ដូចនេះហើយ អ្នកធាត់គួរតែប្រញ៉ាប់ទៅហាត់ប្រាណ និងតមអាហារ។ អ្នកគ្រូ ហមុនី បានលើកពីកូនសិស្សម្នាក់ ដែលមានវ័យក្មេងដែរ ប៉ុន្តែមានទម្ងន់រហូត ១១០គីឡូឯណោះ។ រយៈពេល ១ខែគាត់អាចសម្រកបាន ១០គីឡូជាង ព្រោះតែគាត់ប្តេជ្ញាចិត្ត។ គាត់បានបោះបង់ទូរស័ព្ទឈប់ប្រើប្រាស់ ងាកមកកាត់បន្ថយចំណីអាហារម្តងបន្តិចៗ រហូតគាត់អាចគ្រប់គ្រងរបបអាហារផ្ទាល់ខ្លួនបានសម្រេច។ ចំណែកការធ្វើលំហាត់ប្រាណវិញ គាត់ហាត់ទៀងពេលវេលាណាស់ បើម៉ោង ៤ល្ងាច គាត់មកហាត់ប្រាណ គឺគាត់មកហាត់ហើយ”។ នេះជាគេហៅថា ការឈ្នះលើខ្លួនឯង គឺឈ្នះលើទម្លាប់អាក្រក់សាងទម្លាប់ល្អដោយការប្តេជ្ញាចិត្តយ៉ាងមុតមាំរបស់ក្មេងម្នាក់នេះ។

ហេតុអ្វីក្មេងម្នាក់អាចធ្វើបានសម្រេចបានលទ្ធផលក្នុងការសម្រកគីឡូ? តាមអ្នកគ្រូ ហមុនី បានប្រាប់ថា “ពេលយើងធាត់ តែងតែមាននរណាម្នាក់មើលងាយពីរូបរាងកាយយើងហើយ។ ប៉ុន្តែបើយើងយកការឈឺចាប់នេះ ទៅដេកអោប វាមិនមែនជាដំណោះស្រាយនោះទេ។ ប៉ុន្តែបើយើងយកការឈឺចាប់មកបម្លែងធ្វើជាការហាត់ប្រាណវិញ វាជាថាមពលជម្រុញចិត្តក្នុងការហាត់ខ្លាំងណាស់”។ បើអ្នកខ្វះទឹកចិត្តជម្រុញការហាត់ប្រាណ ប្អូនប្រុសដែលមានទម្ងន់ ១១០គីឡូនេះអីចឹង គាត់យកសម្តីគេមើលងាយ មកធ្វើជាកម្លាំងជម្រុញចិត្តទៅហាត់ប្រាណ កាត់បន្ថយរបបអាហារ កាត់ជាតិខ្លាញ់ កាត់ជាតិផ្អែមៗ មកជំនួសបន្លែ ផ្លែឈើ និងត្រីសាច់គ្មានជាតិខ្លាញ់ជាដើម។

តាមអ្នកគ្រូ ហមុនី បានលើកឡើងថា សម្រាប់អ្នកសម្រកគីឡូ ត្រូវតែព្យាយាមតមអាហារ មិនមែនមានន័យថា អត់ហូបអាហារសោះទេ គាត់គួរហូបឱ្យទៀងពេល តែហូបតិចជាងមុន ទៅលើរបបអាហារមានបន្លែដូចជាស្ពៃ ការ៉ុត សាឡាត់... មានផ្លែឈើដូចជាផ្លែប៉ោមខៀវ ផ្លែប័រ និងផ្លែល្ហុង... ត្រីជាដើម។ ការហូបបែបនេះ កុំឱ្យឈឺក្រពះ ពេលក្រពះដល់ម៉ោងបញ្ចេញជាតិអាស៊ីត ទោះបីរាងកាយអ្នកឃ្លានក៏ដោយ ការឃ្លាននេះវានឹងទៅទាញយកជាតិខ្លាញ់ ជាតិស្ករចាស់ៗ ពីមុន យកមកធ្វើប្រើប្រាស់បម្លែងទៅជាថាមពល កុំឱ្យអ្នកបាក់កម្លាំងរាងកាយ ឱ្យអ្នកស្រកគីឡូ ស្រកជាតិខ្លាញ់បានល្អ”។ សូមអ្នកមានអារម្មណ៍អត់ធ្មត់ ដើម្បីជម្នះលើអារម្មណ៍ដំបូងៗ បែបនេះ កន្លងទៅមួយរយៈ វានឹងក្លាយជាទម្លាប់របស់អ្នកហើយ។ សូម្បីជំនឿចិត្តលើខ្លួនឯង ក៏កើនជាងមុនដែរ៕

លោកអ្នកអាចទំនាក់ទំនងអ្នកគ្រូ ហុន ហមុនី ពីការហាត់ប្រាណនៅក្លឹប Elite Fitness និងសម្រកគីឡូតាមលេខទូរស័ព្ទ 011448461។ អត្ថបទដោយ៖ ទ្រ សុភាព