អារម្មណ៍តាមតែចិត្តយឃ្លានញ៉ាំអាហារមានជាតិខ្លាញ់ ជាតិស្ករ និងរាងប្រៃៗ ហើយមានអ្នកខ្លះងាកក៏ទៅពិសារស្រាបន្ថែម ដើម្បីរំសាយអារម្មណ៍ ជាមូលហេតុធ្វើឱ្យពួកគាត់ឡើងគីឡូ និងឡើងជាតិខ្លាញ់ដោយអត់ដឹងខ្លួន។ ការបណ្តាយអារម្មណ៍ច្រើនពេក វាជាទម្លាប់មួយធ្វើឱ្យគេដល់ម៉ោងល្ងាច ឬយប់ក្រពះដឹងតែឃ្លាន បានហូបទើបមានអារម្មណ៍ល្អ ហើយគេធាត់អត់ដឹងខ្លួននោះទេ។ ហើយលោកគ្រូ ឃូ ឃាងហ៊ុយ នេះជាវិធីងាយៗ ការពារស្រ្តេស និងសម្រកគីឡូ។
តាមលោកគ្រូ ឃូ ឃាងហ៊ុយ បានបញ្ជាក់ថា បើអ្នកចេះតែស្រ្តេសច្រើន ងាយបាត់បង់កោសិការខួរក្បាល និងចាស់ជាងវ័យលឿនណាស់។ តាមបទពិសោធន៍របស់លោកគ្រូជាច្រើនឆ្នាំមកនេះ ការធ្វើលំហាត់ប្រាណជួយឱ្យអ្នកជ្រុះស្រ្តេស ហើយអារម្មណ៍រីករាយ។ ព្រោះរាងកាយយើងបានបញ្ជេញអរម៉ូន Endorphins ហៅថា អរម៉ូនរីករាយ”។ តាមការសិក្សានៅសាលាសុខភាព Harvard TH Chan បានរកឃើញថា ការហាត់ប្រាណរយៈពេល ១៥ នាទីក្នុងមួយថ្ងៃ ជួយកាត់បន្ថយហានិភ័យនៃជំងឺធ្លាក់ទឹកចិត្តបានរហូតដល់ ២៦% ឯណោះ។
លោកគ្រូបានបញ្ជាក់បទពិសោធន៍របស់កូនសិស្សថា ការជម្រុញកូនសិស្សឱ្យមកហាត់ប្រាណ យើងសួរកូនសិស្សថា ហាត់ប្រាណចង់បានរាងស្អាត ឬគ្រាន់តែស្រកគីឡូ ឬយកសាច់ដុំ? ពេលគាត់មានគោលដៅហើយ តម្រូវគាត់មានវិន័យ និងលើកទឹកចិត្តតាមក្រោយ ជាពិសេសជួយគាត់ឱ្យមានលទ្ធផលពីដំបូងសិន។ ទើបគាត់មានទឹកចិត្តប្រយុទ្ធធ្វើលំហាត់ប្រាណបន្តទៀត។ ហើយឱ្យគាត់កាត់បន្ថយអាហារឡើងគីឡូដូចជានំកញ្ជប់ ឬញ៉ាំអាហាររហ័ស មានប្រហិត បង្អែម និងអាហារវេចខ្ចប់ វាមានការឡូរីលើសកម្រិត(ងាយធាត់)។ យើងគួរឱ្យប្តូរមកហូបអាហារសុខភាពបែបធម្មជាតិមានត្រី សាច់គោល ទ្រុងមាន់ និងបន្លែ ឬផ្លែឈើស្រស់ៗ... ពេលគាត់ធ្វើរបៀបនេះ មានលទ្ធផលគាត់ច្បាស់ជាមានទាំងអារម្មណ៍រីករាយ និងស្រកគីឡូ គាត់នឹងព្យាយាមហាត់ប្រាណដោយខ្លួនឯងខ្លាំងផងដែរ។ ការធ្វើលំហាត់ប្រាណពិតជាជួយប្រព័ន្ធរំលាយអាហារ និងរំលាយខ្លាញ់ ហើយបូករួមជួយកសាងសាច់ដុំអ្នកថែមទៀត។
បើអ្នកមានអារម្មណ៍ឃ្លានអាហារពេលល្ងាច វិធីជួយសម្រួលគឺអ្នកត្រូវតែផឹកទឹក(ល្មម)មុនពេលហាត់ប្រាណ និងហូបពងទាឬពងមាន់ ហើយកាត់ពណ៍ក្រហមចេញ ហូបពងពណ៍ស ដើម្បីសម្រកគីឡូ និងហូបផ្លែបន្ថែម មានចេកពីរផ្លែ ដើម្បីបន្ថែមថាមពលក្នុងការធ្វើលំហាត់ប្រាណផងដែរ។ តាមលោកគ្រូ ឃូ ឃាងហ៊ុយ បានលើកឡើងថា ការធ្វើលំហាត់ប្រាណជាប្រចាំថ្ងៃមិនត្រឹមតែជួយកម្ចាត់ស្រ្តេសនោះទេ ជួយសម្រកគីឡូកម្ចាត់ជាតិខ្លាញ់អាក្រក់ៗ ចេញពីក្នុងខ្លួន ហើយអ្វីដែលកាន់តែពិសេសលើសពីនេះដែលមនុស្សមើលរំលងនោះ គឺការជួយពង្រឹងសុខភាពបេះដូង។ ព្រោះបេះដូងខ្សោយការផលិតឈាមក៏ខ្សោយដែរ។ តាមការសិក្សាថ្មីៗ មួយពី Hopkinsmedicine ចុះផ្សាយថា ការធ្វើលំហាត់ប្រាណធ្វើឱ្យប្រសើរឡើងនូវសមត្ថភាពរបស់សាច់ដុំក្នុងការទាញអុកស៊ីហ្សែនឱ្យសរសៃឈាមបេះដូងដើរស្រួល។
ការធ្វើលំហាត់ប្រាណជួយកាត់បន្ថយហានិភ័យជាតិខ្លាញ់រុំបេះដូង។ តាមប្រសាសន៍របស់អ្នកឧកញ៉ាវេជ្ជបណ្ឌិត គួច ម៉េងលី មានប្រសាសន៍ថា ការហាត់ប្រាណឱ្យមានសុខភាពល្អដល់បេះដូង និងសរសៃឈាម អ្នកត្រូវរត់តិចៗដោយជើង និងហែលទឹក ក៏ជាវិធីល្អបំផុត ដើម្បីសុខភាពរឹងមាំ។ ហើយអ្នកត្រូវហាត់ប្រាណរយៈពេលត្រឹមតែពី៣០ទៅ៤០ នាទីគ្រប់គ្រាន់ហើយសម្រាប់សុខភាព៕ ទំនាក់ទំនង FaceBooks ៖លោកគ្រូ ឃូ ឃាងហ៊ុយ Khou Kheanghuy លេខទូរស័ព្ទ៖ 070201530៕ អត្ថបទដោយ៖ ទ្រ សុភាព
