ចិត្តជាគ្រឹះនៃជីវិត។ ពេលផ្លូវចិត្តរបស់អ្នកមានបញ្ហានឹងអ្វីមួយហើយ វាប៉ះនឹងកិច្ចការជាច្រើនដូចជាបញ្ហាគ្រួសារ បញ្ហាការងារ និងរកស៊ី នាំឱ្យចំណូលធ្លាក់ចុះផងដែរ។ អ្នកសាកស្រមៃបន្តិចមើលថា ពេលផ្លូវចិត្តអ្នកមានក្តីសុខវិញនោះ អ្នកធ្វើកិច្ចការក៏បានសម្រេចដែរ។ នេះជាគំនិតទាំង ១០ពីព្រះពុទ្ធជួយខួរក្បាលស្ងប់ មានកម្លាំងចិត្ត។
១. បុគ្គលណាចងសេចក្តីក្រោធខឹងទុកក្នុងចិត្តទៅលើអ្វីមួយហើយ កម្មពៀរនោះមិនបានធ្វើអោយមានសេចក្តីស្ងប់រម្ងាប់បានឡើយ។ បើបុគ្គលណាមិនប្រកាន់នឹងសេចក្តីក្រោធខឹងនេះទៅលើបុគ្គលណាមួយហើយ កម្មពៀរនោះនឹងស្ងប់រម្ងាប់បាន។
២. បើបុគ្គលណាមានចិត្តទោស:ដឹកនាំហើយ ទោះជានិយាយក្តី ធ្វើក្តី អំពើនោះរមែងជាសេចក្តីទុក្ខដែលតាមជាប់ដូចជាកង់រទេះវិលតាមស្នាមជើងគោអូសនឹមដូច្នេះ។
៣. គ្មានសេចក្តីសង្ឃឹមឯណាកើតឡើងដោយសារពាក្យសម្តី និងពីការហាត់រៀនដូចតាបសនោះទេ។ តែសេចក្តីសង្ឃឹមកើតមាននៅក្នុងក្តីមេត្តាចំពោះមនុស្សលោកទាំងឡាយ។
៤. គ្មានសុខអ្វីស្មើនឹងសេចក្តីស្ងប់ឡើយ។
៥. បុគ្គលដែលធ្វើតាមអារម្មណ៏មិនបានគិតពិចារណា ខ្ចិលច្រអូស និងមានការព្យាយាមអន់ថយ វាប្រៀបដូចជាវាយោបក់បោករំលើងនូវដើមឈើដែលគ្មានឫសកែវដូច្នោះ។
៦. សត្រូវដ៏អាក្រក់បំផុតរបស់អ្នកមិនអាចធ្វើឲអ្នកមានគ្រោះថ្នាក់ជាងគំនិតច្របូកច្របល់របស់អ្នកឡើយ។
៧. ដើម្បីអស់នៃសេចក្តីទុក្ខត្រូវបញ្ឃប់ភាពលោភលន់ ពីព្រោះភាពលោភនល់ គឺជាប្រភពនៃសេចក្តីទុក្ខ។
៨. បុគ្គលគួរគោរពពេលវេលាឲទៅជាប្រយោជន៍ តិចឬច្រើន បើពេលវេលាកន្លងទៅ ជីវិតបុគ្គលនោះនឹងមានប្រយោជន៏អាស្រ័យលើពេលវេលានេះ។
៩. ធម្មតាចិត្តនេះ ជាធម្មជាតិវាតែងត្រាច់ចរទៅបានឆ្ងាយ ការអប់រំទូន្មានចិត្តនេះអោយស្ថិតនៅក្នុងអំណាចរបស់ខ្លួនបានជាការប្រសើរណាស់។
១០. គោលបំណងនៃជីវិតរបស់អ្នកគឺការស្វែងរកអោយឃើញនៅគោលដៅមួយ ដែលអ្នកត្រូវលះបង់ជាមួយនឹងវិញ្ញាណដើម្បីសម្រេចវា៕ អត្ថបទដោយ៖ ទ្រ សុភាព