ឱ្យអ្នកដទៃព្រួយបារម្ភ ឬវិនិច្ឆ័យយើង។ ប៉ុន្តែកម្លាំងផ្លូវចិត្តក្នុងការទំនាក់ទំនង គូស្នេហ៍ធ្វើឱ្យមានសុវត្ថិភាពផ្លូវចិត្តសម្រាប់ដៃគូរបស់អ្នក។ ការចែករំលែកអារម្មណ៍រីករាយដូចជាអារម្មណ៍រំភើប និងមានក្តីសង្ឃឹម ធ្វើឱ្យដៃគូស្នេហ៍ជួយពង្រឹងស្មារតីក្តីស្រឡាញ់កាន់តែមូល។

៤. អ្នកគួរបង្កើតកន្លែងមួយ សម្រាប់ពេលវេលាដ៏មានគុណភាពជាមួយគូស្នេហ៍ដើម្បីបង្កើតក្តីស្រឡាញ់ដូចជាកន្លែងញ៉ាំអាហារ  ដើរលេងក្នុងឧទ្យានជាមួយគ្នា និងធ្វើការលើគម្រោងកែលម្អផ្ទះជាមួយគ្នានៅពេលអនាគតផងដែរ។ អ្វីដែលសំខាន់គឺការផ្តល់អាទិភាព និងផ្តល់ការយកចិត្តទុកដាក់ទាំងស្រុងដល់គ្នាទៅវិញទៅមកនេះឯង។

៥. ពួកគេបង្ហាញពីការដឹងគុណដោយស្មោះចំពោះគ្នា។ អ្នកកុំមើលងាយពាក្យអរគុណបន្តិចបន្តួចនេះ ការពិត! វាមានតម្លៃណាស់សម្រាប់ដៃគូ គ្រាន់តែដៃហុចនំមួយឱ្យអ្នក ហើយអ្នកអរគុណគាត់នោះ វាធ្វើឱ្យចិត្តដៃគូរបស់អ្នកទទួលបានក្តីសុខ និងក្តីស្រឡាញ់ចេញពីពាក្យអរគុណនេះឯង។ ការសរសើរតិចតួច និងពាក្យថ្លែងអំណរគុណជួយបង្កើតអារម្មណ៍សុវត្ថិភាព និងជាគន្លឹះនៃការជឿទុកចិត្តយូរអង្វែងជាមួយគូស្នេហ៍ផងដែរ៕ អត្ថបទដោយ៖ ទ្រ សុភាព