១. ការគោរព៖ អ្វីដែលឪពុកម្ដាយត្រូវធ្វើទី២គឺ ការគោរពជាមូលដ្ឋានបំផុតដែលយើងអាចបង្រៀនដល់កូនៗរបស់យើងគឺឆ្ពោះទៅរកស្វ័យភាពនិងលក្ខណៈបុគ្គលរបស់ពួកគេ។ កូនៗគ្រប់រូបមានអំណោយពីធម្មជាតិ ហើយទាំងនេះគឺជាទំនួលខុសត្រូវរបស់យើងក្នុងនាមជាឪពុកម្តាយដើម្បីចិញ្ចឹមបីបាច់ថែរក្សាអំណោយនោះទោះបីវាជាមានបញ្ហាអ្វីក៏ដោយ។

២. បង្រៀនពួកគេពីការកំណត់គោលដៅជីវិត៖ អ្នកអាចសាកល្បងឱ្យកូនសរសេរអំពីអាជីព ឬអ្វីដែលពួកគេចង់ធ្វើពេលអនាគត ហើយអ្នកត្រូវជួយពន្យល់ពួកគេថាតើអាជីពមួយណាដែលស្របនឹងសមត្ថភាព និងចំណង់ចំណូលចិត្តរបស់ពួកគេ (តែអ្នកមិនមែនជាកំណត់ឱ្យពួកគេធ្វើទេ)។ បន្ទាប់មក បង្រៀនឱ្យពួកគេហ៊ានបោះជំហ៊ានតូចៗដើម្បីឈានទៅរកគោលដៅនោះ ហើយចាប់ផ្ដើមអនុវត្តវាជាជំហ៊ានៗ។ 

៣. អនុញ្ញាតឱ្យកូនរបស់អ្នករកផ្លូវផ្ទាល់ខ្លួនរបស់ពួកគេ៖ លោកតា Warren Buffett បានមានប្រសាសន៍ថា “ខ្ញុំបានឃើញឪពុកម្ដាយជាច្រើនកំពុងព្យាយាមដឹកនាំកូនៗរបស់ពួកគេ ហើយអ្វីដែលអាក្រក់បំផុតដែលឪពុកម្ដាយតែងតែធ្វើនោះគឺ ប្រើលុយដើម្បីជំរុញដល់កូនៗក្នុងការធ្វើអ្វីមួយ។ ជាក់ស្ដែង “ខ្ញុំបានប្រាប់កូនៗរបស់ខ្ញុំហើយថា ពួកគេមិនចាំបាច់ធ្វើអ្វីទេ គ្រាន់តែបញ្ចប់ថ្នាក់មហាវិទ្យាល័យដើម្បីក្លាយទៅជាវេជ្ជបណ្ឌិត ឬក៏មេធាវី បន្ថែមពីលើនេះខ្ញុំបានប្រាប់ពួកគេឲ្យប្រើទេពកោសល្យរបស់ពួកគេតាមទម្រង់ណាក៏ដោយដែលពួកគេគិតថានឹងបង្កើតផលប្រយោជន៏ដ៏ធំបំផុតដល់សង្គមបាន៕