យើងបានដឹងហើយថា ប្រទេសជប៉ុន មានប្រជាជនសុខភាព និងអ្នកអាយុវែងច្រើនជាងគេលើលោកនេះ។ តាមការចេញផ្សាយ The Lancet បានបញ្ជាក់ថា សម្រាប់កុមារជប៉ុនប្រុស និងស្រី មានគេការរំពឹងទុកថា ពួកគេអាចរស់នៅដល់អាយុ ៧៣ឆ្នាំដោយគ្មានជំងឺ ឬពិការភាពណាមួយឡើយ។ បើតាមសារព័ត៌មាន today បានចុះផ្សាយពីលោកស្រី Naomi Moriyama បានចាប់ផ្តើមស្រាវជ្រាវសរសេរសៀវភៅថ្មីមានចំណងជើងថា "អាថ៌កំបាំងកុមារជប៉ុនមានអាយុវែង និងមានសុខភាពល្អបំផុតលើលោក។ ថ្ងៃនេះ យើងមកដឹងពីចិញ្ចឹមកូនជប៉ុនចំនួន ៥ មានដូចជា៖
១. ការញ៉ាំអាហារមានកាឡូរីឱ្យតិច៖ តាមលោកស្រី Moriyama បាននិយាយថា ការហូបអាហារតាមបែបជប៉ុនជាធម្មតា របៀបញ៉ាំរបស់ពួកគេ មានបាយមួយចានតូច ស៊ុបមីសូមួយចាន និងម្ហូបបីមុខដែលបម្រើក្នុងចានតូចៗ ឬដាក់ចានតែមួយ មានត្រី សាច់ តៅហ៊ូ និងម្ហូបពីរមុខដែលផ្អែកលើបន្លែតាមធម្មជាតិ។ ហើយលោកស្រីបានបន្ថែមថា ខ្ញុំមិនឱ្យអ្នកកែប្រែចម្អិនម្ហូបតាមជប៉ុនទេ ប៉ុន្តែខ្ញុំលើកចិត្តយកគំរូញ៉ាំអាហារតាមគ្រួសារជប៉ុន វាជួយបង្កើតភាពកក់ក្តៅដល់កូន។ ហើយសូមអ្នករីករាយជាមួយផ្លែឈើ បន្លែ គ្រាប់ធញ្ញជាតិ និងត្រីឲ្យបានច្រើន ដែលមានកាឡូរីទាប។ ក្មេងៗ ញ៉ាំអាហារបែបនេះ នាំឱ្យកុមារជប៉ុនមានអាយុវែង។ នៅប្រទេសជប៉ុន កូនៗ ត្រូវជៀសវាងការទទួលទានអាហារកែច្នៃឱ្យតិច ដែលមានជាតិប្រៃ ហើយជាតិផ្អែមខ្លាំងពេក។
២. ចេះអត់ធ្មត់ក្នុងការបត់បែន៖ តាមលោកស្រី Moriyama បាននិយាយថា "យើងជាអ្នកជឿជាក់យ៉ាងមុតមាំថា កុមារជប៉ុនមានភាពអត់ធ្មត់ក្នុងការចេះបត់បែនបាន។ មកពីឪពុកម្តាយបង្រៀនថា ការចេះសម្របខ្លួន និងស៊ូចំពោះកិច្ចការណាឱ្យសម្រេចជោគជ័យ ចាំឈប់ នាំឱ្យកូនរស់នៅមានក្តីសុខ និងសុខភាពផ្លូវចិត្តរឹងមាំ។ ឪពុកម្តាយអនុញ្ញាតកូនញ៉ាំអាហារខាងក្រៅម្តងម្កាល និងហូបអាហារតាមមិត្តភក្តិរបស់ខ្លួនដូចជាភីហ្សា ការ៉េម ខូឃី ឬឈីសជាមួយអ្នកដទៃ ប៉ុន្តែពួកគេមិនអាចហូបច្រើនទេ។
៣. មិនចោលស្រូវអង្កទេ៖ តាមលោកស្រី Moriyama បាននិយាយថា អង្កសំណើម ជាអាហារសំខាន់របស់ម្ហូបជប៉ុន និងអាស៊ីផ្សេងផងដែរ។ ទោះបីអង្កបង្កើនជាតិស្ករក្នុងឈាម និងនាំឱ្យឡើងទម្ងន់។ ប៉ុន្តែអង្កនៅតែល្អសម្រាប់សុខភាព ដូចជាជប៉ុនតែងបង្រៀនកូនៗ ឱ្យហូបបាយជាមួយបន្ថែមចម្រុះឱ្យច្រើន។ ជាឧទាហរណ៍ ស៊ូស៊ី មិនមែនជាអាហារដែលមានជាតិស្ករខ្ពស់ទេ ពីព្រោះជប៉ុន ត្រូវយកអង្ករលាយជាមួយអាហារផ្សេងទៀតដូចជាត្រី បន្លែ និងសារ៉ាយសមុទ្រ។ ហើយការទទួលទានអាហារចម្រុះបែបនេះ ជាវិធីដែលប្រជាជនជប៉ុនតែងតែញ៉ាំបាយជាប្រចាំថ្ងៃ វាគ្មានផលប៉ះពាល់នៃជាតិស្ករក្នុងសរសៃឈាមទេ។ នេះហើយនាំឱ្យកូនពួកគេមានសុខភាពរឹងមាំ។
៤. សុខភាពរាងកាយ៖ ការរស់នៅរបស់់កុមារជប៉ុន ឱ្យចេះថែរក្សាសុខភាពរាងកាយតាំងពីតូចមកម្ល៉េះ។ យោងតាមអង្គការសុខភាពពិភពលោកបានឲ្យដឹងថា កុមារជប៉ុនជាង ៩៨%បានដើរ ឬជិះកង់ទៅសាលារៀន។ ហើយបើតាមលោកស្រី Moriyama បាននិយាយថា កុមារជប៉ុនភាគច្រើនកំពុងបំពេញតាមការណែនាំឱ្យធ្វើសកម្មភាព ៦០នាទី មានដូចធ្វើលំហាត់ប្រាណ ដើរ និងសកម្មភាពផ្សេងៗ ។ ហើយឪពុកម្តាយតែងបិទឧបករណ៍អេឡិចត្រូនិចផ្សេងៗ ដើម្បីដើរលេងជាមួយកូន និងអប់រំឱ្យកូនចេះស្រឡាញ់សុខភាពដោយខ្លួនឯង នាំឱ្យកូនមានអារម្មណ៍កក់ក្តៅជាមួយសមាជិកគ្រួសារ។
៥. អំណាចនៃអាហារថ្ងៃត្រង់៖ តាមលោកស្រី Moriyama បាននិយាយថា រដ្ឋរបស់ជប៉ុនបានផ្តល់ជំនួយផ្នែកចំណីអាហារថ្ងៃត្រង់ឱ្យកូនសិស្សកុមារហូបឱ្យមានរសជាតិឆ្ងាញ់ និងមានសុខភាពល្អ។ ការចាប់ផ្តើមពីសាលាបឋមសិក្សារបស់កុមារក្មេងៗ ដើម្បីបម្រើអាហារពាក់កណ្តាលថ្ងៃនៃមុខម្ហូបដ៏ល្អ ជារឿយៗ របបអាហារទាំងអស់នេះ ជាប្រភេទអាហារស្រស់ៗ មានការរៀបចំថ្មីៗ ជាផលិតផលដាំដុះក្នុងស្រុកតែម្តង៕ អត្ថបទដោយ៖ ទ្រ សុភាព