បងប្អូនច្រើននិយមបរិភោគផ្លែប៉ោមពណ៌ក្រហម ហើយភាគច្រើននៅលើទីផ្សារយើងក៏សង្កេតឃើញថា ផ្លែប៉ោមក្រហមក៏សម្បូរលក់ជាងប៉ោមខៀវផងដែរ។ ក៏ប៉ុន្តែបើនិយាយពីអត្ថប្រយោជន៍របស់ផ្លែប៉ោមទាំង២ពណ៌នេះ គឺល្អមិនចាញ់គ្នាប៉ុ្មនានោះទេ គឺសុទ្ធសឹងតែអាចជួយដល់សុខភាពនិងសម្រស់របស់យើងដូចគ្នា។
ក៏ប៉ុន្តែ នៅថ្ងៃយើងនឹងមកនិយាយអំពីអត្ថប្រយោជន៍រវបស់ផ្លែប៉ោមខៀវ ដែលនឹងជួយសម្រកគីឡូ ជួយឱ្យស្បែកម៉ដ្ឋស្អាតនិងការជួយបំប៉នសរសៃសក់។
សម្បូរដោយជាតិកាកសរសៃ៖ ផ្លែប៉ោមខៀវសម្បូរដោយជាតិកាកសរសៃច្រើនដែលជួយសម្អាតប្រព័ន្ធ និងបង្កើនការរំលាយអាហារបានល្អ ឱ្យមានភាពងាយស្រួលក្នុងបន្ទរបង់ មិនបណ្ដាលឱ្យមានការទល់លាមក។ ដោយសារតែវាជួយសម្រួលការបន្ទរបង់និង ជំរុញការរំលាយអាហារដូចនេះ ទើបធ្វើឱ្យអ្នកអាចស្រកគីឡូបានផងដែរ។
មានជាតិខ្លាញ់ទាប៖ សម្រាប់អ្នកដែលកំពុងហាត់ប្រាណព្យាយាមសម្រកគីឡូ ការញ៉ាំប៉ោមខៀវ គឺជាវិធីល្អបំផុតក្នុងការជួយឱ្យលោកអ្នកឆាប់ស្រកគីឡូ ពីព្រោះ សារធាតុនៅក្នុងផ្លែប៉ោមខៀវនឹងជួយប្រមូលជាតិខ្លាញ់នៅក្នុងសរសៃឈាមនិង ជួយក្នុងការរក្សាលំហូរឈាមឱ្យបានត្រឹមត្រូវដល់ដបេះដូងការពារឱកាសនៃជំងឺដាច់សរសៃឈាមខួរក្បាល។
ការពារជំងឺមហារីកស្បែក៖ ប៉ោមខៀវសម្បូរដោយវីតាមីនសេ ដែលអាចជួយការពារការបំផ្លាញកោសិកាស្បែកដោយរ៉ាឌីកាល់សេរី និងទប់ស្កាត់ការកើតមហារីកស្បែកផងដែរ។ បន្ថែមពីនេះ វីតាមីនសេ នឹងជួយបំពេញចន្លោះខ្វះខាតនៃកោសិកាស្បែក និងជួយបង្កើតកូឡាជែនសម្រាប់ស្បែកឱ្យមានភាពក្មេង និងមិនងាយចាស់។
ការពារការកកឈាម៖ ទឹកផ្លែប៉ោមខៀវ គឺជាប្រភពសក្តានុពលនៃវីតាមីនខេ ដែលជាធាតុជួយឱ្យឈាមកកត្រឡប់មកសភាពដើមវិញ។ បន្ថែមពីនេះ សម្រាប់អ្នកដែលមានបញ្ហាមករដូវមិនទៀង អាចធ្វើការញ៉ាំជាមួយប៉ោមខៀវ ឬទឹកប៉ោមខៀវដើម្បីជួយឱ្យដល់រំហូរឈាមបានល្អផងដែរ។
គួរបញ្ជាក់ថា ប្រសិនបើលោកអ្នកកំពុងតែមានបញ្ហាឡើងគីឡូ និងកំពុងព្យាយាមស្រកគីឡូលោកអ្នកអាចជ្រើសរើសការញ៉ាំផ្លែឈើមួយប្រភេទនេះបាន ដោយសារតែវាមានជាតិស្ករតិច មានជាតិកាកសរសៃខ្ពស់ មិនធ្វើឱ្យឡើងគីឡូឡើយ។ បន្ថែមពីនេះ ផ្លែឈើនេះក៏ជួយការពារជំងឺផ្សេងៗដូចដែលបានរៀបរាប់ខាងលើផងដែរ។
ដូចនេះ សម្រាប់អ្នកចង់សម្រកគីឡូ អ្នកដែលចង់បានស្បែកស្អាតស្រស់ថ្លា និងមានបញ្ហាខ្មៅស្រអាប់ លោកអ្នកអាចជ្រើសញ៉ាំផ្លែឈើមួយប្រភេទនេះបាន។
អត្ថបទស្រាវជ្រាវដោយ៖ តឹក ស៊ីថា