មនុស្សស្រីបើកើតមកមានសុខភាពផ្លូវចិត្តទន់ខ្សោយ គឺពិបាកទៅមុខណាស់។ លោកស្រី Oprah Winfrey ធ្លាប់ធំធាត់ឡើងក្នុងគ្រួសារដ៏លំបាក​ រងអំពើហិង្សា រងការរំលោភផ្លូវភេទ មានផ្ទៃពោះនៅអាយុ១៤ឆ្នាំ និងគ្មានសូម្បីតែស្បែកជើងពាក់ផងដែរ។ ឥឡូវនេះ លោកស្រីក្លាយជាសហគ្រិនស្រ្តីជាមហាសេដ្ឋីទ្រព្យ៣.២ពាន់លានដុល្លារ ជាអ្នកដឹកនាំដែលបានផ្លាស់ប្តូរវាសនាមនុស្សជាច្រើនដោយសារ គំនិតទាំង ៨នេះ៖ 

១. សុបិនឱ្យធំនិងអស្ចារ្យបំផុតដែលអាចធ្វើទៅបានសម្រាប់ជីវិតរបស់អ្នក ពីព្រោះអ្នកនឹងក្លាយជាអ្វីដែលអ្នកជឿជាក់ថាវានឹងទៅរួច។

២. ខ្ញុំមានសេរីភាពផ្នែកហិរញ្ញវត្ថុ គឺខ្ញុំមិនបានធ្វើការដើម្បីតែលុយនោះទេ តែវាជាការផ្តោតទៅលើលទ្ធផលការងាររបស់ខ្ញុំ។

៣. អ្នកគឺជាបុគ្គលដែលត្រូវ ទទួលខុសត្រូវចំពោះជីវិតរបស់ខ្លួនឯង  ​អ្នកមិន​អាច​​បន្ទោស​អ្នក​ផ្សេង​ឬកត្តាជុំវិញចំពោះ​ភាព​បរាជ័យណាមួយនោះទេ ជីវិតគឺពិតជាការដើរទៅមុខឥតឈប់ឈរហើយហ៊ានចាកចេញពីភាពឈឺចាប់និងភាពស្រណុកសុខស្រួលផងដែរ។

៤. គិតឱ្យដូចម្ចាស់ក្សត្រី ម្ចាស់ក្សត្រីមិនខ្លាចបរាជ័យ មិនខ្លាចបញ្ហា ព្រោះបញ្ហាជាជំហានមួយឆ្ពោះទៅរកភាពអស្ចារ្យ។

៥.ពេលអ្នកមិនឲ្យតម្លៃនៅអ្វីដែលអ្នកធ្វើទេ ពិភពលោនឹងបន្ទាបតម្លៃខ្លួនរបស់អ្នកដូចគ្នា។

៦.​រឿងដ៏លំបាក១ គឺត្រូវរៀនឱ្យយល់ថា​ស្ពានណាត្រូវដើរ ស្ពានណាត្រូវដុត។

៧. ដំណើរផ្សងព្រេងក្នុងជីវិតដែលល្អបំផុត ជាការប្រើជីវិតនេះតាមបំណងប្រាថ្នារបស់ខ្លួន។

៨. ត្រូវដឹងគុណនិងរីករាយចំពោះអ្វីដែលអ្នកមាន អ្នកនឹងមានកាន់តែច្រើនទៀត ប៉ុន្តែប្រសិន​បើ​អ្នក​ផ្ដោត​លើ​អ្វី​ដែល​អ្នក​មិន​មាន អ្នក​នឹង​មិន​មានវា​គ្រប់​គ្រាន់​ឡើយនោះឡើយ ព្រោះអ្នកគ្មានកម្លាំងចិត្តដើម្បីតាមចាប់មហិច្ឆតារបស់អ្នក។